Mateo 5:29 - Porciones en Zapoteco de las Delicias

²⁹ »Lena'a, xhki lau'u yubeel run ga guunu dula, gliaj len gru'un, koma nakr'ru dxia'a gnitiu' tu yaj lau'u ka gdu ka naku tzajtzu'u lu gi'gabil.

Zapotec Isthmus

²⁹ Pa nuu xiixa ruuya lu ne ruquiinde ni lii gu'nu ni cadi jneza la? bixele de laani, purti jma huaxié' naná zaca para lii ixele lu de laani bia' naná zaca para lii pa cheu' gabiá, purti qué ziuu dxi ireeu de raqué.

Mateo 5:29 ပူးပေါင်းရင်းမြစ်များ

Mateo 10:28

Ti gaadxi'li nu tudëëdi bunach koma ti nap'ke yëla wak ludëëd'de laadxi'li; gulgaadxi nu nap yëla wak ku'u laadxi'li len xhpeela'li lu gi'gabil.

Mateo 11:6

¡Ati bixhgabe' bënni ti rtupe ni'a kia'!»

Mateo 16:26

Gaxhkz de gun kie' bënni gaki kie' gdu yëdz'lyu xhki gnitie' yëla naban kie', lekz'ka' tibi gunn'kz kiixhje bënni ki usle' yëla naban kie'.

Mateo 17:27

San ki ku gun'ru ga bënni yubl labixe lu dula, gyaj lu nis len bzal lu nis'a gia'a rzëëni'du'ba bël ati bël'a bua' kuiiju'ba zia'a, psaalj rua'a'ba ati na' udzëël'du tu dumi, len ley kiixhj'du laaz'su'u len laaz'su'a.

Mateo 19:12

Ki'ki le gunn gzaaga le' bënni ki ti ktzag'ne'e: la'ke ka taalj'ze ti nak'ke bach lutzag'naa'ke, ye la'ke, bënni bunach tuune ga leke ti lak'ke bach lutzag'naa'ke, ati ye la'ke larakz leke tuune kuin'ke bach ti nak'ke lutzag'naa'ke ni'a ki yëla rnabe' ki yewayuba. Bënni gunn tzajni'i'de le ni, tzajni'i'de.

Mateo 23:15

»¡Bayechi nak'tzka'li bënni useed xhba kie' Dios len bënni fariseo, nak'li ka bënni nuda blo'u! Koma gdu gabi'i yëdz'lyu rajtiilj'li'ne bënni dujte'e lbi'ili, len kati chi bdzëëli'li'ne, run'li ga bënni ni gyali'ir gake bach tziije lu gi'gabil ka lbi'ili.

Mateo 23:33

»¡Bel'! ¡Xi'in bel'! ¿Nakxh gunn gxhunji'li ki yëla rsaka'zi' ki gi'gabil?

Mateo 5:22

San neda rea' lbi'ili ki nu'ti'teez bënni gdze'e bënni bë'che'e, nake bach gbaage'e xhgia'. Bënni gdxie' dë' bënni bë'che'e ulabeki'xhbei'de kie' lu dxin'lau'i blou; ati bënni ti ryaazlaadxe'e bënni bë'che'e nake bach tziije lu gi'gabil.

Mateo 5:30

Len xhki no'u yubeel run ga guunu dula, pchuug len gru'un, nakr'ru dxia'a gnitiu' no'u'a ka gdu ka naku tzajtzu'u lu gi'gabil.

Marcos 8:36

Gaxhkz de gun kie' bënni gaki kie' gdu yëdz'lyu xhki gnitie' yëla naban kie'

Lucas 12:5

Neda kixhji'da lbi'ili nuxha' rala gaadxi'li: Gulgaadxi'de bënni'a uudx kue' yëla naban kieeli, nape yëla wak ku'e lbi'ili lu gi'gabil. Le' rala gaadxi'li'ne