Hechos 1:15 - Porciones en Zapoteco de las Delicias

¹⁵ Larakz dza niiz ka tu'gayua'galj'ke bënni'a nudzaag'ke ni', ati Pedro gzui'de len gudxe leke:

Zapotec Isthmus

¹⁵ Lade ca dxi que nuu cabe irá cabe tobi si, bia' ti gayuaa gande cabe. Oraque biasa Pedru bizuhuaa lade cabe ne na:

Hechos 1:15 ပူးပေါင်းရင်းမြစ်များ

Mateo 13:31

Lekz'ka' blaabe kieke diidza run lsaki'i ni': «Yëla rnabe' ki yewayuba nak lsaki'i len tu xhsei mostaza, le tue' bënni raaze lu xhyue'.

Lucas 22:32

san neda chi gutayua' kiu', naar ti gnitiu' yëla rajle' kiu'. Len kati chi bubi'ilaadxu'u, guk'leen'ke bunach tayajle'ke lakua'ke tzutzu.

SAN JUAN 14:12

Le nak'te rea' lbi'ili ki bënni tzajle'e neda lekz'ka' guune dxin le ruuna neda; len uxhën'r le guune Le', koma neda wëëja ga zue' Xuuz'ru.

SAN JUAN 21:23

Lena'a gze diidza ki bënni useed ni ti gat'kze. Len Jesús ti gne' ki ti gat'kze. Le gne' guk le ni: «Xhki neda gna kia' za zuaaze ka' nakati gdxin'r dza wëëda, ¿Bixh rki'i Li'?»

Hechos 10:23

Na' Pedro bdëëde leke nu'yu'u, len gulaga'an'leene le' chi'dzë'ël'a. Bueikj dza'a, Pedro gyaj'leene leke, len la'ke bënni bë'chi'ru nakua'ke Jope yajak'leene le'.

Hechos 11:1

Bënni gbaaz kie' Xan'ru len bënni bë'chi'ru nakua'ke Judea gulayëën'de diidza'a ki lekz'ka' bënni'a ti nak'ke bënni Judea gulazi'ke xhtiidze'e Dios.

Hechos 11:12

Le' Bë' La'ay kie' Dios gnabe'i'de neda tziaj'leen'ka'ne len ti guuni'z neda. Len lekz'ka' gulaza'leen'ke neda xope bënni bë'chi'ru ki gdou' Jope. Ati yugute'tu gyaaz'tu liidxe bënni'a,

Hechos 11:26

len kati budzëël'de le', pche'e le' yëdz Antioquía. Ni' gulakua'ke gdu tu iz, len guluseed'de zian bunach. Guk lu yëdz Antioquía ni ga gulusi'ke lake bënni useed kie' Xan'ru, bënni da'ke Cristo.

Hechos 11:29

Na' bënni tayajle'ke Xan'ru ki yëdz Antioquía gza' ikj'laadxi'dau'ke lak'leene bënni bë'chi'ru nakua'ke Judea, len tzka ledu de kieke tu tu'ke.

Hechos 12:17

Ati le', ben ni'a ne'e naar tir lakua'ke ruzbë', len gdixhji'de leke ka beene Xan'ru bubiije le' liidx'gia. Len gne': —Gulkixhji'de Santiago len yugu bënni bë'chi'ru. Chi nak ka' brooje len ziije ga yubl.

Hechos 14:2

Ati bënni Judea bënni'a ti tayajle'ke gulagu'u'yële'e bënni ti nak'ke bënni Judea naar ludabaaga'ke bënni bë'chi'ru tayajle'ke.

Hechos 15:1

Dza ni', la'ke bënni gularooje Judea yajake Antioquía len gulazulau'e tuseed'de bënni bë'chi'ru ki ti gunn luláke xhki ti luchuuge rui'i ga'ldia' kieke ka naleeb'kde tuune bënni Judea, ka gnabe'e Moisés.

Hechos 15:3

Gulusë'le'e leke bënni dxin'lau'i kieke bënni'a nayajle'ke Antioquía, len guladëëde lu yu ki Fenicia len lu yu ki Samaria len tagixhjë'ke ka tuune bënni ti nak'ke bënni Judea tuka'ane le tayajle'ke zia'a naar tzjak'leene Dios. Ati yugute'ke bënni bë'chi'ru tayëën'de diidza kub ni tudziiji'tzki'de.

Hechos 16:2

Bënni bë'chi'ru ki yëdz Listra len ki yëdz ki Iconio diidza dxia'a tui'ke kieebi.

Hechos 16:40

Kati gulurooje liidx'gia'a Pablo len Silas ye'wake liidx'nu Lidia len buudx yajyu'ke bënni bë'chi'ru len gulutipe'laadxi'ke, guluza'ke ni'.

Hechos 17:10

Chi'dzë'ël'a, bënni bë'chi'ru'a gluune lu bayuudx ga Pablo len Silas tzjak'te'ke yëdz Berea. Guladxin'ze ni', yajak'te'ke lu yu'u useed kieke bënni Judea.

Hechos 17:14

San bënni bë'chi'ru'a gluune ga Pablo ziuub'ze grooje zga ra nis xhën, tzal'za Silas len Timoteo gulaga'ane Berea.

Hechos 17:6

ati kati ti guludzëël'de leke na', gulagie'le'e Jasón na'ij'ke le' len ye la'ke bënni bë'chi'ru len guluche'ke leke lau'ke bënni tunabe'ke yëdz'a, len guluskua'ke: —¡Bënni ni, nak'ke bënni'a tadáke ruzbë' gdu yëdz'lyu, ati na'a chi guladxiine ni,

Hechos 18:18

Ye zian'r dza bga'ane Pablo Corinto. Chi nak ka' bzeide leke diidza bënni bë'chi'ru, ati dzaage Priscila len nguul kie' Aquila, gulayaazie lu barku zjake yu Siria. Len lu yëdz Cencreas kati zia'a tzaazie lu barku pchuuge gdu gitza ikje, naar guune le chi nuxënelaadxe'e Dios rala guune.

Hechos 18:27

Kati Apolo gu'un'de tziije lu yëdz Acaya, bënni bë'chi'ru glak'leene le' len guluzooje tu gich kieke bënni'a tayajle'ke len nakua'ke ni' naar lazi'ke le' dxia'a. Kati bdxiine yëdz Acaya, guk'leen'tzke bënni'a lu yëla rak'len kie' Dios chi nayajle'ke.

Hechos 21:17

Kati bdxin'tu Jerusalén, bënni bë'chi'ru tudziiji'tzki'de gulale'i'de netu.

Hechos 21:20

Kati gulayëën'de le', gulagu'u'ke ba Dios, ati gle'ke Pablo: —Na'a bë'cha'a, rle'i'kz'du li' ki zian mil'ke bënni Judea chi gulayajle'ke, san yugute'ke tanáke ki ni run bayuudx gun'ru le rna xhba kie' Moisés.

Hechos 21:7

Ati psiuudx'tu gyu'u'tu nëëz lu barku gza'tu Tiro len bdxin'tu Tolemaida, ni' yajyuk'tu'ne bënni bë'chi'ru len bga'an'leenk'tu'ne tu dza.

Hechos 22:5

Le' pxuuz blou len yugu bënni guul tuzeajni'i'de gunn lujxaka'lau'ke le ni. Leke glun'ke gich bi'a kieke bënni bë'chi'ru ki Judea ni len nakua'ke Damasco, ati gyiija ni' yajdiilj'ka'ne bënni nayajle'ke naar yuche'ka'ne Jerusalén ni len ksaka'zi'ka'ne.

Hechos 28:14

ni' yajxakak'tu'ne la'ke bënni bë'chi'ru len gluune ga bga'an'leenk'tu'ne tu seman; len chi nak'r ka' bdxin'tu Roma.