Hechos 15:22 - Porciones en Zapoteco de las Delicias

²² Bënni gbaaz kie' Xan'ru len bënni guul tuzeajni'i'de, len yugute'ke bënni dxin'lau'i kieke bënni'a nayajle'ke, gluune diidza labë'ke ladj'ke'a la'ke bënni lusë'le'e Antioquía dzaag'ke Pablo len Bernabé. Guluzua'ke Judas bënni le' lekz'ka' Barsabás, len Silas, bënni ni nak'ke bënni blou ladj'ke bënni'a nayajle'ke,

Zapotec Isthmus

²² Ne biaana ca apóstol ne ca hermanu gola ne ca xcaadxi xpinni Cristu cui ca chupa de laaca para useenda né ca Pablu ne Bernabé Antioquía. Ne ulí cabe Judas ni rabi cabe Barsabás, ne Silas, chupa de cani za niru lú ca xcaadxi.

Hechos 15:22 ပူးပေါင်းရင်းမြစ်များ

Hechos 1:23

Na' guluzua'ke chope': José bënni le' Barsabás ati te'ke le' Justo len Matías.

Hechos 11:19

Kati gdëëd guludëëd'de Esteban, gulazulau'ke tulaage bënni tayajle'ke Xan'ru, lena'a la'ke gulaxhunj'ke yëdz Fenicia, Chipre len Antioquía. Ni' gulazulau'ke tagixhjë'ke diidza kub dxia'a kie' Xan'ru kie'z'ke bënni'a nak'ke bënni Judea.

Hechos 11:20

San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Hechos 11:22

Bënni gdou' Jerusalén, kati gulanëëz'de le ni, gulusë'le'e Bernabé lu yëdz Antioquía.

Hechos 11:27

La dza niiz, gularooje Jerusalén la'ke bënni tui'ke diidza ulaaz kie' Dios len yajake Antioquía.

Hechos 15:23

len leke gulusë'le'e gich le rna ki: «Netu bënni gbaaz kie' Xan'ru dzaag'tu'ne bënni guul tuzeajni'i'de, rliidz'tzawi'tu lbi'ili bë'cha'a tzka'li zuaali Antioquía, Siria len Cilicia len ti nak'li bënni Judea.

Hechos 15:25

Lena'a, ben'tu diidza dzaag këk'tu'ne ladj'tu ni la'ke bënni dujyu'ke lbi'ili len liid'leene Pablo len Bernabé, bënni'a raki'tzkik'tu'ne,

Hechos 15:27

Na'a rsë'lak'tu'ne Judas len Silas leke lui'leene lbi'ili diidza kuin'kz'li naar lagixhji'de lbi'ili le ni.

Hechos 15:3

Gulusë'le'e leke bënni dxin'lau'i kieke bënni'a nayajle'ke Antioquía, len guladëëde lu yu ki Fenicia len lu yu ki Samaria len tagixhjë'ke ka tuune bënni ti nak'ke bënni Judea tuka'ane le tayajle'ke zia'a naar tzjak'leene Dios. Ati yugute'ke bënni bë'chi'ru tayëën'de diidza kub ni tudziiji'tzki'de.

Hechos 15:30

Na' leke, gularooje len kati guladxiine Antioquía, gulutzaage dxin'lau'i kieke bënni'a nayajle'ke len gulunëëdzje gich'a.

Hechos 15:32

Ati Judas len Silas lekz'ka' tui'ke diidza ulaaz kie' Dios, len guluwi'xhëëne leke len gulutip'laadxi'tzke bënni bë'chi'ru len xhtiidza'ke.

Hechos 15:40

tzal'za Pablo pche'e Silas, len bënni bë'chi'ru gulagu'e le' lu yëla rak'len kie' Dios, len brooje ni'

Hechos 16:19

San kati bënni xami'a gulak'be'i'de ki tir nak'bi bach gnëëdzj'bi kieke dumi, gulazëëne Pablo len Silas len guluche'ke leke nchiil ki ye'i, lau'ke bënni tunabe'ke.

Hechos 16:25

San laadxi'yeel'a tzal Pablo len Silas tui'leene diidza Dios len tul'e wil kie' Dios, len bënni'a ye la'ke dzë'ë'ke liidx'gia'a tayëën'de leke,

Hechos 16:29

Na' bënni'a run'chi'e liidx'gia ni bnaabe gi', len rxiti'ze gyaazie len yëla raadxi bzechu ikje lyu't xhni'e Pablo len Silas.

Hechos 17:10

Chi'dzë'ël'a, bënni bë'chi'ru'a gluune lu bayuudx ga Pablo len Silas tzjak'te'ke yëdz Berea. Guladxin'ze ni', yajak'te'ke lu yu'u useed kieke bënni Judea.

Hechos 17:14

San bënni bë'chi'ru'a gluune ga Pablo ziuub'ze grooje zga ra nis xhën, tzal'za Silas len Timoteo gulaga'ane Berea.

Hechos 17:4

La'ke bënni Judea gulayajle'ke, len guladzaage Pablo len Silas. Lekz'ka' gulayajle'ke zian'ke bënni griego bënni tayiijilaadxi'ke Dios, len lekz'ka' ziank'nu nguul blou.

Hechos 18:5

Kati Silas len Timoteo guladxiine za'ke Macedonia, Pablo nui'laadxi'tzke rgixhjë'e xhtiidze'e Xan'ru, len rlui'de bënni Judea ki Jesús nake le' Cristo.

Hechos 8:14

Kati bënni gbaaz kie' Xan'ru bënni nakua'ke Jerusalén gulanëëz'de ki bënni Samaria gulazi'ke xhtiidze'e Dios, gulusë'la'ke ni' Pedro len Juan.