SAN JUAN 18:12 - Porciones en Zapoteco de las Delicias

¹² Bënni'a rajake gdil dzaag'ke bënni'a rnabe'i'de leke len bënni'a tun'chi'ke gdou', gulazëëne Jesús len gluuge'e Le'.

Zapotec Isthmus

¹² Ne óraque bidxiña ca soldadu ne ca xaíque sti ca' ne ca gendarme sti ca judíu, bichá ná ca Jesús ne bindiibi ca laabe.

SAN JUAN 18:12 ပူးပေါင်းရင်းမြစ်များ

Mateo 26:57

Bënni'a gulazëëne Jesús guluche'ke le' liidxe Caifás, bënni pxuuz blou, ga nudzaag'ke bënni useed xhba kie' Dios len bënni guul tuzeajni'i'de.

Mateo 27:2

Gluuga'ke Le' len guluche'e Le' lau'e Pilato, bënni rnabe' ki Roma.

Mateo 27:27

Bënni rajake gdil kie' bënni rnabe'a guluche'ke Jesús yulau'i len ga ze' ni gulutzaage yugute'ke bënni rajake gdil.

Marcos 14:53

Guluche'ke Jesús lau'e pxuuz blou len guludzaage yugute'ke bënni tunabe'i'de pxuuz, bënni guul tuzeajni'i'de len bënni useed xhba kie' Dios.

Marcos 15:1

Kati gyeni ziil'a, guludzaage bënni tunabe'i'de pxuuz len bënni guul tuzeajni'i'de len bënni useed xhba kie' Dios: yugute'ke bënni tabeki'xhbei'de lu gdou'. Gluuga'ke Jesús len guluche'e Le' lau'e Pilato.

Lucas 22:54

Gulazëëne Jesús len guluche'e le' liidxe pxuuz blou. Pedro ziaj'leene le' zitu zitu.

SAN JUAN 18:3

Na' Judas bdxiine dzaage yugute'ke bënni rajake gdil len la'ke bënni tun'chi'ke gdou' bënni nusë'la'ke leke bënni tunabe'i'de pxuuz len bënni fariseo. Nua'ke gia'tuchi, gi' len gi' yëër.

Hechos 10:1

Gzue' lu yëdz Cesarea tue' bënni le' Cornelio bënni nake xan'ke bënni rajake gdil bënni nazi' lake bënni Italia.

Hechos 21:31

Chi zuakz ludëëd'de le', kati bdxin xhson kie' bënni'a rnabe'i'de tu'gayua'ke bënni rajake gdil, ki gdu yëdz Jerusalén nayatz.

Hechos 21:37

Kati zjake lagu'u'ke le' liidx'gia'a, Pablo bnaab'de bënni'a rnabe'i'de bënni'a rajake gdil: —¿Gunn gui'leena li' diidza tuchi'i? Bënni ni bubi'e diidza: —¿Naru raku rui'u diidza ki Grecia?

Hechos 23:10

Ati byali'i ruzbë' ni, lena'a bënni'a rnabe'i'de bënni'a rajake gdil guudxi'de luxhuuxhj'lukin'je Pablo, na' gnabe'e luliidze bënni'a rajake gdil naar lubiije le' ni' len luche'ke le' yubl ga taga'ane bënni rajake gdil.