Marcos 2:16 - Porciones en Zapoteco de las Delicias

¹⁶ La'ke bënni useed xhba kie' Dios, len nak'ke bënni fariseo, kati gulale'i'de ki Jesús ra'we len yugute'ke bënni'a, gulunaab'de bënni useed kie': —¿Bixhkia' bënni'a rseed'de lbi'ili ra'we len bënni tukiixhje laaz'sua'ke ki Roma len lekz'ka' len bënni dula?

Zapotec Isthmus

¹⁶ Peru ora bi'ya ca fariseu ne cani naca maistru de ley, cayó né be ca binni que tobi si la? na ca rabi ca ca discípulu stibe: ―Xiñee zuba né jmaistru tu ca malu ni ruquixe impuestu ne cani qué rulabi ley.

Marcos 2:16 ပူးပေါင်းရင်းမြစ်များ

Mateo 18:17

Xhki lekz'ka' ti gzenaage len leke, bzua' ley lu dxin'lau'i kieke bënni'a nayajle'ke ati xhki lekz'ka' ti gzenaage len bënni dxin'lau'i'a, na' gunn gle'i'du'ne ka tue' bënni ti nayajle'e u ka tue' bënni rkiixhje laaz'sua'ke ki Roma.

Mateo 5:46

Xhki nadxi'iz'li nu nadxi'i lbi'ili, ¿bixh uzi'li xhbei? La lez ka'az'a tabëëze bënni'a tukiixhje laaz'sua'ke ki Roma.

Mateo 9:11

Kati bënni fariseo gulale'i'de leke, gulunaab'de bënni useed kie': —¿Bixhkia' bënni useed kieeli raagu'leene bënni dula len bënni tukiixhje laaz'sua'ke ki Roma?

Marcos 2:15

Kati Jesús rë'e liidxe Leví ra'we len zian'ke bënni tukiixhje laaz'sua'ke ki Roma ati ye la'ke bunach ze xhtiidza'ke tuune le ku nak rë'leen'ke Jesús len bënni useed kie', koma zian'ke bënni rajak'leene Jesús.

Marcos 2:7

«¿Nakxh ruune ruwaaxhj'de rne' ki? Diidza ku nak rui'e lau'e Dios. Tuuze Dios rzi'xhëëne dula.»

Lucas 18:11

bënni fariseo zui'de rui'leene diidza Dios len gne' ki: “Dios, runna li' yëla dexhken koma neda ti naka ka nakgak ye la' bunach, nak'ke bënni gban, bënni xhe'e, bënni tagitzje' xhba ki utzag'na' len ti naka ka nake bënni'a rkiixhje laaz'sua'ke ki Roma.

Lucas 19:10

Koma Le' Xi'ine Bënni biide dudiilje len dusle' le chi na'nit.

Lucas 19:7

Kati gulale'i'de le guk ni, yugute'ke gulazulau'ke tanéke kie' Jesús, le zajga'ane liidxe tue' bënni dula.

Lucas 5:30

Ati bënni fariseo len bënni useed xhba kie' Dios gulazulau'ke tanéke kieke bënni useed kie' Jesús. Tanáke: —¿Bixhkia' ria'aj'raagu'leenk'li'ne bënni tukiixhje laaz'sua'ke ki Roma len lekz'ka' bënni dula?

Hechos 23:9

Yugute'ke tuskua'ke; ati la'ke bënni useed xhba kie' Dios len nu'tza'ke len bënni fariseo, gulazui'de len gulanake: —Bënni ni tibi nuune; naxhka xhki be'leen le' diidza tu bë' u tue' gbaaz la'ay.