Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Naiˍ htangˍ 9:29 - Pyen

29 Heˍlaˍsaˆ tangˍ ciˍ naeˍ Yuˉdaˆ changˉ uiˉ kawngˉ yang ang changˍ taeng yao hteng lang ga jiˉ. Haeˉ mae beu, yawng ngaˍ yang na saeˍ naˇ nae kuitˆ yao ca jiˉ.

အခန်းကိုကြည့်ပါ။ ကော်ပီ




Naiˍ htangˍ 9:29
13 ပူးပေါင်းရင်းမြစ်များ  

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.


Haeˉ mae yao, yaˇ Yuˉdaˆ changˉ ceuˉ hpawm lang kyaˉ veu Yuˉdaˆ changˉ nae Hpaˍcaoˍ na koˉ koiˍ naeˍ uiˉ changˉ na baˍ upˍ, cu nuing katˆ hkaoˉ veu myangˉ lang naeˉ changˉ uiˉ na baˍ up, sing lang cat lang yao ca jiˉ.


Haeˉ mae beu, yawng Eˉfeˉsuˆ vengˍ veu hkeu yao, yang yaˉ yetˍ na hingˉ keung veu chiˉ saˍ jiˍ. Yang Yuˉdaˆ changˉ ceuˉ hpawm lang kyaˉ veu awngˉ lae yao Yuˉdaˆ changˉ uiˉ kawngˉ sing cat lang ga jiˉ.


Hingˉ nawngˍ veu, Pawˉluˆ nawˍ Yuˉdaˆ changˉ ceuˉ hpawm lang kyaˉ veu awngˉ nga laengˉ yao, nuing ba hatˆ naeˉ hkaoˉ veu sumˍ ha veu tiˍ hkeu maˍ biˍ jiˍ. Yawng kawngˉ sin cat lang yao Hpaˍcaoˍ beu ang meungˉ hingˉ na yumˉ laˉ naeˉ uiˉ saˍ laiˍ yang coˇ caˇ yao maˍ biˍ jiˍ.


Yeˍsuˆ ga na ha langˍ ngaeˉ, Yeˍruˆsaˍlaemˍ vengˍ hkaoˍ nawˆ ang vaiˍ nae awkˍ taw aengˉ bao. Aˉ mae yao nae baoˉ vaˍ, ga awˍ lawng ningˉ na nang saˉ hkiˉ hkamˉ naeˉ na changˉ ningˉ uiˉ baˍ hap yuˉ laˍ yang ga na ha laˍ ngaeˉ.


Hingˉ nyamˍ hkaoˍ veu ta peˍ uiˍ byaˍ laˉ yao, Heˍlaˍsaˆ tangˍ ciˍ naeˍ Yuˉdaˆ changˉ uiˉ nae Heˍbraeˉ tangˍ ciˍ naeˍ Yuˉdaˆ changˉ uiˉ hteng lang jiˉ. Aˉ mae yao nae baoˇ cu nuing caˍ keungˍ peungˍ naeˍ hkaoˉ veu, yawng beu Heˍlaˍsaˆ tangˍ ciˍ naeˍ mae maiˉ ba uiˉ aˍ caˍ keungˍ baˍ ya nae pa yaˇ.


Caˇ, Baˍnaˍbaˆ yang na suiˍ yao, naiˍ htangˍ uiˍ kawngˉ lae jiˉ. Kaˉ ba veu Sawˉluˆ Ang suingˉ Yeˍsuˆ na ya myangˉ jiˉ. Ang suingˉ Yeˍsuˆ yang na ciˍ sangˍ jiˍ na Baˍnaˍbaˆ yawng na hkai biˍ jiˍ. Peunˉ na yao, Daˍmaˍsaetˆ vengˍ hkaoˍ veu Yeˍsuˆ beu ang maengˉ na cuˉ yao nuing ba hatˆ naeˉ hkaoˉ veu yang ang buinˉ tangˍ maˍ biˍ jiˍ na ta ta, Baˍnaˍbaˆ yawng na hkai yao piˉ kyaˍ jiˍ.


Haeˉ mae yao, Sawˉluˆ nawˍ Yeˍruˆsaˍlaemˍ vengˍ htang veu yawng kawngˉ awkˍ awkˍ taw taw ca jiˉ. Ang suingˉ Yeˍsuˆ beu ang maengˉ na cuˉ yao, nuing ba hatˆ naeˉ hkaoˉ veu yang ang buinˉ tangˍ maˍ jiˍ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ