Naiˍ htangˍ 9:27 - Pyen

²⁷ Caˇ, Baˍnaˍbaˆ yang na suiˍ yao, naiˍ htangˍ uiˍ kawngˉ lae jiˉ. Kaˉ ba veu Sawˉluˆ Ang suingˉ Yeˍsuˆ na ya myangˉ jiˉ. Ang suingˉ Yeˍsuˆ yang na ciˍ sangˍ jiˍ na Baˍnaˍbaˆ yawng na hkai biˍ jiˍ. Peunˉ na yao, Daˍmaˍsaetˆ vengˍ hkaoˍ veu Yeˍsuˆ beu ang maengˉ na cuˉ yao nuing ba hatˆ naeˉ hkaoˉ veu yang ang buinˉ tangˍ maˍ biˍ jiˍ na ta ta, Baˍnaˍbaˆ yawng na hkai yao piˉ kyaˍ jiˍ.

Naiˍ htangˍ 9:27 ပူးပေါင်းရင်းမြစ်များ

Naiˍ htangˍ 11:22

Ningˉ awˍ lawng ningˉ na Yeˍruˆsaˍlaemˍ vengˍ hkaoˍ veu ca naeˉ Hkritˆ yanˍ ang muˉ uiˉ ya kyaˍ beu, Baˍnaˍbaˆ na Anˍtiˉokˆ vengˍ veu piˉ aeˉ jiˉ.

Naiˍ htangˍ 11:25

Baˍnaˍbaˆ nawˍ Sawˉluˆ na saˉ naeˉ nae, Taˍsuˆ vengˍ veu aeˉ jiˉ.

Naiˍ htangˍ 12:25

Baˍnaˍbaˆ nae Sawˉluˆ yawng ngaˍ Yeˍruˆsaˍlaemˍ vengˍ hkaoˍ veu piˉ caˍ piˉ tangˉ naeˉ kanˉ na vaˍ peunˍ yao, yawng Anˍtiˉokˆ vengˍ veu lae jiˉ. Maˍkuˆ ang maengˉ htiˍ maengˍ na ya jiˉ Yoˉhanˍ na muiˉ suiˍ yao lae jiˉ.

Naiˍ htangˍ 13:2

Yawng Ang suingˉ Hpaˍcaoˍ na koˉ koiˍ yao ang caˍ cheˉ yao ca beu, Ang hkawˍ laˉ ang seungˍ sangˉ ciˍ jiˍ. Ga piˉ vaˍ jiˍ kanˉ na Baˍnaˍbaˆ nae Sawˉluˆ vaˍ naeˍ uiˉ saˍ laiˍ, yaˉ yetˍ na cheˉ yuˉ yao chiˉ voˍ nae ha biˍ jiˍ.

Naiˍ htangˍ 15:2

Pawˉluˆ nae Baˍnaˍbaˆ changˉ hingˉ uiˉ na baˍ yaˍ lang nae hteng peunˉ lang yao, awˍ lawng ningˉ na naˉ lae hu naeˉ nae, Hkritˆ yanˍ ang muˉ, Pawˉluˆ Baˍnaˍbaˆ nae awˍ htaˍ veu changˉ uiˉ na cheˉ yuˉ yao, Yeˍruˆsaˍlaemˍ vengˍ veu ca naeˉ naiˍ htangˍ uiˍ awn hoˉ yaˍ mangˍ htiˍ baˍ uiˍ kawngˉ piˉ lae jiˉ.

Naiˍ htangˍ 4:13

Yawng ngaˍ Peˍtruˆ nae Yoˉhanˍ yaˉ yetˍ nuing ba hatˆ jiˉ hingˉ na myangˉ yao, pingˍ nyaˍ baˍ hkiˍ ang laiˍ baˍ henˍ myang nae uiˉ changˉ nae bae yao manˍ hko jiˉ. Yaˉ yetˍ Yeˍsuˆ kawngˉ ca saˍ myang jiˉ na yawng ya bae jiˉ.

Naiˍ htangˍ 4:29

Ang suingˉ Hpaˍcaoˍ veuˉ, ya muiˉ yawng hkanˍ yaˍ laˍ naeˍ hingˉ na hu myangˉ luiˍ lao, nang beu yaˍ cenˍ uiˍ na ang buinˉ tangˍ hingˍ nuing ba hatˆ naeˉ hkaoˉ veu maˍ taw naeˉ uiˉ aˉ hkvangˍ piˍ lao.

Naiˍ htangˍ 4:36

Haeˉ mae beu, Kuˇpaˉruˆ cunˉ veu keutˆ yaˍ lui jiˉ Leˍviˆ changˉ, Yoˉsaep nae maengˉ jiˉ uiˉ changˉ htiˍ hu ang ca. Naiˍ htangˍ uiˍ yang na ang maengˉ ang suiˍ Baˍnaˍbaˆ nae maengˉ biˍ jiˍ. Baˍnaˍbaˆ nae maengˉ jiˉ a tekˆ paeˍ hingˉ ngaˍ, kaˍ piˍ naeˍ mangˉ nae haoˉ naeˉ ha siˉ naeˉ yaˇ.

Naiˍ htangˍ 9:17

Haeˉ mae yao, Aˍnaˍniˆ aeˉ yao yumˉ hiˉ keung awngˉ aeˉ jiˉ. Haeˉ mae beu, Sawˉluˆ htaˍ veu laˍ puˍ boeˉ yao ciˍ jiˍ. Ang hpaeˉ Sawˉluˆ veuˉ, nang mi nuing myangˉ laˉ laeˍ yao Ang hkawˍ laˉ ang seungˍ sangˉ puing laˉ naeˉ uiˉ saˍ laiˍ, kaˉ ba veu nang lui beu, nang na myangˉ laˍ jiˍ Ang suingˉ Yeˍsuˆ maˇ, ga na caiˍ yaˍ luiˍ langˍ ngaeˉ yaˇ nae ha biˍ jiˍ.

Naiˍ htangˍ 9:29

Heˍlaˍsaˆ tangˍ ciˍ naeˍ Yuˉdaˆ changˉ uiˉ kawngˉ yang ang changˍ taeng yao hteng lang ga jiˉ. Haeˉ mae beu, yawng ngaˍ yang na saeˍ naˇ nae kuitˆ yao ca jiˉ.