Hechos 2:10 - Porciones en Zapoteco de las Delicias

¹⁰ ki Frigia len Panfilia, ki Egipto, ki yu Libia ga'la'z yëdz Cirene. Lekz'ka' nakua'ke ni bënni yëdz Roma;

Zapotec Isthmus

¹⁰ ne binni Frigia ne binni Panfilia ne binni Egipto ne binni Africa ni nabeza cherica de Cirene, ne laca nuu binni Roma. Caadxi de laaca judíu pe laaca casi laanu, ne xcaadxi la? cadi judíu peru ma rie yu'du stinu.

Hechos 2:10 ပူးပေါင်းရင်းမြစ်များ

Mateo 2:15

ga gulakua'ke nakati gut're Herodes. Le ni guk naar guk ka gne' Xan'ru lu ne'e bënni be diidza ulaaz kie': «Ki yëdz Egipto buliidza'ne bënni Xi'ina.»

Mateo 23:15

»¡Bayechi nak'tzka'li bënni useed xhba kie' Dios len bënni fariseo, nak'li ka bënni nuda blo'u! Koma gdu gabi'i yëdz'lyu rajtiilj'li'ne bënni dujte'e lbi'ili, len kati chi bdzëëli'li'ne, run'li ga bënni ni gyali'ir gake bach tziije lu gi'gabil ka lbi'ili.

Mateo 27:32

Kati gularoj'ke ni', guludzaage tue' bënni le' Simón, bënni yëdz Cirene, ati guludayë'li'de le gue'e yaag kruuz kie' Jesús.

Marcos 15:21

Tue' bënni yëdz Cirene le' Simón nake xuuze Alejandro len Rufo, zuze'e dxin gixi. Len kati gdëëde na' guludayë'li'de le' gue'e yaag kruuz kie' Jesús.

Hechos 11:20

San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 13:13

Pablo len bënni lze'e gulubeene barku len yajake yëdz Perge, lu yu ki Panfilia; ati Juan pka'ane leke len bëëje Jerusalén.

Hechos 13:43

Kati gdëëd guludzaage lu yu'u useed ni, zian'ke bënni Judea len ye la'ke bënni zia'a yajta'l'ke leke, yajak'leene Pablo len Bernabé. Ati leke glui'leen'ke leke diidza ki lakua'ke tzutzu lu yëla rak'len kie' Dios.

Hechos 14:24

Buudx guladëëde lu yu ki Pisidia, guladxiine lu yu ki Panfilia.

Hechos 15:38

ati Pablo ti bdzag'laadxe'e luche'ke le', koma Marcos pka'ane leke Panfilia len tir gyaj'leene leke luune dxin ni.

Hechos 16:6

Le' Bë' La'ay kie' Dios ti be'e leke latj lagixhjë'ke xhtiidze'e Xan'ru lu yëdz ki Asia, ati guladëëde gia'a yeego ki Frigia len Galacia,

Hechos 17:21

Koma bënni yëdz Atenas ni, len ye la'ke bënni yëdz yubl nakua'ke na', tadaani'tzki'de layëën'de nu bi rna len lui'ke diidza ki yugu le kub le takgak.

Hechos 18:2

Ni' budzaage tue' bënni Judea le' Aquila, len ze'e yëdz Ponto. Len zia'a bdxin'gaaze zuze'e Italia dzaage'nu nguul kie' Priscila, koma Claudio bënni rnabe'e Roma gnabe'e ki yugute'ke bënni Judea lurooje yëdz Roma. Pablo yajyue leke

Hechos 18:23

Gdëëd gzue' ni' zian dza, brooje le yubl yajtëëde tu tu yëdz ki Galacia len Frigia, len ptipe'laadxi'ke bënni'a nayajle'ke.

Hechos 2:11

la'ke nak'ke bënni Judea tayajle'ke ati ye la'ke zia'a yajta'l'ke bënni Judea ni, lekz'ka' nakua'ke bënni za'ke Creta len ki Arabia. ¡Len ryëënik'ru'ne ki len xhtiidza'ru tun'ke Xhën Dios!

Hechos 23:11

Bueikj dzë' yubl'a, Xan'ru yajlui'lau'e len Pablo len gudxe le': «Ptip'laadxu'u, Pablo, koma ka beenu na'a dujxaka'lau'u kia' Jerusalén ni, lekz'ka' tzajxaka'lau'u kia' Roma.»

Hechos 27:5

Gdëëd'tu zga ra nis xhën ki Cilicia len Panfilia, ati bdxin'tu Mira tu yëdz ki gia'a yeego Licia.

Hechos 28:15

Bënni bë'chi'ru chi nayëën'kde kietu lena'a gularooje dutzaag'ke netu latj nazi' lei' Ye'i kie' Apio len latj nazi' lei' Tson Yu'u ga tadxiine bënni dzë'ë'ke nëëz. Kati Pablo ble'i'de leke be'e yëla dexhken Dios len butip'laadxe'e.

Hechos 6:5

Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.

Hechos 6:9

La'ke bënni nu'tza'ke lu yu'u useed kieke bënni Judea le nazi' lei' Bënni Nadzan'ke, len dzaag'ke bënni yëdz Cirene, Alejandría, Cilicia len bënni Asia gulazulau'ke tadil'e diidza len Esteban;