Hechos 10:22 - Porciones en Zapoteco de las Delicias

²² Leke gulubi'i'ke diidza: —Za'tu ulaaz kie' Cornelio bënni nake xan'ke bënni rajake gdil, tue' bënni dxia'a len riijilaadxe'e Dios, len yugute'ke bënni Judea taki'de le' len nadxi'ik'de le'. Ati tue' gbaaz la'ay kie' Dios gudxe le' ki ksë'le'e nu dujxi' li' naar tziiju liidxe len gzenaage le rala gie'u'ne.

Zapotec Isthmus

²² Para na ca rabi ca laabe: ―Biseenda Capitán Corneliu laadu purti gudxi ti ángel laabe usenda caa be lii para ga'bu laabe xi guni be. Ridxibi be Dios ne runi be jneza, ne irá judíu nadxii laabe.

Hechos 10:22 ပူးပေါင်းရင်းမြစ်များ

Mateo 1:19

José bënni kieenu nake bënni dxia'a len ti gu'un'de gze' xhtiidza'nu, lena'a baga'chi'z gu'un'de jka'ane'nu.

Mateo 2:12

Gdëëd'a lu yeel gdixhji'i leke ki tir ludëëde ga zue' Herodes, ati nëëz yubl zawake laadz'ke.

Marcos 6:20

koma Herodes raadxi'de le' len run'chi'e le', koma nëëz'de ki nake bënni dxia'a len bënni la'ay. Herodes gdu laadxe'e ryëën'de le rne' Juan zala ti rdzëël'de bixh guune len lea ryëën'de'a,

Marcos 8:38

Xhki nu rutui'i neda len rutui'i xhtiidza'a lau'ke bënni la'rzi'ye' len bënni dula ni, lekz'ka' Le' Xi'ine Bënni utui'i'de le' kati wëëde len yëla ba kie' Xuuze len dzaage bënni gbaaz la'ay kie' Dios.

Lucas 2:25

La dza niiz zue' yëdz Jerusalén tue' bënni le Simeón. Le' nake bënni dxia'a len riijilaadxe'e Dios, rbëëze dza kati Dios ksë'le'e nu uslá bunach Israel. Len Bë' La'ay kie' Dios zue' len le',

Lucas 23:50

Gzue' tue' bënni dxia'a tzawi le' José bënni yëdz Arimatea yu ki Judea, nabaabe lu dxin'lau'i blou kieke bënni Judea. Bënni ni rbëëze yëla rnabe' kie' Dios len ti ben'leene tuuz len lea glun'ke bënni lze'e,

Lucas 9:26

Xhki nu rutui'i neda len rutui'i xhtiidza'a, lekz'ka' le' Xi'ine bënni utui'i'de le' kati wëëde lu yëla ba kie' len lu yëla ba kie' Xuuze len kieke bënni gbaaz la'ay kie'.

SAN JUAN 13:20

Le nak'te rea' lbi'ili ki bënni rzi'e bënni'a nusë'la'ne, neda rzi'e; len bënni rzi'e neda rzi'e nu nusë'la neda.»

SAN JUAN 17:20

»Ti rnaaba kie'z'ke bënni ni, lekz'ka' rnaaba kieke bënni zia'a layajle'ke neda kati layëën'de diidza'a le lui'ke leke.

SAN JUAN 17:8

koma chi gdixhji'kda'ne xhtiidzu'u le bennu kia' len leke gulazi'ke ley. Gulak'be'i'de ki leel za'a kiu', len tayajle'ke ki Li' psë'lu'u neda.

SAN JUAN 5:24

»Le nak'te rea' lbi'ili ki bënni rzenaage le rnia' len rajle'e ki nu nusë'la neda, nape yëla naban tzalzu; len ti nabaage'e xhgia', koma chi gdëëde ki yëla gut zga yëla naban.

SAN JUAN 6:63

Bë'a nak le runn yëla naban; le nak ki yëdz'lyu ni gat'ga zuakz ga run. Ati diidza le chi be'leena lbi'ili nakgak bë' len yëla naban.

SAN JUAN 6:68

Simón Pedro bubi'e diidza: —Xan, ¿Nuxhkz tziaj'leen'tu? Le Li' rnou' nak yëla naban tzalzu.

Hechos 10:2

Nake tue' bënni raadxi'de Dios len riijilaadxe'e Le' len yugute'ke bënni'a nakua'ke liidxe, len lekz'ka' dumi zian rnëëdzje kieke bënni yechi, len rui'leen'tekze diidza Dios.

Hechos 10:21

Pedro budinie len gudxe bënni'a: —Needa'a rugiilj'li; ¿Bixhkia' za'li?

Hechos 10:30

Cornelio bubi'e diidza: —Chi guk tap dza, lez gdu ka na'a, neda zua liidxa ni, len ka chi naleebi'ru rui'leena'ne diidza Dios gdëëd xhwë, kati blui'lau'e tue' bënni nakue' xhe' le rep'yës'lni'.

Hechos 10:33

Lena'a psë'la'te'ka'ne bënni dudiilj'ke li', len dxia'a beenu zo'u. Na'a chi zuaaru ni yugute'tu lau'e Dios, len re'eni'tu gzenaag'tu dera le gnabe'i'de li' Xan'ru gie'u netu.

Hechos 10:6

Le' naga'ane liidxe bënni le' Simón lekz'ka', bënni rpe'e gid kieeba beedx len zue' ga'la ra nis xhën.»

Hechos 11:14

le' kixhji'de li' nakxh gak yulou', len luláke lekz'ka' bënni nakua'ke liidxu.”

Hechos 22:12

»Ni' zue' tue' bënni le' Ananías, bënni riijilaadxe'e Dios len rzenaage le rna xhba kie' Moisés, len yugute'ke bënni Judea nakua'ke Damasco tui'tzka'ke kie' diidza dxia'a.

Hechos 24:15

Len nap'tu tuuz lëëz dzaag'ka'ne ki bënni nat lubaane lu yëla gut, ley bënni dxia'a ley bënni ti nak'ke bënni dxia'a.

Hechos 6:3

Lena'a, bë'cha'a gulkiilj ladj'li ni gaadx'ke bënni gunn gxhënilaadxi'li'ne, bënni nayajni'i len nadze'iz'kde Bë' La'ay kie' Dios, naar gzua'ru lu naa'ke dxin ni.