Lucas 19:47 - Porciones en Zapoteco de las Delicias

⁴⁷ Yugu dza Jesús rseed'de bunach lu gdou', len bënni nakua'ke lau'i kieke pxuuz, bënni useed xhba kie' Dios len lekz'ka' bënni nakua'ke lau'i yëdz tadáke tugiilje nakxh luune ludëëd'de le'.

Zapotec Isthmus

⁴⁷ Irá dxi bisiidi be ndaani yu'du que, ne nisi cuyubi ca xaíque sti ca sacerdote ne ca maistru de ley ne ca xaíque sti guidxi que guuti ca laabe.

Lucas 19:47 ပူးပေါင်းရင်းမြစ်များ

Mateo 21:23

Gdëëd ni, Jesús gyaazie lu gdou'. Tzal yu'e ni' rseed'de bunach, gulabiige'e ga ze'a bënni tunabe'i'de pxuuz len bënni guul tuzeajni'i'de ki Judea ati gulunaab'de Le': —¿Len bixh yëla rnabe' ruunu le ni? ¿Nuxh nunn kiu' yëla rnabe' ni?

Mateo 26:55

Na'teez Jesús bnaab'de bunach'a: Bixhkia' za'li nua'li gia'tuchi len yaag zdujxën'li neda, ka'kz ka naka bënni gban? Yugu dza chi gzua' rseed'da lbi'ili lu gdou' len ti gxën'kz'li neda.

Marcos 11:18

Kati gulayëën'de le ni bënni tunabe'i'de pxuuz, bënni useed xhba kie' Dios len lekz'ka' bënni nakua'ke lau'i yëdz gulazulau'ke tugiilje nakxh luune ludëëd'de Le', san taadx'de Le' koma bunach tubaani'tzki'de ka nak le rseed'de.

Marcos 12:12

Gle'en'de lazëëne Jesús, koma gulak'be'i'de ki len diidza run lsaki'i ni, gne' kieke. San koma taadx'de bunach nakua'k ni', gulusan'ke le' len zawake.

Marcos 14:1

Ryaadzji chop dza gdxin lni ki Pascua, kati ta'we yët'xhtiil le ti yu'u le rzaaxh ley. Bënni tunabe'i'de pxuuz len bënni useed xhba kie' Dios tazu'tabë'e nakxh lazi'ye'i'de Jesús ki lazëëne Le' len ludëëd'de Le'.

Marcos 14:49

Yugu dza chi gzua' rseed'da lbi'ili lu gdou' len ti gxhën'li neda. San le ni rak naar gak le nayoj lu Diidza La'ay.

Lucas 19:48

Ati ti tadzëël'de nakxh luune, koma yugute' bunach nakua'ke tuzenaage xhtiidze'e.

Lucas 20:19

Bënni tunabe'i'de pxuuz len bënni useed xhba kie' Dios gle'en'de lazëëne Jesús na'teez, koma gulak'be'i'de ki len diidza run lsaki'i ni, gne' kieke. San glaadxi'de bunach nakua'k ni'.

SAN JUAN 10:39

Yubl gle'en'de lazëëne Le', san Jesús bxhunji'de leke.

SAN JUAN 18:20

Jesús gudxe le': —Lau'i lau ka' chi be'a diidza lau'ke yugute'ke bënni yëdz'lyu; chi pseedi'tikz'da lu yu'u useed len lu gdou', ga tudzaage bënni Judea; tibi diidza rui'da baga'chi'z.

SAN JUAN 7:19

»¿Naru keg Moisés benne kieeli xhba kie' Dios? San, nutunu rzenaagi ley. ¿Bixhkia' re'eni'li gdëëdi'li neda?

SAN JUAN 7:44

La'ke gle'en'de lazëëne Le' san nutunu gxhën Le'.