Hechos 13:43 - Porciones en Zapoteco de las Delicias

⁴³ Kati gdëëd guludzaage lu yu'u useed ni, zian'ke bënni Judea len ye la'ke bënni zia'a yajta'l'ke leke, yajak'leene Pablo len Bernabé. Ati leke glui'leen'ke leke diidza ki lakua'ke tzutzu lu yëla rak'len kie' Dios.

Zapotec Isthmus

⁴³ Ora biluxe cultu sti ca judíu que, yenanda stale binni Pablu ne Bernabé, cásica judíu zaqueca cani cadi judíu ni ma zinanda religión sti ca judíu. Ne gudxi cabe laaca cadi usaana ca ni ma bidii Dios laaca'.

Hechos 13:43 ပူးပေါင်းရင်းမြစ်များ

Mateo 23:15

»¡Bayechi nak'tzka'li bënni useed xhba kie' Dios len bënni fariseo, nak'li ka bënni nuda blo'u! Koma gdu gabi'i yëdz'lyu rajtiilj'li'ne bënni dujte'e lbi'ili, len kati chi bdzëëli'li'ne, run'li ga bënni ni gyali'ir gake bach tziije lu gi'gabil ka lbi'ili.

Hechos 11:23

Kati Bernabé bdxiine ble'i'de ka Dios ben'la'aye leke, len budziiji'tzki'de. Len be'leene leke diidza naar lakua'ke tzutzu gdu ikj'laadxi'dau'ke lu nëëz kie' Xan'ru.

Hechos 13:50

San bënni Judea glui'leen'ke'nu diidza la'knu nguul blou len tayiijilaadxi'nu'ne Dios, len bënni nakua'ke lau'i yëdz'a, len gulagu'u'yële'e leke ki lazulau'e lulaage Pablo len Bernabé, naar lubiije leke ki yëdz ni.

Hechos 14:22

Lu yëdz ni gulutipe'laadxi'ke bënni'a chi nayajle'ke, len gle'ke leke ki lakua'ke tzutzu lu yëla rajle' kieke, len ki run bayuudx ktzaag'ru yëla rsaka'zi' naar waaz'ru lu yëla rnabe' kie' Dios.

Hechos 14:3

San bënni gbaaz kie' Xan'ru zian dza gulaga'ane ni', len guluxhënilaadxi'ke Xan'ru len gulakua'ke si'na glui'ke xhtiidze'e Dios; len Xan'ru rlui'e ki zua'leene leke, len rui'e leke yëla wak ki gunn lun'ke le runn'be' yëla wak xhën.

Hechos 16:14

Tuunu nguul ni leenu Lidia; nguul yëdz Tiatira len ruti'nu laari gach le zaki'i'tzki. Nguul ni riijilaadxi'nu'ne Dios ati Le' gdaane ikj'laadxi'dau'nu len bzenaag'nu diidza le rue'e Pablo.

Hechos 17:17

Lena'a rui'leene diidza bënni Judea lu yu'u useed kieke, len ye la'ke bënni tayiijilaadxi'ke Dios, len yugu dza raje'leene diidza yugu bënni tudzaage lu ye'i.

Hechos 17:34

San la'ke yajak'leene le' len gulayajle'ke. Ladjke'a nutze'e Dionisio, tue' bënni nabaabe lu Areópago, len lekz'ka' tuunu nguul leenu Dámaris, len ye la'ke.

Hechos 17:4

La'ke bënni Judea gulayajle'ke, len guladzaage Pablo len Silas. Lekz'ka' gulayajle'ke zian'ke bënni griego bënni tayiijilaadxi'ke Dios, len lekz'ka' ziank'nu nguul blou.

Hechos 18:7

Burooje lu yu'u useed ni len gyiije liidxe bënni le' Ticio Justo, bënni riijilaadxe'e Dios len zue' kuiti yu'u useed ni.

Hechos 2:10

ki Frigia len Panfilia, ki Egipto, ki yu Libia ga'la'z yëdz Cirene. Lekz'ka' nakua'ke ni bënni yëdz Roma;

Hechos 28:23

Na' gulabë'xhbei'de tu dza kati gliide zian bunach dujyu'ke Pablo ga le' naga'ane, len gdu dza Pablo be'leene leke diidza ki yëla rnabe' kie' Dios. Gu'un'de guune ga lazi'ke Jesús len diidza nayoj lu xhba kie' Moisés len le guluzooje bënni glui'ke diidza ulaaz kie' Dios.

Hechos 6:5

Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.