Naiˍ htangˍ 9:10 - Pyen

¹⁰ Haeˉ mae beu, Daˍmaˍsaetˆ vengˍ hkaoˍ veu Aˍnaˍniˆ nae maengˉ jiˉ ta peˍ htiˍ hu ca jiˉ. Ang suingˉ Yeˍsuˆ nawˍ, yuˍ paˍ yongˍ hkaoˉ veu, Aˍnaˍniˆ veuˉ, nae yang na haoˉ biˍ beu, Ang suingˉ veuˉ, ga nawtˆ ca ngaeˉ nae tawpˍ lae jiˍ.

Naiˍ htangˍ 9:10 ပူးပေါင်းရင်းမြစ်များ

Naiˍ htangˍ 10:3

Htiˍ nuing hingˉ ngang beu, muˍ hkiˍ sumˍ naˍ riˍ veu Hpaˍcaoˍ beu buingˍ htaˍ naiˍ htangˍ htiˍ hu yuˍ paˍ yongˍ hkaoˍ veu yang kawngˉ luingˉ jiˉ na yang ya myangˉ jiˉ. Buingˍ htaˍ naiˍ htangˍ maˇ Kawˉneˍliˆ veuˉ, nae yang na haoˉ jiˉ.

Naiˍ htangˍ 11:5

Ga Yuˆpeˍ vengˍ hkaoˍ veu ang buinˉ paˉ yao ca beu, aˍ hpenˍ ang huiˍ lawˍ htiˍ hpeunˍ nae, ang ku ang ku nae hpui yao buingˍ htaˍ veu ca yao ga kawngˉ tiˍ hkeu poiˉ luiˍ laˍ jiˍ na, mae buinˉ hkaoˉ veu ga ya myangˉ yaeˉ.

Naiˍ htangˍ 12:9

Haeˉ mae beu, Peˍtruˆ htawngˉ hkaoˉ veu awkˍ taw aengˉ yao buingˍ htaˍ naiˍ htangˍ kawngˉ aeˉ jiˉ. Caˇ, buingˍ htaˍ naiˍ htangˍ kanˍ ningˉ ngaˍ maˉ manˉ nae uiˉ kanˉ hpeuˍ naeˍ na yang baˍ bae nae yao, mae buinˉ buinˉ naeˉ uiˉ laˉ mae yuˍ paˍ yongˍ hkaoˍ veu myangˉ ngaeˉ nae yang kuitˆ jiˉ.

Naiˍ htangˍ 16:10

Yuˍ paˍ yongˍ hkaoˍ veu yang ningˉ mae ya myangˉ peunˉ yao, Maˍkeˍdawˉniˆ changˉ na mawnˍ pyawˉ naeˉ uiˉ ang buinˉ tangˍ maˍ naeˍ uiˉ saˍ laiˍ, Hpaˍcaoˍ gu na haoˉ ngangˉ laˍ jaˇ nae ya bae yao, htiˍ chitˍ nae Maˍkeˍdawˉniˆ ang meungˉ veu ya aeˉ naeˉ uiˉ saˍ lai gu ha yae.

Naiˍ htangˍ 16:9

Muˍ hkiˍ beu Pawˉluˆ nawˍ, yuˍ paˍ yongˍ hkaoˍ veu Maˍkeˍdawˉniˆ changˉ htiˍ hu cung yao ca naeˉ na ya myangˉ jiˉ. Pawˉluˆ na paˉ yao ciˍ jiˍ yang, Maˍkeˍdawˉniˆ ang meungˉ veu laˉ yao gu na pawngˍ lao nae ha biˍ jiˍ.

Naiˍ htangˍ 18:9

Muˍ hkiˍ beu, Ang suingˉ Hpaˍcaoˍ nawˍ, Pawˉluˆ na yuˍ paˍ yongˍ hkaoˍ veu maˍ biˍ yao ciˍ jiˍ, Naˇ baˍ hkae jo. Chuinˉ nae baˍ caw jo. Maenˍ nae maˍ bu.

Naiˍ htangˍ 2:17

Hpaˍcaoˍ ciˍ jiˍ yang, Tawngˍ tin veu ang nyamˍ hingˍ hkaoˉ veu changˉ ceuˉ uiˉ hkaˉ hko laˉ hko htaˍ veu ga beu Ang hkawˍ laˉ hingˉ piˍ naeˍ. Nawng beu ang yaˍ ang hkyaˉ uiˉ pa rawˉ hpaet tangˍ ciˍ naeˍ. Nawng beu yaˍ hkaˍ uiˍ yuˍ paˍ yongˍ na ya myangˉ naeˉ. Nawng beu yaˍ mangˍ uiˍ muiˉ mae buinˉ buinˉ yaˍ naeˍ.

Naiˍ htangˍ 22:12

Hiˉ keung veu Aˍnaˍniˆ nae maengˉ jiˉ mangˉ changˉ htiˍ hu ang ca. Yaˇ hiˉ keung duingˉ naeˉ Yuˉdaˆ changˉ hkaˉ hko laˉ hko hkaoˉ veu ang maengˉ ang maenˍ nae yao ang liˍ ang kawngˍ veu Hpaˍcaoˍ na ang saˍ nyamˉ hkiˍ.

Naiˍ htangˍ 9:12

Yang mi nuing myangˉ laˉ laeˍ hkiˍ naeˍ uiˉ saˍ laiˍ, Aˍnaˍniˆ nae maengˉ jiˉ changˉ htiˍ hu awngˉ laˉ yao, yang htaˍ veu laˍ puˍ boeˉ naeˉ na Sawˉluˆ myangˉ nga byaˇ nae, Yeˍsuˆ Aˍnaˍniˆ na ciˍ sangˍ jiˍ.

Naiˍ htangˍ 9:9

Sumˍ nuing veu tiˍ hkeu yang mae nuing baˍ myangˍ nae, baˍ caˍ baˍ tangˍ nae ca jiˉ.