Marcos 12:28 - Porciones en Zapoteco de las Delicias

²⁸ Tue' bënni useed xhba kie' Dios bënni byëën'de kati guladil'e diidza len bzenaage ki Jesús bubi'e dxia'a diidza, gbiige'e ga zue' len bnaab'de Le': —¿Bil'le xhba kie' Dios nak'r blou?

Zapotec Isthmus

²⁸ Guyuu diaga tobi de ca maistru de ley modo byui' né be ca saduceu diidxa ne nanna jneza bicabi be. Para beeda ra nuu be ne gunaba diidxa laabe: ―Uná nga mandamientu ni jma risaca.

Marcos 12:28 ပူးပေါင်းရင်းမြစ်များ

Mateo 19:18

—¿Bixh'le? —Bnaab'bi bi'i kuidi'a. Ati Jesús gudxe'bi: —“Ti gdëëd'du bunach, ti kitzju' xhba ki utzag'na', ti kuaanu, ti kiilju xhtiidze'e bënni bë'chi' lzo'u,

Mateo 23:23

»¡Bayechi nak'tzka'li bënni useed xhba kie' Dios len bënni fariseo, nak'li ka bënni nuda blo'u!, koma xhwiaj, aniis len komiino rbiaj'li ley chi len rnëëdzj'li kie' Dios tu, san rdëëd'zli ka le blou le rseedi ro'u xhba kie' Dios, le ni nakgak, yëla rbë'xhbei dxia'a, yëla ruwechilaadxi'i, len yëla rajle'. Le ni run bayuudx gun'li, len ti jka'an'li gun'li lea ye tu'a.

Mateo 5:19

Lena'a, bënni ti rzenaage zala tuuz xhba kie' Dios le ti nak zi blou, len ti rseed'de bunach luzenaag'ke xhba'a, bënni ni ti gake xhën lu yëla rnabe' ki yewayuba. San bënni rzenaage len rseed'de bunach ki luzenaag'ke, wak're xhën lu yëla rnabe' ki yewayuba.

Marcos 9:14

Kati guludxiine ga nakua'ke bënni useed kie' Jesús, yajxaka'ke bunach zian nakua'leen'ke leke, len la'ke bënni useed xhba kie' Dios tadil'e diidza len leke.

Lucas 11:42

»¡Bayechi nak'tzka'li!, bënni fariseo!, koma xhwiaj, rud len yugute' gixi kuan le rla' kieeli rbiaj'li ley chi len rnëëdzj'li kie' Dios tu, san rdëëd'zli ka yëla rbë'xhbei dxia'a len yëla nadxi'i kie' Dios. Le ni run bayuudx gun'li, len ti jka'an'li ka'az lea ye tu'a.

Lucas 20:39

La'ke bënni useed xhba kie' Dios gle'ke le': —Ka'teez nak gnou', Bënni Useed.