Hechos 21:8 - Porciones en Zapoteco de las Delicias

⁸ Dza yubl'a broj'tu len gyaj'tu yëdz Cesarea. Gyaj'tu liidxe Felipe bënni'a rgixhjë'e diidza kub dxia'a, len nake tue' kieke gaadx'ke bënni'a tak'leene bënni gbaaz kie' Xan'ru, ati bga'an'leen'tu'ne.

Zapotec Isthmus

⁸ Sti dxi que biree né Pablu laadu, uyuu du Cesarea. Yeguiete du ralidxi Felipe, tobi de gadxe diácono ni ulí cabe dxi ulí cabe Esteban que. Riree be rigüí be stiidxa Cristu.

Hechos 21:8 ပူးပေါင်းရင်းမြစ်များ

Hechos 10:1

Gzue' lu yëdz Cesarea tue' bënni le' Cornelio bënni nake xan'ke bënni rajake gdil bënni nazi' lake bënni Italia.

Hechos 16:10

Na'teez buudx ble'i'de le ni Pablo, bpa'a'tu kietu tziaj'tu Macedonia, le guk'be'i'tu ki Dios rliidze netu tzajtixhjë'tu diidza kub dxia'a ni.

Hechos 16:13

Dza Tu'ueak'laadxi'ke Bënni Judea broj'tu lu yëdz'a gyaj'tu ra yeego, ga guki'tu ki bënni Judea raje'leen'ke diidza Dios. Grë'tu len gdixhji'ktu'nu diidza kub dxia'a nguul guludzaag'nu ni'.

Hechos 16:16

Tu lyas, kati ziaj'tu zaje'leen'tu'ne diidza Dios, dutzaag'bi netu tuubi bi'i nguul yu'u leebi bë' xëwi le run ga rne'ya'a'bi. Len rumi ga ra'ta'tzka kieke dumi bënni xami tzka rne'ya'a'bi.

Hechos 18:22

Kati bdxiine Cesarea, gyiije Jerusalén yajyue dxin'lau'i kieke bënni'a nayajle'ke, len chi nak ka' gyiije Antioquía.

Hechos 20:13

Netu gnëër'tu len gyu'u'tu barku len bdxin'te'tu yëdz Aso len ni' glëëz'tu'ne Pablo ka chi nun'tu diidza, koma le' gde'le'e nëëz yu.

Hechos 20:6

Ati netu gdëëd'r lni ki kati ta'we yët'xhtiil lea ti yu'u le rzaaxh ley, broj'tu yëdz Filipos lu barku, len kati guk ga'yu' dza yajxhënk'tu'ne yëdz Troas, ati ni' bga'an'tu gaadx dza.

Hechos 21:16

Gulaza'leene netu la'ke bënni tayajle'ke Xan'ru ki yëdz Cesarea, leke guluche'ke netu liidxe Mnasón tue' bënni Chipre, bënni ni zia'at nayajle'e ati le' rala gunne ga gas'tu.

Hechos 23:23

Bënni'a rnabe'i'de bënni'a rajake gdil bliidze chop'ke bënni nak'lu'naa'ke bënni rajake gdil, len gnabe'i'de leke lupa'a'ke kieke chop'gayua'ke bënni rajake gdil bënni laze'i ni'a'ke, tson'lalj yu chi'ke bënni labiáke'ba bua', len chop'gayua'ke bënni lua'ke gia'tuchi naar tzjake Cesarea kati chi gdëëd xhtzë'.

Hechos 27:1

Kati chi gluune kieke lusë'la'ke netu Italia, guludëëde Pablo len ye la'ke bënni nadzun'ke lu ne'e Julio, tue' bënni nak'lu'ne'e bënni rajake gdil le nazi' lei' kie' bënni Roma rnabe'e yëdz'lyu.

Hechos 28:11

Kati guk tson beu' zua'tu lu yu de gatzj'lau'i lu nis xhën buben'tu tu barku kieke bënni Alejandría le bga'an ni' tzal gdëëd beu' bë'gi', barku ni nua' lau'rua'a'ke dios Cástor len Pólux.

Hechos 28:16

Kati bdxin'tu Roma gulunëëdzje lsenz zue' kieeze Pablo len tuuze bënni riije gdil gui'laadxe'e le'.

Hechos 6:5

Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.

Hechos 9:30

Kati bënni bë'chi'ru tayajle'ke Xan'ru gulak'be'i'de le ni, guluche'ke Saulo yëdz Cesarea, len na' gulusë'le'e le' yëdz Tarso.