Hechos 18:18 - Porciones en Zapoteco de las Delicias

¹⁸ Ye zian'r dza bga'ane Pablo Corinto. Chi nak ka' bzeide leke diidza bënni bë'chi'ru, ati dzaage Priscila len nguul kie' Aquila, gulayaazie lu barku zjake yu Siria. Len lu yëdz Cencreas kati zia'a tzaazie lu barku pchuuge gdu gitza ikje, naar guune le chi nuxënelaadxe'e Dios rala guune.

Zapotec Isthmus

¹⁸ Biaana ru Pablu raqué xadxí. Oraque ru gudxi be ca hermanu ma che be, para biree né be Priscila ne Aquila uyé cabe Cencrea. Ne raqué bigá ique be pi'ru', ra biluxe udixe be ti promesa. De raqué ucuaa cabe barcu ze cabe Siria.

Hechos 18:18 ပူးပေါင်းရင်းမြစ်များ

Mateo 4:24

Gdu yu ki Siria tui'ke diidza kie' Jesús, len rajua'ke lau'e yugu bënni biiz tutzaage ka', yugu baya' len yëla rtzaag, len bënni yu'u leke bë' xëwi, bënni te'i'de baya' xhjuti len bënni nat'zi'ke. Len Jesús ru'uune leke.

Marcos 6:46

Len kati buudx buse'e bunach'a, gyiije gia'a yaje'leene diidza Dios.

Hechos 1:15

Larakz dza niiz ka tu'gayua'galj'ke bënni'a nudzaag'ke ni', ati Pedro gzui'de len gudxe leke:

Hechos 15:23

len leke gulusë'le'e gich le rna ki: «Netu bënni gbaaz kie' Xan'ru dzaag'tu'ne bënni guul tuzeajni'i'de, rliidz'tzawi'tu lbi'ili bë'cha'a tzka'li zuaali Antioquía, Siria len Cilicia len ti nak'li bënni Judea.

Hechos 15:41

len gdëëde yëdz ki Siria len Cilicia rtipe'laadxi'i dxin'lau'i kieke bënni'a tayajle'ke.

Hechos 18:2

Ni' budzaage tue' bënni Judea le' Aquila, len ze'e yëdz Ponto. Len zia'a bdxin'gaaze zuze'e Italia dzaage'nu nguul kie' Priscila, koma Claudio bënni rnabe'e Roma gnabe'e ki yugute'ke bënni Judea lurooje yëdz Roma. Pablo yajyue leke

Hechos 18:26

Apolo gzulau'e rue'e diidza yaalj lu yu'u useed; san kati Priscila len Aquila gulayëën'de le', guluche'ke le' kiizi len guluseed'de le' nakxh'tek nak nëëz kie' Dios.

Hechos 18:27

Kati Apolo gu'un'de tziije lu yëdz Acaya, bënni bë'chi'ru glak'leene le' len guluzooje tu gich kieke bënni'a tayajle'ke len nakua'ke ni' naar lazi'ke le' dxia'a. Kati bdxiine yëdz Acaya, guk'leen'tzke bënni'a lu yëla rak'len kie' Dios chi nayajle'ke.

Hechos 21:23

Le ni gunn guunu: Ladj'tu ni nakua'ke tap'ke bënni rala lun'ke le chi nuxën'ke'laadxe'e Dios rala lun'ke.

Hechos 21:24

Pche'ke gultzajpa'a kuin'li dzaag'ku'ne ka chi naleebi'ru, gdiixhj tzka rala lutë'ke ki gunn luchuuge gitza ikj'ke, naar lale'i'de yugute'ke ki lekz'ka' li' ruunu le rna xhba kie' Dios, len ti nak lea tanáke kiu'a.

Hechos 21:3

Kati ziaj'tu'a ble'i'tu yëdz Chipre buga'an zga kuiti'le'el'tu yëëgl len gyaj'tu zga Siria. Ati gyaaz'tu ra nis xhën ki Tiro koma ni' rala jka'an yua' barku ni.