Mateo 5:18 - Porciones en Zapoteco de las Delicias

¹⁸ Le nak'te rea' lbi'ili, ki tzal ni nakua'k xhba len yëdz'lyu, ti tëëd ka'az tu la'an'z diidza ki xhba kie' Dios, nakati gdxin'r gak ka rala gak.

Zapotec Isthmus

¹⁸ Peru gabe ca' laatu, laga nuu ru ibá' ne guidxilayú, qué ziaana nin tindaa lu ley sin gaca cumplir, nin ti letra ne nin ti puntu.

Mateo 5:18 ပူးပေါင်းရင်းမြစ်များ

Mateo 10:15

Le nak'te rea' lbi'ili ki kati gdxin dza'a kchuug'be'e Dios, yëla rsaka'zi' le lazi' yëdz ni uyali'ir, ka le lazi'ke bunach ki gia'a yeego ki Sodoma len Gomorra.

Mateo 10:23

Kati bunach ki tu yëdz lulaage lbi'ili gultziaj ye tu yëdz, le nak'te rea' lbi'ili ki ti gdach yëdz Israel tëëd'li kati Le' Xi'ine Bënni wëëde.

Mateo 10:42

Le nak'te rea' lbi'ili, ki nu'ti'teez bënni gnëëdzje zala tu xhiiga'z nis kiek'bi bi'dau' zak'leemi neda, uzi'e xhbei lea guune'a.»

Mateo 11:11

Le nak'te rea' lbi'ili, ki ladj'ke yugute'ke bënni naalj'ke lu yëdz'lyu ni nutunu nak'r blou ka Juan bënni pkiile nis bunach; san lu yëla rnabe' kie' Dios bënni ti nake zi' blou nak're blou ka le'.

Mateo 13:17

Blikz'da rea' lbi'ili ki zian'ke bënni glui'ke diidza ulaaz kie' Dios len lekz'ka' bënni dxia'a gle'en'de lale'i'de le lbi'ili rle'i'li san ti gulale'i'de, gle'en'de layëën'de le lbi'ili ryëëni'li san ti gulayëën'de.

Mateo 16:28

Blikz'da rnia' ki la'li' lbi'ili zuaali ni, ti gat'li nakati gle'ir'li'ne Le' Xi'ine Bënni giide gnabe'e.

Mateo 17:20

Jesús gudxe leke: —Koma yëla rajle' kieeli nak lati'iz. Blikz'da rea' lbi'ili, nar'la yëla rajle' kieeli nak ka tu xhsei mostaza, gunn gie'li gia'a ni: “Pkuit ga zu', len yajzua kuinu ga yubl”, ati gia'a ni ukuit. Gat'ga de le ku saki'li gun'li.

Mateo 18:18

»Blikz'da rea' lbi'ili ki yugute' le lbi'ili guuga'li lu yëdz'lyu ni, lekz'ka' gaaga' yewayuba, ati le lbi'ili kseedx'li lu yëdz'lyu ni, lekz'ka' tseedx yewayuba.

Mateo 18:3

ati gne': Blikz'da rea' lbi'ili ki xhki ti ktza'li yëla rbëëz kieeli len këëz'li ka tabëëz'bi bi'dau', ti tzaaz'li lu yëla rnabe' ki yewayuba.

Mateo 19:23

Na' Jesús gudxe bënni useed kie': —Blikz'da rea' lbi'ili, nak'tzka baniig ki tue' bënni de'tzka bi de kie' tzaazie lu yëla rnabe' ki yewayuba.

Mateo 19:28

Jesús bubi'e diidza: —Blikz'da rea' lbi'ili, ki kati gdxin dza'a kati yugute' le ni lu'ueak dxia'a, kati Le' Xi'ine Bënni kë'e lu xhlatje xhën'te, lbi'ili bënni gza'leen'li neda lekz'ka' tu tuuli kë'li xhlatj'li blou naar kchuug'be'li ki chin'nu kë'ke xi'in'xhzue' Israel.

Mateo 21:21

Jesús bubi'e diidza: —Blikz'da rea' lbi'ili ki xhki rajle'li gdu laadxi'li, keg len yaag higuera'z gunn gun'li ki, lekz'ka' gun gie'li gia'a ni: “Pkuit ga zu' len bzal kuinu lu nis xhën”, ati ka gak.

Mateo 21:31

¿Nuxh'lbi bi chop'bi'a bemi lea ryaazlaadxe'e xuuz'bi? —Bi'i zia'a —gulanake leke. Ati Jesús gudxe leke: Blikz'da rea' lbi'ili ki bënni'a tukiixhje laaz'sua'ke ki Roma, len nguul gda'dzaag, layaazie zia'a ka lbi'ili lu yëla rnabe' ki yewayuba.

Mateo 23:36

Blikz'da rea' lbi'ili, ki ikj'ke bënni'a nakua'ke dza zuaaru na'a tzajdxia yëla rsaka'zi' ki yugute' le ni.

Mateo 24:2

Na' Jesús gudxe leke: ¿Ba rle'i'li yugute' le ni? Blikz'da rea' lbi'ili ki ti jga'an tu giaj lau'i ye tu giaj. Gdu'te jgin'j.

Mateo 24:47

Blikz'da rnia' ka' ki bënni xaane'a uzue' le' gun'chi'e zura yëla tzawi kie'.

Mateo 25:12

San le' bubi'e diidza: “Blikz'da rnia' ki ti numbe'a lbi'ili.”

Mateo 25:40

Bënni Rnabe' ubi'e diidza: “Blikz'da kati rnia' ki yugute' le ben'li kieke bënni'du ni, kie'kza ben'li ley.”

Mateo 25:45

Bënni Rnabe' ubi'e diidza: “Blikz'da kati rnia' ki yugute' le ti ben'li kieke bënni'du ni, lekz'ka' ti ben'li ley kia'.”

Mateo 5:26

Le nak'te rea' li' ki ti yurooju xhki ti kiixhju zura dumi'a tzka rala gdxiu'.

Mateo 6:16

»Kati gun'li gbas, ti gzeeli bayechi'da lau'rua'a'li, ka tuune bënni nuda' blo'u, tun'ze lua' takua'ke bayechi, naar bunach lale'i'de ki tun'ke gbas. Le nak'te rea' lbi'ili ki lena'az luzi'ke xhbei.

Mateo 6:2

»Lena'a, kati gak'leenk'li'ne bënni nayaadzji'kde ti guunu ga uakz nu gnëëzi, ka tun'ke bënni nuda' blo'u lu yu useed len la nëëz naar bunach lun'ke leke xhën. Le nak'te rea' lbi'ili ki lena'az luzi'ke xhbei.

Mateo 8:10

Jesús bubaan'de kati byëën'de diidza ni len gudxe bunach zjak'leene Le': —Le nak'te rea' lbi'ili, gat'ga rajxaka'ne lu yëdz Israel tue' bënni nape yëla rajle' ka nak yëla rajle' kie' bënni ni.

Marcos 10:15

Le nak'te rea' lbi'ili ki bënni ti si'e yëla rnabe' kie' Dios ka rzi'bi ley tuubi bi'dau', ti tzaazie lu yëla rnabe' kie' Dios.

Marcos 10:29

Jesús bubi'e diidza: —Le nak'te rea' lbi'ili ki bënni nuka'ane liidxe u bënni bë'che'e u nguul zaane u xhne'e u xuuze u bi kie' u xhyue', nia'a kia' len nia'a ki Diidza kub,

Marcos 11:23

Le nak'te rea' lbi'ili, ki xhki nu gie' gia'a ni: “¡Pkuit ni len bzal kuinu lu nis xhën!”, le ni wak xhki tzajle'e gdu laadxe'e lea rnaabe'a.

Marcos 12:43

Na' Jesús bliidze bënni useed kie' len gudxe leke: —Le nak'te rea' lbi'ili ki nguul uzeeb ni bnëëdzjr'nu zxhëni ka yugute'ke bënni'a tagu'e dumi lu gi'in ni;

Marcos 13:30

Le nak'te rea' lbi'ili ki ti tëëdi dia'dza ni xhki ti lak yugute' le ni.

Marcos 14:18

Tzal rë'ke ta'we, Jesús gudxe leke: —Le nak'te rea' lbi'ili, ki tuuli lbi'ili raagu'leen'li neda udëëd'li neda lu naa'ke bunach.

Marcos 14:25

Le nak'te rea' lbi'ili ki tir gi'i'ja nup uva ni, nakati gdxin'r dza gi'i'ja nup uva kub lu yëla rnabe' kie' Dios.

Marcos 14:30

Jesús bubi'e kie' diidza: —Le nak'te rea' li' ki nadzë', kati zia'a këëdx'ba xi'in'druuz burop lzu, tson lzu ti si'luno'u ki numbe'u neda

Marcos 14:9

Le nak'te rea' lbi'ili ki ga'ti'teez ga lagixhjë'ke diidza kub dxia'a lekz'ka' ulagixhjë'ke le ben'nu nguul ni ati ka' tzajnei'kde'nu.

Marcos 3:28

»Le nak'te rea' lbi'ili ki Dios uzi'xhëëne bunach ki yugute' xhtu'la'ke, len diidza ku nak le lui'ke:

Marcos 6:11

Ati xhki tu latj ti lazi'ke lbi'ili len ti le'en'de luzenaage lbi'ili, guluroj len gulkuib bexhtë bia' ni'a'li, naar lak'be'i'de ki Dios ti ryaazlaadxe'e le tuune.

Marcos 8:12

Jesús gnetzka'laadxe'e len gne': —¿Bixhkia' bunach ni tunaabe le runn'be' yëla wak xhën? Le nak'te rea' lbi'ili, ki ti glui'kda'ne le gunn'be' yëla wak xhën.

Marcos 9:1

Jesús lekz'ka' gudxe leke: —Le nak'te rea' lbi'ili ki la'ke bënni nakua'ke ni, ti lat'gake nakati lale'ir'de gdxin len gdu yëla wak yëla rnabe' kie' Dios.

Marcos 9:41

Nu'ti'teez bënni, bënni gunne kieeli zala tu xhiiga'z nis, uzi'e xhbei lea guune'a, koma lbi'ili naki'li kie' Cristo.

Lucas 11:51

le gzulau len xhchëëne Abel len bdxin'te len Zacarías, bënni'a guludëëd'de le' gatzj'lau'i ki pkuugu la'ay len yu'u gdou'. Lena'a rgixhji'da lbi'ili ki Dios udxie' ikj'ke bënni'a nakua'ke na'a yëla gut kieke bënni ni.

Lucas 12:37

Bixhgaba'ke bënni wendxin'a bënni'a kati udxiine bënni xan'ke udzëël'de leke tana'ze. Le nak'te rea' lbi'ili ki bënni xan'ke ni guune ga labë'ke len sulau'e ke'e lindu'ke.

Lucas 13:35

Guluyu'tzka, liidx'li ulal'laadxi'ke; len rea' lbi'ili tir yule'i'li neda na' kati gdxin'r dza lbi'ili gnaali: “¡La'ay nake bënni ze'e ulaaz kie' Xan'ru!”»

Lucas 16:17

»Xhba len yëdz'lyu uladëëdi san nak'tzka baniig teëdz ka tu la'an diidza le nayoj lu xhba kie' Dios.

Lucas 18:17

Le nak'te rea' lbi'ili ki bënni ti si'e yëla rnabe' kie' Dios ka rzi'bi ley tuubi bi'dau', ti tzaazie lu yëla rnabe' kie' Dios.

Lucas 18:29

Le' bubi'e kieke diidza: Le nak'te rea' lbi'ili ki nu'ti'teez bënni, bënni nuka'ane liidxe u nguul kie' u bënni bë'che'e u xuuz'xhne'e u bi kie' nia'a ki yëla rnabe' kie' Dios,

Lucas 23:43

Jesús bubi'e kie' diidza: —Le nak'te rea' li', na'dza su' len neda yewayuba.

Lucas 4:24

Na' gudxe leke: —Le nak'te rea' lbi'ili, gat'ga zue' bënni rue'e diidza ulaaz kie' Dios bënni luune le xhën laadze.

SAN JUAN 1:51

Lekz'ka' gne' Jesús: —Le nak'te rnia', lbi'ili ule'i'li tzaalj xhba, len Gbaaz La'ay kie' Dios tëtje len tubeene ga zue' Le' Xi'ine Bënni.

SAN JUAN 10:1

Na' Jesús gudxe leke: «Le nak'te rea' lbi'ili ki bënni ti ryaazie ra puert ki li'aj kiek'ba bëku'xhiila, bënni gban len bënni tulatje yu'u nak'ke.

SAN JUAN 10:7

Jesús yubl gudxe leke: «Le nak'te rea' lbi'ili: Neda naka puert'a ga tayaaz'ba bëku'xhiila.

SAN JUAN 12:24

Le nak'te rea' lbi'ili ki xhki xhsei xhua'xhtiil ti rat kati rëxhj lyu, tibi rbia; san xhki rat, rbia'tzka xhsei

SAN JUAN 13:16

Le nak'te rea' lbi'ili ki gat'ga zue' bënni useed nak're xhën ka bënni pseed'de le', len nutunu gbaaz nak're xhën ka bënni nusë'le'e le'.

SAN JUAN 13:38

Jesús bubi'e diidza: —¿Blikz'du zu' si'na gdëëdu yëla naban kiu' nia'a kia'? Le nak'te rea' li' ki kati zia'a këëdx'ba xi'in'druuz, tson lzu ti si'luno'u ki numbe'u neda.

SAN JUAN 14:12

Le nak'te rea' lbi'ili ki bënni tzajle'e neda lekz'ka' guune dxin le ruuna neda; len uxhën'r le guune Le', koma neda wëëja ga zue' Xuuz'ru.

SAN JUAN 16:20

Le nak'te rea' lbi'ili ki ubëëdx'li len wi'i'ni'li tzal bunach yëdz'lyu ludziiji. San, zala ruwi'ni'li, yëla ruwi'i'ni kieeli ueaki yëla rudziiji.

SAN JUAN 16:23

»Kati gdxin dza'a tirbi gnaabi'li neda. Le nak'te rea' lbi'ili ki Xuuz'ru gunne kieeli yugute' le gnaabi'li'ne lu La'.

SAN JUAN 21:18

Le nak'te rea' li' ki kati guku kuidi raku xhou' naar gyiiju ga gna kiu'; san nakati chi guku bënni guul, gliu' no'u len bënni yubl jgakue' li' xhou' len kche'e li' ga ti re'en'du tziiju.

SAN JUAN 3:11

Le nak'te rea' li' ki nëëzi'tu bixh diidza'a rui'tu ati rdujxaka'lau'tu le nale'i'tu; san lbi'ili ti rajle'li le rnátu.

SAN JUAN 3:3

Jesús gudxe le': —Le nak'te rea' li' ki bënni ti gaalje le yubl ka, ti gunn gle'i'de yëla rnabe' kie' Dios.

SAN JUAN 3:5

Jesús bubi'e kie' diidza: —Le nak'te rea' li' ki bënni ti gaalje ki nis len ki Bë', ti gunn ne'e lu yëla rnabe' kie' Dios.

SAN JUAN 5:19

Jesús gudxe leke: «Le nak'te rea' lbi'ili ki Xi'ine Dios ti gunn guune le rnaaz kie'; le rle'iz'de ruune Xuuze ruune. Yugute' le ruune Xuuze lekz'ka' Xi'ine Dios ruune.

SAN JUAN 6:26

Jesús gudxe leke: —Le nak'te, lbi'ili ti rugiilj'li neda koma gyajni'i'li le runn'be' yëla wak, rugiilj'li neda koma gdaag'li tzka bdza' le'e'li.

SAN JUAN 6:32

Jesús bubi'e kieke diidza: —Le nak'te rea' lbi'ili, keg Moisés benne kieeli yët'xhtiil le za' yewayuba, Xuuza runne yët'xhtiil'a le za' yewayuba.

SAN JUAN 6:47

Le nak'te rea' lbi'ili ki bënni rajle'e, nape yëla naban tzalzu.

SAN JUAN 6:53

Jesús gudxe leke: —Le nak'te rnia' ki xhki lbi'ili ti gaag'li xhpeele'e Xi'ine Bënni len gia'aj'li xhchëëne, ti gap'li yëla naban len lbi'ili.

SAN JUAN 8:34

Jesús gudxe leke: —Le nak'te rea' lbi'ili ki yugute'ke bënni tuune dula nado'u'ke lu dula

SAN JUAN 8:51

Le nak'te rea' lbi'ili ki bënni gzenaage xhtiidza'a ti gatie'.

SAN JUAN 8:58

Jesús bubi'e kieke diidza: —Le nak'te rea' lbi'ili ki neda chik'z zua' zia'at ka Abraham.