Hechos 23:6 - Porciones en Zapoteco de las Delicias

⁶ Chi nak ka', kati guk'be'i'de ki la'ke bënni'a rë'ke lu dxin'lau'i'a nak'ke bënni saduceo ati ye la'ke nak'ke bënni fariseo, Pablo pchis chi'e len gne': —Bë'cha'a, neda naka bënni fariseo, len bënni dia'dza kia' nak'ke fariseos, ati na'a rë'li rchuug'be'li kia' koma ruuna lëëz ki bënni nat lubaane lu yëla gut.

Zapotec Isthmus

⁶ Ne ora bi'ya be nuu caadxi saduceu raqué ne caadxi fariseu la? uní' be reciu nezalú justicia que, na be: ―Biche ca', naa fariseu naa, xiiñi fariseu. Caguu cabe xqueja purti si rune cre zabani gue'tu'.

Hechos 23:6 ပူးပေါင်းရင်းမြစ်များ

Mateo 10:16

»¡Guluyu'tzka! Neda rsë'la'a lbi'ili ka bëku'xhiila ladj'kba bëku'zuuga. Lena'a, guluspe'i kuin'li ka nabe'ik'ba bel', san lekz'ka' gulgak xhën'laadxi ka nak'kba palom.

Mateo 22:23

Larakz dza'a, la'ke bënni saduceo yajyu'ke Jesús. Leke tanáke ki bënni nat ti tubaane lu yëla gut, lena'a gle'ke Jesús:

Mateo 3:7

San kati Juan ble'i'de ki zian'ke bënni fariseos len bënni saduceo yajake ki jkiile leke nis, gudxe leke: «¡Xi'in bel'! ¿Nuxh gudx lbi'ili ki gunn gxhunji'li yëla rsaka'zi' xhën'te le chi zua gdxin?

Hechos 22:3

«Neda naka bënni Judea, guulja yëdz Tarso ki yu Cilicia, san guluskuule neda Jerusalén ni, ati Gamaliel nake bënni pseed'de neda, ka'teez rna xhba kieke xuuz'xhtau'ru guul. Len chi be'laadxi'tekza guuna le ryaazlaadxe'e Dios, ka run'li na'a yugute'li.

Hechos 22:30

Bueikj dza'a, bënni'a rnabe'i'de bënni'a rajake gdil gu'un'de gnëëz'de dxia'a'tit bixh xhgia' tudxia'ke le' Pablo, na' pseedxe le' du gia'a len butzaage bënni tunabe'i'de pxuuz len yugute'ke bënni dxin'lau'i blou'a. Len chi nak ka' gliije Pablo len bze' le' lau'ke.

Hechos 22:5

Le' pxuuz blou len yugu bënni guul tuzeajni'i'de gunn lujxaka'lau'ke le ni. Leke glun'ke gich bi'a kieke bënni bë'chi'ru ki Judea ni len nakua'ke Damasco, ati gyiija ni' yajdiilj'ka'ne bënni nayajle'ke naar yuche'ka'ne Jerusalén ni len ksaka'zi'ka'ne.

Hechos 23:1

Pablo byue' bënni'a rë'ke lu dxin'lau'i blou'a len gudxe leke: —Bë'cha'a, neda gdu yëla naban kia' chi gzua' lau'e Dios len nëëz'da ki tibi nuuna.

Hechos 23:15

Na'a lbi'ili len ye la'ke bënni nutza'ke lu dxin'lau'i blou'a gulgun lua' ki uchia'a'li dxia'a'tit le rak kie' bënni ni ati gie'li'ne bënni'a rnabe'i'de bënni'a rajake gdil dujue'e le' kxhë lau'li; len netu sua'kuas'tu ki gdëëdi'tu'ne kati zia'a gdxiine ni.

Hechos 23:20

Bi'i kuidi ni bubi'i'bi diidza: —Bënni Judea chi gluune diidza dzaag lun'ke lua' ki uluchia'a'ke dxia'a'tit le rak kie' Pablo ati lunaab'de li' tzaju'u'ne kxhë lau'ke bënni dxin'lau'i blou.

Hechos 23:7

Kati Pablo buudx gne' ki, bënni fariseo len bënni saduceo gularooje chop'l len gulazulau'ke tadil'e diidza.

Hechos 24:15

Len nap'tu tuuz lëëz dzaag'ka'ne ki bënni nat lubaane lu yëla gut, ley bënni dxia'a ley bënni ti nak'ke bënni dxia'a.

Hechos 24:21

Le gnaaza kati gzua' ladj'ke'a nak le ni: “Na'dza rchuug'be'li kia' koma rajle'a ki bënni nat ulubaane lu yëla gut.”»

Hechos 28:20

Lena'a bliidza lbi'ili naar gle'i'da lbi'ili len gui'leena lbi'ili diidza; koma nak nia'a ki lëëz kieeru le nap'ru ro'u bënni Israel le nuzua neda ni len nuuga'ke neda du gia.