Hechos 6:9 - Porciones en Zapoteco de las Delicias

⁹ La'ke bënni nu'tza'ke lu yu'u useed kieke bënni Judea le nazi' lei' Bënni Nadzan'ke, len dzaag'ke bënni yëdz Cirene, Alejandría, Cilicia len bënni Asia gulazulau'ke tadil'e diidza len Esteban;

Zapotec Isthmus

⁹ Oraque biasa caadxi binni ni rie xhiu'du cani uca esclavu chiqué. Lade cabe zeeda caadxi binni de Cirene ne de Alejandría ne de Cilicia ne Asia. Ucuaa yu né cabe Esteban de ni cusiidi'.

Hechos 6:9 ပူးပေါင်းရင်းမြစ်များ

Mateo 10:17

Gulun'chi'i kuin'li, koma bunach uludëëde lbi'ili lau'ke bënni tunabe'ke len ulusaka'zi'e lbi'ili lu yu'u useed

Mateo 23:34

Lena'a ksë'la'ka'ne kieeli bënni lui'ke diidza ulaaz kie' Dios, bënni nayajni'i, len bënni useed. San lbi'ili udëëdik'li'ne, ati la'ke bënni ni udak'li'ne lu yaag kruuz, len ye la'ke gutk'li'ne lu yu'u useed ati ulaagk'li'ne yëdz yëdz.

Mateo 27:32

Kati gularoj'ke ni', guludzaage tue' bënni le' Simón, bënni yëdz Cirene, ati guludayë'li'de le gue'e yaag kruuz kie' Jesús.

Marcos 13:9

»Gulun'chi'i kuin'li; koma uludëëde lbi'ili lau'ke bënni tunabe'ke len ulagiine lbi'ili lu yu'u useed. Len nia'a kia' uludayë'li'de lbi'ili tziaj'li lau'ke bënni rnabe'e yëdz xhën len lau'ke bënni rnabe'; naar gunn tzajxaka'lau'li kia' lau'ke.

Lucas 21:12

»San zia'a'tel gak le ni, bunach ulazëëne lbi'ili len ulusaka'zi'e lbi'ili. Luche'ke lbi'ili len bënni tunabe'ke yu'u useed, lagu'u'ke lbi'ili liidx'gia len nia'a kia' luche'ke lbi'ili lau'ke bënni rnabe'e yëdz xhën len lau'ke bënni rnabe'.

Hechos 11:20

San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 13:45

San kati bënni Judea gulale'i'de tzka'ti'ga bunach'a, guluxhe'i'de leke len gulazulau'e tudabaaga'ke Pablo len gulutzag'yuudxe le' diidza.

Hechos 15:23

len leke gulusë'le'e gich le rna ki: «Netu bënni gbaaz kie' Xan'ru dzaag'tu'ne bënni guul tuzeajni'i'de, rliidz'tzawi'tu lbi'ili bë'cha'a tzka'li zuaali Antioquía, Siria len Cilicia len ti nak'li bënni Judea.

Hechos 15:41

len gdëëde yëdz ki Siria len Cilicia rtipe'laadxi'i dxin'lau'i kieke bënni'a tayajle'ke.

Hechos 16:6

Le' Bë' La'ay kie' Dios ti be'e leke latj lagixhjë'ke xhtiidze'e Xan'ru lu yëdz ki Asia, ati guladëëde gia'a yeego ki Frigia len Galacia,

Hechos 18:24

La dza niiz bdxiine yëdz Éfeso tue' bënni Judea le' Apolo, len nake bënni yëdz Alejandría. Nabe'i'tzki'de rue'e diidza len numbe'tzke Diidza La'ay kie' Dios.

Hechos 19:10

Chop iz beene ki, lena'a yugute'ke bënni'a nakua'ke lu yëdz ki Asia, ley bënni Judea ley bënni ti nak'ke, gulayëën'de xhtiidze'e Xan'ru.

Hechos 19:26

San ka lbi'ili rle'i'kz'li len ryëëni'li, bënni'a le' Pablo rde' rne' ki dios'a lea nun'ke bunach ti nak'ke dios; ati ka' chi ben'gan'de bunach zian, len keg Éfeso niiz lekz'ka' yugute' yëdz ki Asia.

Hechos 21:27

Kati chi zua gza'a le gaadx dza'a, la'ke bënni Judea ki gia'a yeego ki Asia gulale'i'de Pablo lu gdou' ati gulutzatze bunach'a, len gulabia'niidi'de Pablo,

Hechos 21:39

Pablo gudxe le': —Neda naka bënni Judea, guulja lu yëdz Tarso ki yu Cilicia, lu tu yëdz blou nabaaba; san ben klen, benn lsenz gui'leen'ka'ne diidza bunach ni.

Hechos 22:19

Neda gudxa'ne: “Xan, leke nëëzi'kde ki neda gyiija gdu gap nakua' yu'u useed len gdin'ka'ne ati glu'u'ka'ne liidx'gia bënni tayajle'ke li',

Hechos 22:3

«Neda naka bënni Judea, guulja yëdz Tarso ki yu Cilicia, san guluskuule neda Jerusalén ni, ati Gamaliel nake bënni pseed'de neda, ka'teez rna xhba kieke xuuz'xhtau'ru guul. Len chi be'laadxi'tekza guuna le ryaazlaadxe'e Dios, ka run'li na'a yugute'li.

Hechos 23:34

Kati buudx bil'e gich'a, bënni rnabe'a bnaab'de Pablo gaxh bënni le'; ati kati gnëëz'de ki nake bënni Cilicia,

Hechos 24:18

Ati le ni nugi'i'da ruuna gdëëd bupa'a kuina ka naleebi'tu rala gak, tibi ruzbë' ruuna len keg rë' bunach zian, kati la'ke bënni Judea ki yu Asia dujxaka'ke neda lu gdou', bënni'a rala liide lakua'ke ni ki ludxia'ke neda xhgia' xhki bixh nap'ke len neda.

Hechos 26:11

Zian lzu neda psaka'zi'ka'ne naar rdayë'lik'da'ne ludabaaga'ke yëla rajle' kieke. Ati le ni beena lu yu'u useed len tzka'ti'ga nadze'i'kda'ne yugu yëdz zitu rajlaag'ka'ne.

Hechos 6:10

san ti guladxin'ga'le'e le' koma le' rue'e diidza len yëla nayajni'i kie' le' Bë' La'ay kie' Dios.