Hechos 26:22 - Porciones en Zapoteco de las Delicias

²² San Dios chi guk'leene neda ati na'a ni zua' tzutzu, len rui'a xhtiidze'e Dios len yugute'ke len bënni blou ati len bënni yechi. Gat'ga rui'leen'ka'ne diidza yubl le ku gulanake bënni glui'ke diidza ulaaz kie' Dios len le gne' Moisés ki rala gak.

Zapotec Isthmus

²² Peru huayacané Dios naa, nga runi dede nagasi du' cayué stiidxa'. Ne cayué nia ni ni risaca ne ni qué risaca. Irá ni canié ri' maca bicaa ca profeta ne Moisés chi gaca cani.

Hechos 26:22 ပူးပေါင်းရင်းမြစ်များ

Mateo 26:24

Le' Xi'ine Bënni, chi nak ka rala gak kie', ka rna Diidza La'ay; san ¡bayechi nake bënni'a gdëëde le' lu naa'ke bunach! Wak'l kie' dxia'a nar'la ti gzua'kze yëdz'lyu.

Lucas 16:28

ga nakua'ke ga'yu'e bënni bë'cha'a, naar kixhji'de leke le rtzaaga len naar ku liide latj ni ga yu'u yëla rtzaag.”

Lucas 24:27

Na'ar gzulau'e rgixhji'de leke yugute' diidza le nayooj'gak kie' lu Diidza La'ay, gzulau'e len gich le bzooje Moisés len bdxin'tie' len gich le guluzooje bënni glui'ke diidza ulaaz kie' Dios.

Lucas 24:44

Gdëëd ni gudxe leke: —Le ni guk kia' ni, nak le gdixhjë'a kati ni zua'leena lbi'ili: ki rala gak kia' ka'teez nayoj lu gich le bzooje Moisés, le nayoj lu gich kieke bënni glui'ke diidza ulaaz kie' Dios len le nayoj lu gich la'ay ki Salmos.

Lucas 24:46

Len gudxe leke: —Nayoj ki le' Cristo rala gatie' len kati gak tson dza ubaane lu yëla gut.

SAN JUAN 1:17

koma xhba kie' Dios lu ne'e Moisés benne, san yëla rak'len kie' len yëla li lu ne'e Jesús benne.

SAN JUAN 1:45

Felipe yajdiilje Natanael len gudxe le': —Chi budzëëli'tu'ne bënni'a, Moisés bzooje kie' lu gich ki xhba kie' Dios len lekz'ka' bënni glui'ke diidza ulaaz kie' Dios guluzooje kie'. Nake Jesús bënni xi'ine José, bënni yëdz Nazaret.

SAN JUAN 5:39

Lbi'ili rseed'li Diidza La'ay gaazludzë' koma run'li lëëz udzëëli'li na' yëla naban tzalzu; ati zala Diidza La'ay rdujxaka'lau kia',

SAN JUAN 5:46

Nar'la lbi'ili rajle'li'ne Moisés, utzajle'li neda lekz'ka', koma Moisés bzooje kia'.

Hechos 10:43

Yugute'ke bënni glui'ke diidza ulaaz kie' Dios glui'ke diidza kie' Jesús, len gulagixhjë'e ki bënni tayajle'ke le' tazi'ke lu ne'e Le' yëla rzi'xhën ki xhtu'la'ke.

Hechos 13:29

Chi nak ka', kati chi gluune kie' dera le nayoj kie' lu Diidza La'ay, guluzëtje le' lu yaag kruuz len gulagu'u'ke le' lu ba.

Hechos 24:14

San rzi'luna'a ki ruuna xhchiine Dios kieke xuuz'xhna'a ka rna Nëëz Kub ni le leke tusi'ke lei' yëla riijilaadxi'i le ti nak dxia'a, koma rajle'a yugute' le nayoj lu xhba kie' Dios, len le guluzooje bënni glui'ke diidza ulaaz kie'.

Hechos 26:17

Len usla' li' lu naa'ke bënni Judea len lu naa'ke bënni yëdz yubl, ga neda ksë'la'a li' na'a.

Hechos 26:6

Ati na'a nuche'ke neda ki luchuug'be'e kia', nia'a ki lëëz kia' le napa len le nuxëne'laadxi'ke Dios xuuz'xhtau'tu guul

Hechos 28:23

Na' gulabë'xhbei'de tu dza kati gliide zian bunach dujyu'ke Pablo ga le' naga'ane, len gdu dza Pablo be'leene leke diidza ki yëla rnabe' kie' Dios. Gu'un'de guune ga lazi'ke Jesús len diidza nayoj lu xhba kie' Moisés len le guluzooje bënni glui'ke diidza ulaaz kie' Dios.