Hechos 16:9 - Porciones en Zapoteco de las Delicias

⁹ Ni' tu dzë' Dios blui'de le' tue' bënni yëdz Macedonia, ze' ratayui'de le' rne': «Gdëëd yëdz Macedonia len guk'leen netu.»

Zapotec Isthmus

⁹ Ne huaxhinni que casi ñaca lu bacaanda biiya Pablu zuhuaa tobi hombre de Macedonia canaba laa che raqué chi acané laaca'.

Hechos 16:9 ပူးပေါင်းရင်းမြစ်များ

Hechos 10:3

Tu dza, gdëëd xhwë, Dios blui'de le': Ati ble'i'de tue' gbaaz la'ay kie' Dios gyaazie ga zue' len gudxe le': «¡Cornelio!»

Hechos 10:30

Cornelio bubi'e diidza: —Chi guk tap dza, lez gdu ka na'a, neda zua liidxa ni, len ka chi naleebi'ru rui'leena'ne diidza Dios gdëëd xhwë, kati blui'lau'e tue' bënni nakue' xhe' le rep'yës'lni'.

Hechos 16:10

Na'teez buudx ble'i'de le ni Pablo, bpa'a'tu kietu tziaj'tu Macedonia, le guk'be'i'tu ki Dios rliidze netu tzajtixhjë'tu diidza kub dxia'a ni.

Hechos 16:12

Ni' gza'tu gyaj'tu Filipos, latj ga nuun'kde kieke bënni Roma, tu yëdz blou ki yu Macedonia. Ni' gzua'tu chop tson dza.

Hechos 18:5

Kati Silas len Timoteo guladxiine za'ke Macedonia, Pablo nui'laadxi'tzke rgixhjë'e xhtiidze'e Xan'ru, len rlui'de bënni Judea ki Jesús nake le' Cristo.

Hechos 19:21

Gdëëd le ni, Pablo pchuug'laadxe'e tziije Macedonia len Acaya, naar gdxin'tie' Jerusalén. Len gne' ki na' tëëd tziije Jerusalén rala tziije lekz'ka' Roma.

Hechos 19:22

Na' psë'le'e Macedonia Timoteo len Erasto, chop'ke bënni tak'leene le', tzal le' bga'ane ye chop tson dza Asia.

Hechos 19:29

Bachixh xhën gyu'u gdu yëdz, na' gulabialaadxi'ke Gayo len Aristarco chop'ke bënni Macedonia bënni tadzaage Pablo len gla'ij'ke leke len guladxin'tie' latj ga ryu'u xhwitj'ke.

Hechos 20:1

Kati buudx gdëëd gyu'u ruzbë' ni, Pablo bliidze bënni'a tayajle'ke Xan'ru naar be'leene leke diidza. Chi nak ka' bzeide leke diidza len gyiije Macedonia.

Hechos 20:3

ni' bga'ane tson beu'. Chi zuakz kie'le'e barku naar tziije Siria, kati gnëëz'de ki bënni Judea chi rë'nis'ke le' naar lazëëne le'. Lena'a bugie'le'e nëëz zuwëëje le yubl zga Macedonia.

Hechos 27:2

Gyaaz'tu lu barku le chik'z ziaj rza' ra nis ki Adrimitio naar gdxin ra nis ki Asia, za'leene netu lekz'ka' Aristarco bënni yëdz Tesalónica ki yu Macedonia.

Hechos 9:38

Yëdz Jope ni de ga'la'z yëdz Lida ga Pedro rde'; len gulanëëz'de bënni'a tayajle'ke Xan'ru ki ni' rde', ati gulusë'le'e chope' bënni tzajëëdx'ke le': «Dia' yëdz Jope, ti tzei'du zi'.»