Hechos 11:20 - Porciones en Zapoteco de las Delicias

²⁰ San la'ke bënni tayajle'ke Xan'ru, bënni yëdz Chipre len bënni yëdz Cirene guladxiine Antioquía len gui'leene diidza bënni'a ti nak'ke bënni Judea, len gulagixhji'de leke diidza kub dxia'a kie' Jesús, le' Xan'ru.

Zapotec Isthmus

²⁰ Peru uyuu caadxi binni Chipre ne de Cirene lade cabe. Ne laaca ora yendá ca Antioquía byuí' né ca cani cadi judíu stiidxa Señor Jesús.

Hechos 11:20 ပူးပေါင်းရင်းမြစ်များ

Mateo 27:32

Kati gularoj'ke ni', guludzaage tue' bënni le' Simón, bënni yëdz Cirene, ati guludayë'li'de le gue'e yaag kruuz kie' Jesús.

SAN JUAN 7:35

Bënni Judea gulazulau'ke tunaabi lza'a'ke: —¿Gaxh tziije bënni ni, ati ti udzëëli'ru'ne? ¿Naru uyiije gap nakua'ke bënni Judea lu yëdz zitu ki Jerusalén, ati tzajseed'de bënni ti tayajle'ke?

Hechos 11:19

Kati gdëëd guludëëd'de Esteban, gulazulau'ke tulaage bënni tayajle'ke Xan'ru, lena'a la'ke gulaxhunj'ke yëdz Fenicia, Chipre len Antioquía. Ni' gulazulau'ke tagixhjë'ke diidza kub dxia'a kie' Xan'ru kie'z'ke bënni'a nak'ke bënni Judea.

Hechos 11:22

Bënni gdou' Jerusalén, kati gulanëëz'de le ni, gulusë'le'e Bernabé lu yëdz Antioquía.

Hechos 11:26

len kati budzëël'de le', pche'e le' yëdz Antioquía. Ni' gulakua'ke gdu tu iz, len guluseed'de zian bunach. Guk lu yëdz Antioquía ni ga gulusi'ke lake bënni useed kie' Xan'ru, bënni da'ke Cristo.

Hechos 11:27

La dza niiz, gularooje Jerusalén la'ke bënni tui'ke diidza ulaaz kie' Dios len yajake Antioquía.

Hechos 13:1

Lu dxin'lau'i kieke bënni'a nayajle'ke le gzua Antioquía gulakua'ke bënni glui'ke diidza ulaaz kie' Dios len bënni tuseed'de diidza la'ay. Bënni ni nak'ke Bernabé, Simón (bënni'a te'e le' lekz'ka' Gasj), Lucio bënni yëdz Cirene, Menahem (bënni'a gxhën'leene Herodes bënni'a gnabe'e Galilea) len Saulo.

Hechos 14:26

ni' gulugie'le'e nëëz lu barku naar ludxiine Antioquía, yëdz'a ga guluzua'ke leke lu yëla rak'len kie' Dios ki luune dxin'a lea buudx gluune'a.

Hechos 15:22

Bënni gbaaz kie' Xan'ru len bënni guul tuzeajni'i'de, len yugute'ke bënni dxin'lau'i kieke bënni'a nayajle'ke, gluune diidza labë'ke ladj'ke'a la'ke bënni lusë'le'e Antioquía dzaag'ke Pablo len Bernabé. Guluzua'ke Judas bënni le' lekz'ka' Barsabás, len Silas, bënni ni nak'ke bënni blou ladj'ke bënni'a nayajle'ke,

Hechos 15:23

len leke gulusë'le'e gich le rna ki: «Netu bënni gbaaz kie' Xan'ru dzaag'tu'ne bënni guul tuzeajni'i'de, rliidz'tzawi'tu lbi'ili bë'cha'a tzka'li zuaali Antioquía, Siria len Cilicia len ti nak'li bënni Judea.

Hechos 15:30

Na' leke, gularooje len kati guladxiine Antioquía, gulutzaage dxin'lau'i kieke bënni'a nayajle'ke len gulunëëdzje gich'a.

Hechos 17:18

Lekz'ka' la'ke bënni tadaani'tzki'de luseede len nak'ke bënni epicúreos len estoicos gulazulau'ke tui'leene le' diidza. La'ke tanáke: —¿Bixhkz diidza rue'e bënni'a rde' ruzbë' ni? Ati ye la'ke tanáke: —Naadx bënni rde' ruune lban kieke dios yubl. Le ni tanáke koma Pablo leke diidza kub dxia'a kie' Jesús len ki yëla ruban lu yëla gut.

Hechos 18:22

Kati bdxiine Cesarea, gyiije Jerusalén yajyue dxin'lau'i kieke bënni'a nayajle'ke, len chi nak ka' gyiije Antioquía.

Hechos 2:10

ki Frigia len Panfilia, ki Egipto, ki yu Libia ga'la'z yëdz Cirene. Lekz'ka' nakua'ke ni bënni yëdz Roma;

Hechos 4:36

Ka' beene lekz'ka' tue' bënni xi'in'xhzue' Leví bënni le' José bënni guulje Chipre yu le de gatzj'lau'i nis xhën, len bënni gbaaz kie' Xan'ru guluzua'ke kie' Bernabé le re'e'ni gna: «Bënni ruwi'xhëëne»

Hechos 5:42

Yugu dza tuseed'de bunach len tagixhjë'ke diidza kub dxia'a kie' Jesús le' Cristo lu gdou' len yu'u yu'u.

Hechos 6:1

Dza ni, le zjak'tekze tayaane bënni'a tayajle'ke, bënni tui'ke diidza griego gulazulau'ke tanéke kieke bënni'a tui'ke diidza hebreo, koma ti tui'laadxi'ke dxia'a ga lazi'nu le laag'nu nguul uzeeb'a tui'nu diidza griego.

Hechos 6:5

Yugute'ke gulayazlaadxi'ke diidza ni, len gulabëe' Esteban bënni rajle'e gdu laadxe'e len nadze'iz'de Bë' La'ay kie' Dios, len Felipe, Prócoro, Nicanor, Timón, Parmenas len Nicolás bënni Antioquía, le' zia'a yajte'e bënni Judea.

Hechos 6:9

La'ke bënni nu'tza'ke lu yu'u useed kieke bënni Judea le nazi' lei' Bënni Nadzan'ke, len dzaag'ke bënni yëdz Cirene, Alejandría, Cilicia len bënni Asia gulazulau'ke tadil'e diidza len Esteban;

Hechos 8:35

Na'ar Felipe gde'le'e lu Diidza La'ay'a rul'e bënni Etiopía ni, len gdixhji'de le' diidza kub dxia'a kie' Jesús

Hechos 8:5

Tue' bënni le' Felipe glu'e nëëz ziije yëdz Samaria len gzulau'e rui'leene leke diidza kie' Cristo.

Hechos 9:20

Len Saulo gzulau'e rgixhjë'e lu yu'u useed, ki Jesús nake Xi'ine Dios.

Hechos 9:29

ati rui'leene diidza len rdil'e diidza len bënni Judea tui'ke diidza griego; san leke te'en'de ludëëd'de le'.