Marcos 9:25 - Porciones en Zapoteco de las Delicias

²⁵ Kati Jesús guk'be'i'de ki chi tadzaag'ra bunach, gdil'leene bë' xëwi'a, gne': —Li' bë' xëwi ruunu ga ti gui'bi diidza len ti gyëëni'bi bi'i ni rnabe'i'da li' ki yurooju'bi len tir yune'u'bi.

Zapotec Isthmus

²⁵ Ne ora bi'ya Jesús nabé ma cabí zisi binni la? udinde né binidxaba que, na: ―Biree, binidxaba mudu ne diaga cuaata'. Naa cayabe lii iree lu'. Bisaana hombre huiini ri' ne ma cadi ibigueta rou' luguiá be.

Marcos 9:25 ပူးပေါင်းရင်းမြစ်များ

Mateo 12:22

Guluche'ke lau'e Jesús tue' bënni yu'u le' bë' xëwi, na'chul lau'e len ti rak gui'e diidza, ati Jesús beene ga bule'i'de ati bui'e diidza.

Mateo 17:18

Na' Jesús gdil'leene bë' xëwi'a ati buroj, na'teez bueak'bi.

Marcos 9:15

Kati gulale'i'de Jesús yugute'ke gulaxiti'ke yajtzaag'ke Le' len yëla rubaani.

Marcos 9:24

Na' xuuz'bi bi'dau'a bisku'e: —Rajle'a. ¡Guk'leen neda tzajle'a!

Marcos 9:26

Bë' xëwi'a biskua', len ben ga yubl gbixh'ktul'bi. Chi nak ka buroj len pka'an lebi ka bi'i nat, lena'a bënni zian tanáke ki leel nat'bi.

Lucas 11:14

Jesús rubiije tu bë' xëwi le run ga ti rak gne' tue' bënni; len kati bë' xëwi'a buroj, bënni'a gzulau'e rue'e diidza. Bunach gulubaan'de le beene Jesús.

Lucas 4:35

Jesús gdil'leene bë' xëwi'a: —¡Pseeyj ru'u len buroj le' bënni ni! Na' bë' xëwi'a gru'un le' bënni ni lyu lau'ke bënni'a nakua'ke ni', len buroj le' bë' xëwi ni len ti beeni le zi'.

Lucas 4:41

Zian'ke bënni we' lekz'ka' guluroj leke bë' xëwi, le tuskua': —¡Li' naku le' Xi'ine Dios! Ati Jesús rdil'leene bë' xëwi'a len ti be'e latj lui' diidza, koma nëëzi'k ki Le' nake le' Cristo.

Lucas 8:29

Gna' ki, koma Jesús chi gnabe'i'de bë' xëwi'a uroj le' bënni ni; zian lzu bë' xëwi'a rzën'tzka le'; len zala bunach tuuga'ke ni'a'ne'e len du gia naar kë'e dxiiz le' rchuuge, len bë' xëwi'a rche' le' latj yu biidx.

Lucas 9:42

Kati chi za'bi ga'la, bë' xëwi'a bzal leebi lyu len gzulau rxiiz leebi yubl ka; ati Jesús gdil'leene bë' xëwi'a, buune'bi bi ni len bunëëdzje'bi len xuuz'bi.

Hechos 16:18

Ki'tekz bemi zian dza, kati Pablo bdza'a ikje, len bueikje len gudxe bë' xëwi'a lea yu'u lebi: —Lu le' Jesucristo, rnabe'i'da li' yurooju. Len na'teez bë' xëwi'a buroj lebi.