1 CORINTIOS 10:13 - Dios Rimashcata Quillcashcami

¹³ Cancunaca pi mana apaipac llaquitaca mana apashcanguichicchu. Diosca cancuna mana apaipac llaquita apachunca, mana munanchu. Ashtahuanpish llaquita apashpapish, chai llaquimanta llucshichunmi ayudanga.

Nuevo Testamento en Quichua Cañar 1996

¹³ Cancunaca pi mana apaipac mana alli munaitaca mana apashcanguichicchu. Shinallatac Taita Diosca cancuna mana apaipac mana alli munaita apachunca mana saquingachu. Taita Diosca imatapish pactachic cashpami, cancuna mana alli munaita jahualla apachunca, chai munaimanta llucshina yuyaitapish cunga.

1 CORINTIOS 10:13 ပူးပေါင်းရင်းမြစ်များ

SALMOS 124:7

Zhutacunata japiccunapac linchimanta zhutata cacharichic shinami quishpichirca. Paicunapac linchi lliquiricpimi, cacharircanchic.

SALMOS 125:3

Millaita ruhuaccunaca cashcata ruhuaccunapac llactapica mana unaita mandangachu. Chashna unaita mandacpica cashcata ruhuaccunami paicunapac maquihuan mana allita ruhuangacuna.

SALMOS 36:5

Mandac Dioslla, cambac llaquinaca jahua pachacamanmi. Can tucuita pactachic cashcapish jahua puyucamanmi.

SALMOS 89:33

Shina cacpipish, Davidta llaquinataca manatac saquishachu. Cashcata ninatapish mana saquishachu.

ÉXODO 3:17

Ñucami cancunataca Egiptopi llaquita apacucpi, llucchishpa, lechepish, mishquipish achca tiyac, cananeocunapac, heteocunapac, amorreocunapac, ferezeocunapac, heveocunapac, jebuseocunapac llactaman pushamusha nircani’ ninmi” ningui.

ISAÍAS 11:5

Cashcata ruhuanahuanmi chumbillishca shina canga. Cutin pactachic canaca paipac cintura shinami canga.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

JEREMÍAS 12:5

Mandac Diosca: «Chaquillahuan callpaccunahuan callpashpa shaicushpaca, ¿ima shinatac caballopi callpaccunahuan pacta callpai pudinguiyari? Sumac llactapi urmashpaca, Jordán yacu patapi tiyac yallita sachapi cashpaca, ¿imachari tucungui?

JEREMÍAS 29:11

Ñucaca cancunaman ima ruhuanata yuyaricushcataca yachanimi. Cancuna cushilla shuyashpa causachunca, cancunata llaquichinapac randica, cushi causaitami cusha. Chaitaca Mandac Dios ñucami nini.

LAMENTACIONES 3:23

Chai cuyaica cada tutamantami mushucyan. ¡Canca tucuita pactachicmi cangui!

DANIEL 3:17

Chashna ruhuacpica, ñucanchic servina, ñucanchic Diosmi chai rupacuc hornomantapish, can jatun mandacpac maquimantapish quishpichinga.

OSEAS 2:20

Tucuita pactachingapacmi canhuan cazarasha. Shina ruhuacpimi, Mandac Dios ñucata ricsingui.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

SAN LUCAS 11:4

Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui” ninguichic— nirca.

SAN LUCAS 16:26

Chaipac jahuapica caimanta cancunapacman, cancunapacmanta caimanca shuc jatun huaicumi tiyan. Chaimantami caiman, chaimanpish, chaimanta caimanpish maita mana pasai pudincuna” nirca.

SAN LUCAS 22:46

Chaimantami paicunataca: —¿Ima nishpatac sueñucunguichic? Mana pandachishca cangapacca Diosta mañaichic— nirca.

HECHOS 27:44

shuccunaca tablacunapi, barco paquirishca caspicunapi japirishpa llucshichun mandarca. Chashnami tucui mana ima tucushpa, allpaman llucshircanchic.

1 CORINTIOS 1:9

Pai nishcataca pactachic Diosmi paipac Churi ñucanchic Apunchic Jesucristohuan shuclla tucushpa causachun cayarca.

2 CORINTIOS 1:10

Diosmi chai huañuna llaquimanta huacaichirca. Paillatacmi chai llaquimanta huacaichicun, paillatacmi tucui llaquimanta huacaichishpa catinga yuyanchicmi.

DEUTERONOMIO 7:9

Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.

1 TESALONICENSES 5:24

Cancunata cayac Diosca imatapish pactachic cashcamantami, tucui caicunatapish pactachinga.

2 TESALONICENSES 3:3

Paicuna chashna cacpipish, Apunchic Jesusca tucui imatapish pactachic cashcamantaca sinchita ruhuashpami millaimantapish huacaichinga.

2 TIMOTEO 4:18

Chashnallatacmi tucui mana allicunamanta anchuchishpa, pai mandacuc jahua pachaman chayangacaman ñucataca huacaichinga. ¡Paitaca tucui mashna huiñai huiñaita “sumaimanami cangui” nishunchic! Chashna cachun.

HEBREOS 10:23

Dios pactachina cashcata crishpa, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

HEBREOS 11:11

Crishcamantami Abrahamca paipac huarmi Sara mana huahuata chari pudic, yuyac cacpipish, huahuata charirca. Dios imatapish pactachic cashcata crishcamantami, Abrahamman shuc cari huahuata Diosca curca.

HEBREOS 12:4

Cancunaca juchata atingapac mana huañushpa, yahuarta jichashcanguichicchu.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

1 PEDRO 4:19

Chashna cashcamanta maijanpish Dios munashca shina llaquita apacca, imatapish pactachic, tucuita ruhuac Diospac maquipi almata mingashpami, allita ruhuashpa catina can.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

1 JUAN 1:9

Shina cashpapish ñucanchic juchacunata Diosman huillacpica, paica imatapish cashcata ruhuac cashcamanta, imatapish pactachic cashcamantaca perdonangami, shinallatac tucui mana allicunatapish pichangami.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

APOCALIPSIS 3:10

Mana piñaric alli shungu cai nishpa ñuca mandashcata pactachinata mana saquishcamantami shamuc punzhapi cai pachapi causaccunata ima shina cashcata ricungapac llaquicuna shamucpica, cantapish huacaichisha.

1 SAMUEL 29:10

Shina cashcamanta caya tutamanta utca jatarishpa canpish, canhuan shamushca canta mandacpac serviccunapish ña achicyacpi ringuichicllami— nirca.