Naiˍ htangˍ 8:40 - Pyen

⁴⁰ Haeˉ mae beu, Aˍcoˆ vengˍ hkaoˍ veu Hpiˆliˆpuˆ na hao ya myangˉ jiˉ. Yang kaˉ huˍ veu lae yao Kaeˉsaˍriˆ vengˍ veu tiˍ hkeu, vengˍ hkawngˍ hkaoˍ uiˍ beu ang buinˉ tangˍ maˍ biˍ jiˍ.

Naiˍ htangˍ 8:40 ပူးပေါင်းရင်းမြစ်များ

Naiˍ htangˍ 10:1

Kaeˉsaˍriˆ vengˍ hkaoˍ veu, Kawˉneˍliˆ nae maengˉ jiˉ Iˍtaˍliˍ luk suikˆ ang muˉ na upˆ peungˍ naeˍ yinˍ cangˉ htiˍ hu ca jiˉ. Yaˇ Iˍtaˍliˍ luk suikˆ ang muˉ htiˍ tap uiˉ na up naeˉ.

Naiˍ htangˍ 10:24

Nawngˍ cangˍ nuing hingˉ ngang beu yawng Kaeˉsaˍriˆ vengˍ hkaoˍ veu hkeu lae jiˉ. Kawˉneˍliˆ nawˍ, yang beu yaˍ changˍ mawngˉ namˉ nae ang changˍ ang cumˉ uiˉ na haoˉ chawnˉ yao, yawng na tangˍ jiˍ.

Naiˍ htangˍ 11:11

Hingˉ nyamˍ hkaoˍ veu Kaeˉsaˍriˆ vengˍ veu ga kawngˉ tawk yaˍ luiˍ jiˍ uiˉ changˉ sumˍ hu gu ca naeˉ yumˉ htangˍ hingˉ keung hkeu lui jiˉ.

Naiˍ htangˍ 12:19

Ang suingˉ Heˍrot maˇ Peˍtruˆ na piˉ saˉ yao baˍ myangˍ nae hawˍ jiˍ changˉ uiˉ na caet nga yao saeˍ voˍ nae aˉ mingˍ piˍ jiˍ. Haeˉ mae beu ang suingˉ Heˍrot nawˍ Yuˉdaˆ ang meungˉ veu hta laˉ yao Kaeˉsaˍriˆ vengˍ veu aeˉ yao hiˉ keung veu ca jiˉ.

Naiˍ htangˍ 18:22

Kaeˉsaˍriˆ vengˍ veu hkeu lae yao, yang Yeˍruˆsaˍlaemˍ vengˍ veu lae yao Hkritˆ yanˍ ang muˉ na myangˉ nga lae lang peunˉ yao, Anˍtiˉokˆ vengˍ veu aeˉ laeˍ jiˍ.

Naiˍ htangˍ 21:16

Kaeˉsaˍriˆ vengˍ veu ca naeˉ uiˉ taˍ peˍ htiˍ baˍ uiˍ gu kawngˉ htuˍ yaˍ laˉ mae lae yao, Maˍnaˍsonˍ nae maengˉ jiˉ changˉ hiˉ mangˉ kawngˉ yuˍ naeˍ nae, gu na yang kawngˉ suiˍ yao sa lae langˍ ngaeˉ. Yaˇ ta peˍ hpeuˍ yaeˍ mangˍ ngangˍ jiˉ uiˉ changˉ htiˍ hu yaˇ.

Naiˍ htangˍ 21:8

Nawngˍ cangˍ nuing hingˉ ngang beu gu awkˍ taw aengˉ laeˍ yao, Kaeˉsaˍriˆ vengˍ veu hkeu aeˉ yaeˉ. Cetˍ hu hingˉ hkaoˉ veu Hpiˆliˆpuˆ nae maengˉ jiˉ mawnˍ pyawˉ naeˉ uiˉ ang buinˉ tangˍ maˍ biˍ naeˍ mangˉ htiˍ hu mangˉ yumˉ veu gu awngˉ lae yao, yang kawngˉ ca yaeˉ.

Naiˍ htangˍ 23:23

Haeˉ mae beu, cong veoˉ longˉ maˇ, luk suikˆ yinˍ cangˉ nyiˍ hu yaˉ yetˍ na hao nga biˍ yao, Miˉ hkiˍ kaoˍ naˍ riˍ veu Kaeˉsaˍriˆ vengˍ veu aeˉ naeˉ uiˉ saˍ laiˍ, ang hkuing hanˉ naeˉ uiˉ luk suitˆ nyiˍ pakˍ hu, aˍ mawngˍ ta naeˉ uiˉ luk suitˆ cetˍ cheˍ hu nae, keungˍ paˍ naeˍ uiˉ luk suitˆ nyiˍ pakˍ hu haenˍ htaˍ yao ca voˍ.

Naiˍ htangˍ 23:33

Aˍ mawngˍ ta naeˉ luk suitˆ uiˉ aˍ, Kaeˉsaˍriˆ vengˍ veu hkeu lae beu, ang suingˉ huiˍ mangˍ na ang laiˍ piˍ yao, Pawˉluˆ na muiˉ yang kawngˉ suiˍ luingˉ yao chiˉ jiˉ.

Naiˍ htangˍ 25:1

Ang suingˉ Hpeˍtuˆ nawˍ, ang meungˉ hingˉ hkaoˉ veu hkeu lui yao, sumˍ nuing hkeu beu, yang Kaeˉsaˍriˆ vengˍ veu htaˍ laeˍ yao Yeˍruˆsaˍlaemˍ vengˍ veu aeˉ jiˉ.

Naiˍ htangˍ 25:13

Kaˉ nawngˍ veu baˍ mangˍ nae, ang suingˉ Aˍgiˉpaˆ nae yang hkaˍ ba Baˍraˍniˆ nawˍ, ang suingˉ Hpeˍtuˆ na hap yuˉ naeˉ nae Kaeˉsaˍriˆ vengˍ veu hkeu lui jiˉ.

Naiˍ htangˍ 25:4

Ang suingˉ Hpeˍtuˆ mangˉ ha biˍ jiˍ. Pawˉluˆ na Kaeˉsaˍriˆ vengˍ veu lawngˉ yao chiˉ byaˇ. Baˍ mangˍ nae ga ang to hingˉ keung veu aeˉ laeˍ naeˍ yaˇ.

Naiˍ htangˍ 25:6

Hpeˍtuˆ yawng kawngˉ nyiˍ nuing laˉ mae ca yao hingˉ nawngˍ veu, yang Kaeˉsaˍriˆ vengˍ veu lae laeˍ naeˍ yaˇ. Kaˉ nawngˍ veu hingˉ nuing yang aˉ muˍ tatˆ kyaˉ paˍ langˍ veu duingˉ yao, Pawˉluˆ na suiˍ luingˉ voˍ nae yang ang tangˍ piˍ jiˍ.

Naiˍ htangˍ 8:25

Haeˉ mae yao, Peˍtruˆ nae Yoˉhanˍ yawng ngaˍ sak seˍ hkamˉ yao, Ang suingˉ Hpaˍcaoˍ beu ang tangˍ maˍ peunˍ naeˉ nawngˍ veu, Yeˍruˆsaˍlaemˍ vengˍ veu aeˉ laeˍ jiˍ. Aeˉ laeˍ beu, Saˍmaˍriˆ hkawngˍ lai hkawngˍ hkaoˍ veu mawnˍ pyawˉ naeˉ uiˉ ang buinˉ tangˍ maˍ biˍ jiˍ.

Naiˍ htangˍ 9:30

Hingˉ awˍ lawng na yumˉ naeˉ saˉ naeˉ uiˉ changˉ yaˍ kyaˍ beu, yang na Kaeˉsaˍriˆ vengˍ veu suiˍ aengˉ yao Taˍsuˆ vengˍ veu hkeu yang na piˉ aeˉ laeˍ jiˍ.