Hechos 19:8 - Porciones en Zapoteco de las Delicias

⁸ Tson beu' Pablo gyiije lu yu'u useed, len yaalj rgixhji'de leke xhtiidze'e Xan'ru, ati rui'leene leke diidza naar lumbe'ke le nak yëla rnabe' kie' Dios.

Zapotec Isthmus

⁸ Bia' chonna beeu biaana Pablu raqué, bisiidi ndaani yu'du sin nidxibi. Byuí' né be laaca de enda runi mandar sti Dios. Biyubi be nucuudxi be laaca para ñuni cre ca'.

Hechos 19:8 ပူးပေါင်းရင်းမြစ်များ

Hechos 1:3

Len kati gdëëd gutie' kuin'kze yajlui'lau'e len blui'de leke le tunn'be' ki yu'u yëla naban kie'. Chua' dza blui'lau'e len leke len be'leene leke diidza ki yëla rnabe' kie' Dios.

Hechos 13:14

Guluze'e yëdz Perge yajake Antioquía lu yu ki Pisidia. Ni', tu dza kati tu'ueak'laadxi'ke bënni Judea gulayaazie lu yu'u useed len gulabë'ke.

Hechos 13:46

Na' Pablo len Bernabé, si'na gulakua'ke len gulubi'i'ke diidza: —Ben bayuudx zia'a lbi'ili nak'li bënni Judea kixhji'tu xhtiidze'e Dios; san xhki ti ryaazlaadxi'li len ti rnëëzi'li kuin'li bach si'li yëla naban tzalzu, uyaj'tu len bënni ti nak'ke bënni yëdz zitu.

Hechos 14:1

Lu yëdz Iconio, Pablo dzaage Bernabé gulayaazie lu yu'u useed kieke bënni Judea, len glui'ke diidza ati bënni zian gulayajle'ke, ley bënni Judea ley bënni ti nak'ke bënni Judea.

Hechos 17:17

Lena'a rui'leene diidza bënni Judea lu yu'u useed kieke, len ye la'ke bënni tayiijilaadxi'ke Dios, len yugu dza raje'leene diidza yugu bënni tudzaage lu ye'i.

Hechos 18:19

Kati guladxiine Éfeso, Pablo pka'ane Priscila len Aquila ati gyiije lu yu'u useed, len yajtil'e diidza len bënni Judea tudzaage ni'.

Hechos 18:26

Apolo gzulau'e rue'e diidza yaalj lu yu'u useed; san kati Priscila len Aquila gulayëën'de le', guluche'ke le' kiizi len guluseed'de le' nakxh'tek nak nëëz kie' Dios.

Hechos 18:4

Ati tza tza tu'ueak'laadxi'ke Bënni Judea Pablo riije lu yu'u useed kieke, ati raje'leene leke diidza naar layajle'ke ley bënni Judea ley bënni ti nak'ke bënni Judea.

Hechos 19:10

Chop iz beene ki, lena'a yugute'ke bënni'a nakua'ke lu yëdz ki Asia, ley bënni Judea ley bënni ti nak'ke, gulayëën'de xhtiidze'e Xan'ru.

Hechos 19:7

Ka chin'nu'ke bënni ni nak'ke.

Hechos 19:9

San la'ke bziid ikj'laadxi'dau'ke, len ti gulayajle'ke, ati lau'ke bunach'a gulane'zi'ke ki Nëëz Kub'a. Na' Pablo tir bdzaage leke, ati pche'e bënni'a tayajle'ke'a lu yu'u useed kie' bënni le' Tirano, len yugu dza rui'leene leke diidza ni',

Hechos 20:31

Gulgui'laadxi; gultzajnei ki gdu tson iz ni, chi be'leena lbi'ili diidza reel len te'dza len nutzaag'tzka kieeli.

Hechos 28:23

Na' gulabë'xhbei'de tu dza kati gliide zian bunach dujyu'ke Pablo ga le' naga'ane, len gdu dza Pablo be'leene leke diidza ki yëla rnabe' kie' Dios. Gu'un'de guune ga lazi'ke Jesús len diidza nayoj lu xhba kie' Moisés len le guluzooje bënni glui'ke diidza ulaaz kie' Dios.