1 CORINTIOS 1:28 - Dios Rimashcata Quillcashcami

²⁸ Jatun yachaccunata yangapi churangapacmi, cai pachapi mana alli nishca, imapacpish mana valichishca yangalla gentecunata Diosca acllashca.

Nuevo Testamento en Quichua Cañar 1996

²⁸ Chai “yachacmi canchic” niccunataca mana valichishpami, cai pachapi mana alli nishca, imapacpish mana valichishca yangalla gentecunata Taita Diosca acllashca.

1 CORINTIOS 1:28 ပူးပေါင်းရင်းမြစ်များ

JOB 34:24

Sinchi tucushcacunatapish mana llaquishpami llaquichinga. Paicunapac randica shuccunatami churanga.

SALMOS 32:10

Diosta mana manchactaca jatun nanaicunami japinga. Ashtahuanpish Mandac Diosta shuyactaca paipac cuyaihuanmi pilluchic shina huacaichinga.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 41:12

Cancunata piñashpa rimaccunataca mashcashpapish mana taringuichicchu. Cancunahuan macanacuccunaca mana tiyashca shinami canga.

ROMANOS 4:17

Dios quillcachishcapica: «Tauca llactacunapac taita cachunmi churani» ninmi. Abrahamca huañushcacunatapish causachic, ima mana tiyashcacunata ruhuac Diosta crishcamantami tucuipac taita tucushca.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

1 CORINTIOS 2:6

Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

2 CORINTIOS 12:11

Ñuca jatun tucushpaca, yuyai illac shinami cancunamantaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

DEUTERONOMIO 28:63

Mandac Diosca cancunata allita, achcata ruhuashpaca cushicurcami. Chashnallatacmi cancunata llaquichishpapish, tucuchishpapish cushicunga. Cancuna japishca allpamantaca anchuchishcami canguichic.

2 TESALONICENSES 2:8

chai millaita ruhuac runaca ricuringami. Paitami Apunchic Jesusca paipac shimihuan pucushpa huañuchinga, pai shamucushca sumac achicyachishcahuanmi chingachinga.

HEBREOS 2:14

Ima shinami shuc huahuacuna aichayuc, yahuaryuc can, chai shinallatacmi Jesuspish ñucanchic shina aichayuc, yahuaryuc carca. Shina cashpami, huañuiman apac diablotaca, pai huañushpa chingachirca.

APOCALIPSIS 18:17

Cai tucui charishcacunaca shuc ñahui quimllaillapimi tucui tucurishca» ningacunami. Barcopi riccunapish, barcota purichiccunapish, barcota purichicta mandaccunapish, yacupi imata ruhuashpa causaccunapish chaimanta carupimi shayarircacuna.