Hechos 14:3 - Porciones en Zapoteco de las Delicias

³ San bënni gbaaz kie' Xan'ru zian dza gulaga'ane ni', len guluxhënilaadxi'ke Xan'ru len gulakua'ke si'na glui'ke xhtiidze'e Dios; len Xan'ru rlui'e ki zua'leene leke, len rui'e leke yëla wak ki gunn lun'ke le runn'be' yëla wak xhën.

Zapotec Isthmus

³ Peru qué niree Pablu ne Bernabé raqué. Biaana ru cabe byuí' cabe stiidxa Señor sin nidxibi cabe, purti nanna cabe nuu né Señor laacabe. Cayabi cabe binni racala'dxi Dios ulá laaca'. Ne bisihuinni Señor dxandí ni caní' cabe que, purti ucané laacabe bi'ni cabe stale milagru.

Hechos 14:3 ပူးပေါင်းရင်းမြစ်များ

Marcos 16:20

Bënni useed kie' Jesús gularooje len gaaz yajtixhjë'ke ka diidza'a; len Xan'ru rda'kuudze'e leke len rlui'e yëla wak xhën.]

SAN JUAN 4:48

Jesús bubi'e kie' diidza: —Lbi'ili ti rajle'li xhki ti rle'i'li le tunn'be' len yëla wak xhën.

Hechos 13:46

Na' Pablo len Bernabé, si'na gulakua'ke len gulubi'i'ke diidza: —Ben bayuudx zia'a lbi'ili nak'li bënni Judea kixhji'tu xhtiidze'e Dios; san xhki ti ryaazlaadxi'li len ti rnëëzi'li kuin'li bach si'li yëla naban tzalzu, uyaj'tu len bënni ti nak'ke bënni yëdz zitu.

Hechos 2:22

»Guluzenaag bënni Israel le gie'a lbi'ili: ka chik'z nëëzi'li dxia'a, Dios blui'de lbi'ili yëla rnabe' kie' Jesús ki Nazaret, len beene lu ne'e Le' le rgu'u yëla rubaani, len yëla wak xhën le Le' blui'de ro'u.

Hechos 20:24

San tibi ruuni neda ki yëla naban kia', naar gunn ksiuudxa xhchiina len yëla ruzakalaadxi'i, len guuna le nuzue' lu na'a Xan'ru Jesús le nak tzajtixhjë'a diidza kub dxia'a ki yëla nadxi'i kie' Dios.

Hechos 20:32

»Na'a, bë'cha'a, rka'ana lbi'ili lu ne'e Dios len lu yëla rak'len kie'. Le' nape yëla wak guune ga xën'li lu yëla rajle' kieeli len gunne yugute' le nuxëne'laadxi'ke bënni Le' grëe'.

Hechos 4:31

Kati buudx glui'leene diidza Dios, ga nakua'ke'a ptit; len yugute'ke bdze'iz leke Bë' La'ay kie' Dios, len si'na tui'tzka'ke xhtiidze'e Dios.

Hechos 5:32

Len le ni netu rdujxaka'lau'tu len lekz'ka' le' Bë' La'ay kie' Dios, le Dios rsë'le'e kieke bënni tuzenaagi'de Le'.