Hechos 5:31 - Porciones en Zapoteco de las Delicias

³¹ Dios bzue' Le' ga xhën kuiti le'e yubeel, len beene le' Bënni Blou len Bënni Rusle', naar bënni Israel lubi'i'laadxi'ke len Dios len lazi'ke yëla rzi'xhën ki xhtu'la'ke.

Zapotec Isthmus

³¹ Ma undisa Dios laabe ne bicuí laabe cue' para aca be xaíque sti irá' ne ulá be binni, ti pur laabe ma zanda gaca perdonar ca binni Israel ra inaba ca perdón Dios.

Hechos 5:31 ပူးပေါင်းရင်းမြစ်များ

Mateo 1:21

María suabi kieenu tuubi bi'dau', len gzu laabi Jesús. Ka' si' laabi koma usláabi bënni yëdz kieebi ki xhtu'la'ke.»

Mateo 28:18

Jesús gbiige'e ga nakua'ke'a len gudxe leke: Gdu'te yëla rnabe' ki yewayuba len ki yëdz'lyu chi nadëëd lu na'a.

Marcos 2:10

San glui'da lbi'ili ki Xi'ine Bënni nape yëla rnabe' yëdz'lyu ni si'xhëëne dula. Na' re' bënni'a nat'zie':

Marcos 4:12

naar gakati luyue' ti lale'i'de, len gakati layëën'de ti layajni'i'de, naar ti lubi'i'laadxi'ke len Dios ati Le' ti si'xhëëne leke.»

Lucas 2:11

Na'dza guulj'bi lu yëdz kie' David bënni usle' lbi'ili, Le' nake Cristo, Xan'ru.

Lucas 24:47

Len lu le' Le' rala gnëëzi yugute' yëdz ki rala lubi'i'laadxi'ke len Dios naar si'xhëëne xhtu'la'ke. Jerusalén sulau'li

SAN JUAN 4:42

Ati gle'ke'nu nguul ni: «Na'a rajle'tu, keg ki le guudx'zu netu li', rajle'tu lekz'ka' koma kuin'kz'tu chi byëëni'tu'ne len nëëzi'tu ki leel le' nake Bënni Usle' yëdz'lyu.»

Hechos 11:18

Kati bënni bë'chi'ru nakua'ke Jerusalén gulayëën'de le ni, guluzuadxi'ke len gulagu'e ba Dios, tanáke: —¡Dios rnëëdzje latj lekz'ka' kieke bënni ti nak'ke bënni Judea lubi'i'laadxi'ke len lazi'ke yëla naban tzalzu!

Hechos 13:23

Bënni xi'in'xhzue' David ni guke Jesús, bënni Dios psë'le'e ki usle' yëdz Israel, ka Le' pxënelaadxi'ke.

Hechos 2:33

Dios beene Le' xhën len glekie Le' kuiti le'e yubeel len bnëëdzje kie' Bë' La'ay kie' le pxënelaadxi'ru, ati Le' buz'së'la'ge kieeru, ley'a nak lea na'a rle'i'li len ryëëni'li.

Hechos 2:36

»Lbi'ili bënni Israel rala gnëëzi'li ka'teez nak ki larakz Jesús bënni'a bda'li'ne lu yaag kruuz, Dios chi beene le' Xan'ru len Cristo.»

Hechos 2:38

Pedro bubi'e diidza: —Gulubi'i'laadxi'li len Dios len guludiil nis lu le' Jesucristo, naar Dios si'xhëëne xhtu'la'li len le' gunne kieeli Bë' La'ay kie'.

Hechos 3:15

Ki guk ati bdëëdi'li'ne Bënni'a runne kieeru yëla naban, san Dios buspaane le' lu yëla gut, ati le ni netu rdujxaka'lau'tu.

Hechos 3:19

Lena'a gulubi'i'laadxi'li len Dios len gulutza' yëla naban kieeli, naar le' uxhie' xhtu'la'li

Hechos 3:26

Kati Dios buspaane lu yëla gut Xi'ine, zia'a kieeli psë'le'e Le' naar gun'la'aye lbi'ili len guune ga ubi'i'laadxi'li ki le ku nak.»

Hechos 4:11

Jesús ni nake giaj'a ti gyaazlaadxi'li lbi'ili bënni run'li yu'u, san na'a chi nak giaj blou.