Hechos 6:5 - Porciones en Zapoteco de las Delicias

⁵ Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.

Zapotec Isthmus

⁵ Uyuula'dxi ca binni que modo na ca apóstol gaca ni. Para ulí ca Esteban, tobi hombre ni nabé runi cre ne dxá ladxidó' de Espíritu Santu, ne laca ulí cabe Felipe ne Prócoro ne Nicanor ne Timón ne Parmenas ne Nicolás, ti binni Antioquía ni maca zinanda religión sti ca judíu ante gaca xpinni Cristu.

Hechos 6:5 ပူးပေါင်းရင်းမြစ်များ

Mateo 23:15

»¡Bayechi nak'tzka'li bënni useed xhba kie' Dios len bënni fariseo, nak'li ka bënni nuda blo'u! Koma gdu gabi'i yëdz'lyu rajtiilj'li'ne bënni dujte'e lbi'ili, len kati chi bdzëëli'li'ne, run'li ga bënni ni gyali'ir gake bach tziije lu gi'gabil ka lbi'ili.

Hechos 11:19

Kati gdëëd guludëëd'de Esteban, gulazulau'ke tulaage bënni tayajle'ke Xan'ru, lena'a la'ke gulaxhunj'ke yëdz Fenicia, Chipre len Antioquía. Ni' gulazulau'ke tagixhjë'ke diidza kub dxia'a kie' Xan'ru kie'z'ke bënni'a nak'ke bënni Judea.

Hechos 11:20

San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Hechos 11:22

Bënni gdou' Jerusalén, kati gulanëëz'de le ni, gulusë'le'e Bernabé lu yëdz Antioquía.

Hechos 11:24

Koma Bernabé nake bënni tzawi len gdu laadxe'e rajle'e len nudze'iz'de le' Bë' La'ay kie' Dios. Ati bënni zian gulayajle'tzke Xan'ru.

Hechos 11:26

len kati budzëël'de le', pche'e le' yëdz Antioquía. Ni' gulakua'ke gdu tu iz, len guluseed'de zian bunach. Guk lu yëdz Antioquía ni ga gulusi'ke lake bënni useed kie' Xan'ru, bënni da'ke Cristo.

Hechos 11:27

La dza niiz, gularooje Jerusalén la'ke bënni tui'ke diidza ulaaz kie' Dios len yajake Antioquía.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 15:22

Bënni gbaaz kie' Xan'ru len bënni guul tuzeajni'i'de, len yugute'ke bënni dxin'lau'i kieke bënni'a nayajle'ke, gluune diidza labë'ke ladj'ke'a la'ke bënni lusë'le'e Antioquía dzaag'ke Pablo len Bernabé. Guluzua'ke Judas bënni le' lekz'ka' Barsabás, len Silas, bënni ni nak'ke bënni blou ladj'ke bënni'a nayajle'ke,

Hechos 2:4

Ati yugute'ke bdze'iz leke Bë' La'ay kie' Dios len gulazulau'ke tui'ke diidza zitu, le gnabe'i leke Bë' La'ay kie' Dios lui'ke.

Hechos 21:8

Dza yubl'a broj'tu len gyaj'tu yëdz Cesarea. Gyaj'tu liidxe Felipe bënni'a rgixhjë'e diidza kub dxia'a, len nake tue' kieke gaadx'ke bënni'a tak'leene bënni gbaaz kie' Xan'ru, ati bga'an'leen'tu'ne.

Hechos 22:20

ati kati guludëëd'de le' Esteban bënni'a dujxaka'lau'e kiu', kuin'kza zea' ni' run'ka'ne tuuz, len ben'chi'a xha'ke bënni'a guludëëd'de le'.”

Hechos 6:10

san ti guladxin'ga'le'e le' koma le' rue'e diidza len yëla nayajni'i kie' le' Bë' La'ay kie' Dios.

Hechos 6:3

Lena'a, bë'cha'a gulkiilj ladj'li ni gaadx'ke bënni gunn gxhënilaadxi'li'ne, bënni nayajni'i len nadze'iz'kde Bë' La'ay kie' Dios, naar gzua'ru lu naa'ke dxin ni.

Hechos 6:8

Le zian le tunn'be' yëla wak xhën ruune Esteban lu yëdz koma nadze'iz'de yëla wak kie' Dios len yëla rak'len kie' Le'.

Hechos 7:1

Le' pxuuz blou bnaab'de le' Esteban xhki leel nak lea tanáke kie'a,