Marcos 6:34 - Porciones en Zapoteco de las Delicias

³⁴ Kati Jesús bëtje lu barku, ble'i'de bunach zian'a len buechilaadxe'e leke koma nakua'ke ka bëku'xhiila bua'a ti zua' nu gun'chi'i lek'ba; ati le zian gzulau'e rseed'de leke.

Zapotec Isthmus

³⁴ Casi biete Jesús lu canuá que biiya ma rí stale binni raqué ne biá laacabe purti nuu cabe casi dendxu sin pastor. Para bizulú bisiidi laacabe stale cosa.

Marcos 6:34 ပူးပေါင်းရင်းမြစ်များ

Mateo 14:14

Kati Jesús bëtje lu barku'a ble'i'de bunach zian ati buechilaadxe'e leke len buune bënni we'a zjake ladj'ke'a.

Mateo 15:32

Jesús bliidze bënni useed kie' len gudxe leke: —Ruduli'ik'da'ne bunach ni koma chi guk tson dza nakua'leene neda len tibi de la'we. Ti re'en'da yusë'la'ka'ne liidx'ke xhki ti tau'de, ku layu'u'beide na' dzë'ë'ke nëëz.

Mateo 9:36

Kati ble'i'de bunach zian zjak'leene Le', buechilaadxe'e leke koma chi yajte'i'kde len nas'laz'ke ka bëku'xhiila bua' nutunu zua' nu gun'chi'i lek'ba.

Marcos 6:33

San bënni zian gulale'i'de leke len gulumbe'ke leke; na' bunach ki yugute' yëdz gulaxiti'ke yajake ni' len guladxiine zia'al ka leke.

Marcos 6:35

Kati chi za' rdzë', bënni useed kie' gulabiige'e ga'la ga ze' len gle'ke le': —Chi nadzë', len latj ni nutunu nakua'.

Marcos 8:1

Tu dza kati guludzaage yubl bunach zian len tibi de la'we, Jesús bliidze bënni useed kie' len gudxe leke:

Marcos 8:2

—Ruduli'ik'da'ne bunach ni, koma chi guk tson dza nakua'leene neda len tibi de la'we.

Lucas 9:11

Ati kati bunach gulanëëz'de, yajak'leene le'; len Jesús gxhi'e leke len be'leene leke diidza ki yëla rnabe' kie' Dios len buune bënni we'.