Hechos 11:27 - Porciones en Zapoteco de las Delicias

²⁷ La dza niiz, gularooje Jerusalén la'ke bënni tui'ke diidza ulaaz kie' Dios len yajake Antioquía.

Zapotec Isthmus

²⁷ Ca dxi que biree caadxi profeta Jerusalén, guyé Antioquía.

Hechos 11:27 ပူးပေါင်းရင်းမြစ်များ

Mateo 23:34

Lena'a ksë'la'ka'ne kieeli bënni lui'ke diidza ulaaz kie' Dios, bënni nayajni'i, len bënni useed. San lbi'ili udëëdik'li'ne, ati la'ke bënni ni udak'li'ne lu yaag kruuz, len ye la'ke gutk'li'ne lu yu'u useed ati ulaagk'li'ne yëdz yëdz.

Lucas 11:49

»Lena'a, Dios lu yëla nayajni'i kie' gne': “Usë'la'ka'ne bënni gbaaz kia' len bënni lui'ke diidza ulaaz kia', len la'ke ludëëd'de len ye la'ke lulaage.”

Hechos 11:20

San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Hechos 11:22

Bënni gdou' Jerusalén, kati gulanëëz'de le ni, gulusë'le'e Bernabé lu yëdz Antioquía.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 14:26

ni' gulugie'le'e nëëz lu barku naar ludxiine Antioquía, yëdz'a ga guluzua'ke leke lu yëla rak'len kie' Dios ki luune dxin'a lea buudx gluune'a.

Hechos 15:22

Bënni gbaaz kie' Xan'ru len bënni guul tuzeajni'i'de, len yugute'ke bënni dxin'lau'i kieke bënni'a nayajle'ke, gluune diidza labë'ke ladj'ke'a la'ke bënni lusë'le'e Antioquía dzaag'ke Pablo len Bernabé. Guluzua'ke Judas bënni le' lekz'ka' Barsabás, len Silas, bënni ni nak'ke bënni blou ladj'ke bënni'a nayajle'ke,

Hechos 15:30

Na' leke, gularooje len kati guladxiine Antioquía, gulutzaage dxin'lau'i kieke bënni'a nayajle'ke len gulunëëdzje gich'a.

Hechos 15:32

Ati Judas len Silas lekz'ka' tui'ke diidza ulaaz kie' Dios, len guluwi'xhëëne leke len gulutip'laadxi'tzke bënni bë'chi'ru len xhtiidza'ke.

Hechos 18:22

Kati bdxiine Cesarea, gyiije Jerusalén yajyue dxin'lau'i kieke bënni'a nayajle'ke, len chi nak ka' gyiije Antioquía.

Hechos 2:17

“Ki' gak dza zia'a za' rne' Dios usë'la'a Bë' La'ay kia' sua len yugute' bunach; len bi'i kieeli bi bënni bi nguul ului'bi diidza ulaaz kia' le zian le glui'i'kda'bi bi'i kuidi kieeli, len lu yeel gliidz'ka'ne yugu bënni guul.

Hechos 21:4

Yajxakak'tu'ne bënni tayajle'ke Xan'ru, len bga'an'leenk'tu'ne gaadx dza. Ati leke gle'ke Pablo ki ti rala tziije Jerusalén, koma ka' chi gdixhji'de leke Bë' La'ay kie' Dios.

Hechos 21:9

Felipe ni nakua'bi tap'bi bi'i nguul raban kie', bi'i tui'bi diidza ulaaz kie' Dios.

Hechos 6:5

Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.