Naiˍ htangˍ 9:2 - Pyen

² Yang yit pa rawˉ hek ang kaeˍ kawngˉ ang liˍ paˉ lae jiˉ. Nae yao, Daˍmaˍsaetˆ vengˍ veu ca naeˉ hpawm lang kyaˉ htiˍ baˍ uiˍ na piˍ seuˍ saˍ laiˍ ang laiˍ paˉ jiˉ. Yang ba ceuˉ ha yao ningˉ mae ha naeˉ nae baoˉ vaˍ, Ang suingˉ Yeˍsuˆ beu Kaˉ ba ang liˍ ningˍ na awngˉ lae jiˉ uiˉ, kaˍ hpaˍ yaˍ na baˍ upˍ hka ba yaˍ na baˍ upˍ, hkaˉ myangˉ naeˉ uiˉ changˉ na yang hpui yao, Yeˍruˆsaˍlaemˍ vengˍ veu ya suiˍ laˉ naeˉ uiˉ saˍ laiˍ yaˇ.

Naiˍ htangˍ 9:2 ပူးပေါင်းရင်းမြစ်များ

Naiˍ htangˍ 18:25

Yaˇ Ang suingˉ Yeˍsuˆ beu kaˉ ba awˍ lawng ya henˍ yao nuing ba chawˍ naeˍ hkaoˉ veu, Yeˍsuˆ beu awˍ lawng na maenˍ nae maˍ hkiˍ yao muiˉ, Yoˉhanˍ maˍ biˍ jiˍ baˆtiˆsamˍ hingˍ naˇ yang hkiˍ jiˍ.

Naiˍ htangˍ 19:23

Ang nyamˍ hingˍ hkaoˉ veu Ang suingˉ beu ang liˍ ang kawngˍ hingˍ pa nae Eˉfeˉsuˆ vengˍ hkaoˍ veu suk sak naeˉ uiˉ ang byaˍ taw laˉ jiˉ.

Naiˍ htangˍ 19:9

Caˇ, yawng hkaoˉ veu changˉ htiˍ baˍ baˍ nuing ba kaenˍ hka yao baˍ yumˍ. Yawng changˉ ningˉ mawk veu mae kaˍ huˍ veu Kaˉ ba ang liˍ ang kawngˍ lawng hingˉ na baˍ saˍ baˍ nyamˍ nae ciˍ jiˍ. Haeˉ mae beu, yang yawng kawngˉ awkˍ taw aengˉ yao, ta peˍ uiˍ na suiˍ yao Tuˆraˍnuˆ beu cawngˉ hkaoˉ veu cu nuing sing cat lang ga jiˉ.

Naiˍ htangˍ 24:14

Caˇ, gaˇ nang na ningˉ mae pawngˉ hkai maen laˍ naˇ. Hao na hpakˍ yao aengˉ jiˉ ang muˉ nae yawng ciˍ naeˍ kaˉ ba ang liˍ ningˍ keung gaˇ gu beu aˉ hpiˍ a puˉ uiˉ beu Hpaˍcaoˍ na koˉ koiˍ naeˍ yaˇ. Kaˉ ba ang liˍ ang kawngˍ ang laiˍ nae pa rawˉ hpaet uiˉ beu ang laiˍ hkaoˍ veu hkaˍ taemˉ jiˉ uiˉ ang laiˍ na ga ang yumˉ yaˇ.

Naiˍ htangˍ 24:22

Ang suingˉ Hpeˍliˆ nawˍ, Kaˉ ba ang liˍ na ang bae nae pa, yang ang nyamˍ hingˍ na sat nga biˍ yao ciˍ jiˍ, Yinˍ cangˉ longˉ Luˆsiˆ hkeu lui beu, nawng awˍ lawng hingˉ ga tatˆ chae laˍ vaˍ nae, yawng na ha biˍ jiˍ.

Naiˍ htangˍ 26:10

Yeˍruˆsaˍlaemˍ vengˍ hkaoˍ veu ga haeˉ mae ang ha myang yaˇ. Yit pa rawˉ hek ang huiˍ uiˍ kawngˉ a hkvangˍ ya yao, Hkritˆ yanˍ changˍ ang byaˍ hu na htawngˉ hkaoˉ veu lawngˉ myang ngaeˉ. Hao yawng na saeˍ beu, ga nuing ba buiˍ yao laˍ puˍ ang chiˍ laeˍ myang yaˇ.

Naiˍ htangˍ 26:12

Hkunˉ hawˉ hkamˉ veuˉ, ga ningˉ mae vaˍ yao ca naeˉ hkaoˉ veu, Yit pa rawˉ hek ang huiˍ uiˍ ga na kanˉ ningˉ ap nga laˍ yao aˉ hkvangˍ piˍ laˍ jiˍ pa nae, ga Daˍmaˍsaetˆ vengˍ veu lae yaeˉ.

Naiˍ htangˍ 6:9

Haeˉ mae beu, changˉ htiˍ baˍ uiˍ hta laˉ yao Saˍteˍhpanˍ na hteng lang ga jiˉ. Yawng ngaˍ caeˉ naeˉ uiˉ changˉ nae ha naeˉ Yuˉdaˆ changˉ ceuˉ hpawm lang kyaˉ na chaˍ lang naeˉ changˉ uiˉ aˍ, Kuˆreˍneˍ changˍ, Aˍleˍsaˍdraˉ changˉ, Kiˉliˉkiˆ changˉ nae Aˍsiˆ meungˉ changˉ uiˉ yaˇ.

Naiˍ htangˍ 7:19

Ang suingˉ hiˉ maˇ, gu beu changˉ ceuˉ na koiˍ yao, ang yaˍ keutˆ yaˍ suiˍ uiˍ baˍ ya teˍ yaˍ taw naeˉ uiˉ saˍ laiˍ, gu beu ang puˉ uiˉ na hkanˍ yaˍ chuiˍ yaˍ yao ang yaˍ htiˍ baˍ uiˍ na piˉ yuˉ taw lae jiˍ.

Naiˍ htangˍ 9:14

Ningˉ keung veu muiˉ, nang beu ang maengˉ na hkaˉ haoˉ naeˉ uiˉ changˉ na hpui naeˉ uiˉ saˍ laiˍ, yit pa rawˉ hek ang huiˍ uiˍ kawngˉ yang a hkvangˍ ya byaˇ nae, Aˍnaˍniˆ tawpˍ laeˍ jiˍ.

Naiˍ htangˍ 9:21

Ya kyaˍ jiˍ changˉ uiˉ manˍ yao ciˍ jiˍ yang, Changˉ niˇ maˇ, Yeˍruˆsaˍlaemˍ vengˍ hkaoˍ veu ang maengˉ hingˉ na hkaˉ haoˉ naeˉ changˉ uiˉ na tiˍ kangˍ naeˍ mangˉ baˍ aˍ la. Ningˉ keung veu muiˉ haeˉ mae uiˉ changˉ na hpui yao yit pa rawˉ hek ang huiˍ uiˍ kawngˉ chuingˉ ngangˉ naeˉ nae yawng hkeu luingˉ jaˇ nae yawng hkai lang ga jiˉ.