Hechos 15:32 - Porciones en Zapoteco de las Delicias

³² Ati Judas len Silas lekz'ka' tui'ke diidza ulaaz kie' Dios, len guluwi'xhëëne leke len gulutip'laadxi'tzke bënni bë'chi'ru len xhtiidza'ke.

Zapotec Isthmus

³² Nabé byuí' né Judas ne Silas ca hermanu que stiidxa Dios purti profeta laaca'. Ne zacá bisieche ca laacabe ne ucané ca laacabe bizuhuaa chaahui cabe.

Hechos 15:32 ပူးပေါင်းရင်းမြစ်များ

Mateo 23:34

Lena'a ksë'la'ka'ne kieeli bënni lui'ke diidza ulaaz kie' Dios, bënni nayajni'i, len bënni useed. San lbi'ili udëëdik'li'ne, ati la'ke bënni ni udak'li'ne lu yaag kruuz, len ye la'ke gutk'li'ne lu yu'u useed ati ulaagk'li'ne yëdz yëdz.

Lucas 11:49

»Lena'a, Dios lu yëla nayajni'i kie' gne': “Usë'la'ka'ne bënni gbaaz kia' len bënni lui'ke diidza ulaaz kia', len la'ke ludëëd'de len ye la'ke lulaage.”

Hechos 11:23

Kati Bernabé bdxiine ble'i'de ka Dios ben'la'aye leke, len budziiji'tzki'de. Len be'leene leke diidza naar lakua'ke tzutzu gdu ikj'laadxi'dau'ke lu nëëz kie' Xan'ru.

Hechos 11:27

La dza niiz, gularooje Jerusalén la'ke bënni tui'ke diidza ulaaz kie' Dios len yajake Antioquía.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 14:22

Lu yëdz ni gulutipe'laadxi'ke bënni'a chi nayajle'ke, len gle'ke leke ki lakua'ke tzutzu lu yëla rajle' kieke, len ki run bayuudx ktzaag'ru yëla rsaka'zi' naar waaz'ru lu yëla rnabe' kie' Dios.

Hechos 15:1

Dza ni', la'ke bënni gularooje Judea yajake Antioquía len gulazulau'e tuseed'de bënni bë'chi'ru ki ti gunn luláke xhki ti luchuuge rui'i ga'ldia' kieke ka naleeb'kde tuune bënni Judea, ka gnabe'e Moisés.

Hechos 15:22

Bënni gbaaz kie' Xan'ru len bënni guul tuzeajni'i'de, len yugute'ke bënni dxin'lau'i kieke bënni'a nayajle'ke, gluune diidza labë'ke ladj'ke'a la'ke bënni lusë'le'e Antioquía dzaag'ke Pablo len Bernabé. Guluzua'ke Judas bënni le' lekz'ka' Barsabás, len Silas, bënni ni nak'ke bënni blou ladj'ke bënni'a nayajle'ke,

Hechos 15:27

Na'a rsë'lak'tu'ne Judas len Silas leke lui'leene lbi'ili diidza kuin'kz'li naar lagixhji'de lbi'ili le ni.

Hechos 15:3

Gulusë'le'e leke bënni dxin'lau'i kieke bënni'a nayajle'ke Antioquía, len guladëëde lu yu ki Fenicia len lu yu ki Samaria len tagixhjë'ke ka tuune bënni ti nak'ke bënni Judea tuka'ane le tayajle'ke zia'a naar tzjak'leene Dios. Ati yugute'ke bënni bë'chi'ru tayëën'de diidza kub ni tudziiji'tzki'de.

Hechos 15:31

Kati bënni bë'chi'ru glul'e gich ni, guludziiji'tzki'de koma ruwi'xhën leke.

Hechos 15:41

len gdëëde yëdz ki Siria len Cilicia rtipe'laadxi'i dxin'lau'i kieke bënni'a tayajle'ke.

Hechos 18:23

Gdëëd gzue' ni' zian dza, brooje le yubl yajtëëde tu tu yëdz ki Galacia len Frigia, len ptipe'laadxi'ke bënni'a nayajle'ke.

Hechos 2:40

Len diidza ni len ye la'k diidza Pedro rzeajni'i'de leke rne': —¡Guluslá kuin'li ki bunach ni ku tabëëz dxia'a!

Hechos 20:2

Gyiije yugute' yëdz'du nakua' ni' len rtip'laadxi'tzke bënni bë'chi'ru len xhtiidze'e; chi nak ka' bdxiine Grecia,