SAN JUAN 15:20 - Porciones en Zapoteco de las Delicias

²⁰ Gultzajnei le ni guudxa lbi'ili: “Gat'ga zue' bënni useed nak're xhën ka bënni pseed'de le'” Xhki neda chi gululaage lekz'ka' ululaage lbi'ili: len xhki chi guluzenaage xhtiidza'a lekz'ka' uluzenaage xhtiidza'li.

Zapotec Isthmus

²⁰ Laguietenala'dxi ni gudxe laatu: “Qué risaca ti mozo jma que xpixuaana'.” Pa huazabi nanda cabe naa, laca zazabi nanda cabe laatu. Ne laca pa ucuaa cabe stiidxa la? laca zacaa cabe stiidxa tu.

SAN JUAN 15:20 ပူးပေါင်းရင်းမြစ်များ

Mateo 10:24

»Gat'ga zue' bënni useed nak're xhën ka bënni pseed'de le', ati nutunu bënni wendxin nak're xhën ka bënni xaane.

Marcos 10:39

Leke gulubi'ke diidza: —Uxikji'tu. Jesús gudxe leke: —Uxikji'li tëëd'li yëla rzi'be' ni len utzaag'li ka ktzaaga neda;

Lucas 2:34

Na' Simeón ben'la'aye leke len gudxe'nu María, xhna'bi bi'i Jesús: —Byu', bi'dau' ni gumi ga zian bunach Israel labixe u lu'was'ke. Lebi gak'bi tu le gunn'be' le zian'ke ti layaazlaadxi'ke,

Lucas 6:40

Gat'ga zue' bënni useed nak're xhën ka bënni pseed'de le' san kati uudx kseede udxiine gake ka bënni'a pseed'de le'.

SAN JUAN 10:31

Bënni Judea gulagie'le'e le yubl giaj ki lulaadxi'ke Jesús.

SAN JUAN 11:57

Bënni fariseo len bënni tunabe'i'de pxuuz gulunabe'ke ki xhki nu nëëzi gaxh zue' Jesús, kixhjë'e, naar gunn lazëëne Le'.

SAN JUAN 13:16

Le nak'te rea' lbi'ili ki gat'ga zue' bënni useed nak're xhën ka bënni pseed'de le', len nutunu gbaaz nak're xhën ka bënni nusë'le'e le'.

SAN JUAN 5:16

Lena'a bënni Judea tulaag'yuudxe Jesús, koma dza tu'ueak'laadxi'ke bënni Judea ruune yugu le ni.

SAN JUAN 7:32

Bënni fariseo gulayëën'de le taná bunach kie' Jesús; ati leke len bënni pxuuz gulusë'le'e bënni tun'chi'ke gdou' naar lazëëne Jesús.

SAN JUAN 8:51

Le nak'te rea' lbi'ili ki bënni gzenaage xhtiidza'a ti gatie'.

SAN JUAN 8:52

Bënni Judea gulubi'ke kie' diidza —Na'a buudx guk'be'i'tu ki leel yu'u li' bë' xëwi. Abraham len yugute'ke bënni glui'ke diidza ulaaz kie' Dios glatie', ati Li' rnou': “Bënni gzenaage xhtiidza'a, ti gatie'.”

SAN JUAN 8:59

Na' leke gulagie'le'e giaj naar luchiije Le'; ati Jesús pka'chi' lau'e len burooje lu gdou'a

Hechos 14:22

Lu yëdz ni gulutipe'laadxi'ke bënni'a chi nayajle'ke, len gle'ke leke ki lakua'ke tzutzu lu yëla rajle' kieke, len ki run bayuudx ktzaag'ru yëla rsaka'zi' naar waaz'ru lu yëla rnabe' kie' Dios.