Mateo 15:31 - Porciones en Zapoteco de las Delicias

³¹ Bunach gulubaani'tzki'de kati gulale'i'de ki bënni'a ti rak lui'ke diidza, tui'ke diidza, bënni'a zua'z tzala'a naa'ke, tu'ueake, bënni natzj taza'ke len bënni lau'chul, tale'i'de. Na' gulazulau'ke tagu'u'ke ba Dios ki yëdz Israel.

Zapotec Isthmus

³¹ Nabé bidxagayaa ca binni que ora bi'ya ca ma bianda irá ni bedané ca que. Cani qué ñanda niní' ma riní', ne cani qué ñanda nusigaa ná', ma rusigaa ná'. Cani qué ñanda nizá ma rizá, cani qué ñanda niná ma riná, ne irá xixé ca cusisaca ca Dios sti Israel.

Mateo 15:31 ပူးပေါင်းရင်းမြစ်များ

Mateo 15:30

Bunach zian guladzaag'tzka ga ze'a. Guluche'ke bënni natzj, bënni lau'chul, bënni'a ti zua tzala'a naa'ke, bënni ti rak lui'e diidza, len zian'ke bënni te'i'de, yajua'ke leke xhni'e Jesús ati Le' buune leke.

Mateo 18:8

»Lena'a, xhki no'u u ni'u tun ga guunu dula; pchuug'k len bzal ley zitu; nak'ru dxia'a kchuugu ley len waaziu lu yëla rnabe' kie' Dios, ka len grop'te no'u u grop'te ni'u tzajtzu'u lu gi'gabil.

Mateo 21:14

Lu gdou'a gulabiige'e ga ze' Jesús bënni lau'chul, bënni ti tak laza'ke, ati Le' buune leke.

Mateo 8:10

Jesús bubaan'de kati byëën'de diidza ni len gudxe bunach zjak'leene Le': —Le nak'te rea' lbi'ili, gat'ga rajxaka'ne lu yëdz Israel tue' bënni nape yëla rajle' ka nak yëla rajle' kie' bënni ni.

Mateo 9:32

Buudx gulurooje bënni ni, la'ke bënni yajua'ke lau'e Jesús tue' bënni yu'u le' bë' xëwi ati ti rak gne'.

Mateo 9:33

Kati Jesús bubiije bë' xëwi'a bënni'a ti rak gne' gzulau'tie' rue'e diidza. Bunach tubaan'de tanáke: —¡Gat'ga rle'i'tu le guk na'a lu yu Israel!

Mateo 9:8

Kati bunach gulale'i'de lea guk'a, glaadxi'tzki'de len gulagu'e ba Dios koma bnëëdzje yëla wak kieke bunach.

Marcos 2:12

Na'teez bënni we' ni gyase len lau'ke yugute' bunach butuube xhte'e ati burooje na'. Nia'a ki le ni, yugute'ke gulubaan'de len glui'ke ba Dios, tanáke: —Gat'ga rle'i'kz'tu le guk na'dza.

Marcos 7:37

Gulubaani'tzki'de, len tanáke: «Bënni tzawi nak'tzke. ¡Ruune ga bënni këëdzu layëën'de len bënni ti rak lui'ke diidza, lui'ke diidza!»

Marcos 9:43

Xhki no'u run ga guunu dula, pchuug ley; nakr'ru dxia'a kchuugu ley len waaziu lu yëla naban tzalzu ka len grop'te no'u tzajtzu'u lu gi'gabil, ga rë' gi' le ti uulkz.

Lucas 14:13

Kati li guunu gwi'i'waagu xhën, bliidz'ke bënni yechi, bënni xhi, bënni natzj, bënni lau chul;

Lucas 14:21

Bënni wendxin ni' budxiine len blaabe kie' bënni xaane'a ka gulanake. Bënni xaane'a bdze'e, len re' bënni wendxin kie': “Gyaj ka'teez zu' lu nëëz xhën len nëëz laz ki yëdz xhën ni len yajxi'ke bënni yechi, bënni xhi, bënni lau chul len bënni natzj.”

Lucas 18:43

Na'teez bënni lau'chul ni bule'i'de len gyaj'leene Jesús rgu'e ba Dios. Len yugute'ke bënni gulale'i'de le ni, lekz'ka' gulagu'e ba Dios.

Lucas 7:16

Kati gulale'i'de le ni, yugute'ke glaadxi'de len gulazulau'ke tagu'e ba Dios, gulanake: —Tue' bënni xhën rue'e diidza ulaaz kie' Dios zue' len ro'u. Lekz'ka' gulanake: —Dios bdxiine rak'leene yëdz kie'.

SAN JUAN 9:24

Bënni Judea yubl gululiidze bënni'a kchul lau'e len gle'ke le': —Ti siye'u lau'e Dios. Netu nëëzi'tu ki bënni ni nake bënni dula.