Hechos 17:13 - Porciones en Zapoteco de las Delicias

¹³ San kati bënni Judea nakua'ke Tesalónica gulanëëz'de ki Pablo rgixhjë'e diidza la'ay kie' Dios lekz'ka' lu yëdz Berea, yajake ni' len gulazulau'ke tutzatze len tun'gan'de bunach.

Zapotec Isthmus

¹³ Peru ora gunna ca judíu de Tesalónica laca ma cayuí' Pablu stiidxa Dios Berea la? yechite ca ique ca binni raqué para uyé ca luguiá Pablu.

Hechos 17:13 ပူးပေါင်းရင်းမြစ်များ

Mateo 23:13

»¡Bayechi nak'tzka'li, bënni useed xhba kie' Dios len bënni fariseo, nak'li ka bënni nuda blo'u!, koma rsiaj'li puert ki yewayuba naar ye la bunach ti layaazie. Len kuin'kz'li ti ryaaz'li len ti ruik'li'ne latj layaaz'ke bënni te'en'de layaazie.

Lucas 12:51

¿Rsaka'ali lbi'ili za'a nua'a yëla rë'dxi ki yëdz'lyu ni? Rea' lbi'ili ti nak ka', za'a zdu'la'a lbi'ili.

Hechos 14:2

Ati bënni Judea bënni'a ti tayajle'ke gulagu'u'yële'e bënni ti nak'ke bënni Judea naar ludabaaga'ke bënni bë'chi'ru tayajle'ke.

Hechos 17:1

Ga zjake'a, Pablo len Silas guladëëde zga yëdz Anfipolis len Apolonia, len chi nak ka' guladxiine yëdz Tesalónica ga bënni Judea nuzua'ke yu'u useed kieke.

Hechos 17:10

Chi'dzë'ël'a, bënni bë'chi'ru'a gluune lu bayuudx ga Pablo len Silas tzjak'te'ke yëdz Berea. Guladxin'ze ni', yajak'te'ke lu yu'u useed kieke bënni Judea.

Hechos 17:5

San le ni ben ga bënni Judea, bënni'a ti tayajle'ke guladza'a ikj'ke len gulutzaage yugu bënni xhe'e, bënni tadáke la nëëz tua'tuyuuze bi rak naar lutzatze bënni yëdz ni len labekie gdil. Len guladxiine liidxe Jasón tugiilje Pablo len Silas naar labiaj'ke leke yu'u len lunëëdzje leke lu naa'ke bunach;

Hechos 20:4

Ati yajak'leene le' Sópatro bënni xi'ine Pirro ki yëdz Berea; Aristarco, Segundo bënni Tesalónica, Gayo bënni yëdz Derbe, Timoteo, Lekz'ka' Tíquico len Trófimo, bënni nak'ke ki gia'a yeego ki Asia.

Hechos 21:27

Kati chi zua gza'a le gaadx dza'a, la'ke bënni Judea ki gia'a yeego ki Asia gulale'i'de Pablo lu gdou' ati gulutzatze bunach'a, len gulabia'niidi'de Pablo,

Hechos 6:12

Ki gluune na' gulayas'ke bënni yëdz, len bënni guul tuzeajni'i'de len bënni useed xhba kie' Dios len gulabialaadxi'ke Esteban, len gulazëëne le' ati guluche'ke le' lau'i dxin'lau'i blou.