Naiˍ htangˍ 8:12 - Pyen

¹² Hta yao muiˉ, Hpaˍcaoˍ beu ang meungˉ hingˉ ngaˍ Yeˍsuˆ Hkritˆ beu ang maengˉ na chaˍ lang naeˉ mawnˍ pyawˉ naeˉ uiˉ ang buinˉ tangˍ awˍ lawng Hpiˆliˆpuˆ maˍ naeˍ na yawng yumˉ nga langˉ yao, kaˍ hpaˍ yaˍ hkaˍ ba yaˍ baˆtiˆsamˍ hkamˉ yuˉ jiˉ.

Naiˍ htangˍ 8:12 ပူးပေါင်းရင်းမြစ်များ

Naiˍ htangˍ 1:3

Yang hkamˉ siˉ jiˉ nawngˍ ngeu, hanˍ cheˍ nuing hkaoˉ veu, ta peˍ uiˍ na yang ang to hingˉ piˉ myangˉ yao, Hpaˍcaoˍ beu ang meungˉ lawng hingˉ upˍ yao maˍ biˍ jiˍ. Yang a sak teˍ yaˍ yao caˉ suing ngaeˉ lawng na yumˉ naeˉ uiˉ saˍ laiˍ sak seˍ ang byaˍ ceuˍ ha yao piˉ myangˉ jiˉ.

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 18:8

Kaˍliˉpuˆ nae maengˉ jiˉ ang buinˉ paˉ kyaˉ cawngˉ veu awn hoˉ htiˍ huˍ mangˉ beu, yumˉ changˉ hkaˉ hko laˉ hko uiˉ aˍ, Ang suingˉ Yeˍsuˆ na yumˉ saˉ laˉ jiˉ. Kawˉrenˍhtuˆ changˉ ang byaˍ Pawˉluˆ maˍ naeˍ na ya kyaˍ yao yumˉ naeˉ hkaoˉ veu baˆtiˆsamˍ hkamˉ yuˉ jiˉ.

Naiˍ htangˍ 19:5

Ang tangˍ ningˍ na yawng ya kyaˍ beu, Ang suingˉ Yeˍsuˆ beu ang maengˉ hkaoˉ veu baˆtiˆsamˍ hkamˉ yuˉ laeˍ jiˉ.

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 2:41

Ang buinˉ tangˍ hingˍ na nuing ba suiˍ hkaoˍ veu hkamˉ yuˉ jiˉ uiˉ aˍ baˆtiˆsamˍ hkamˉ yuˉ yao hingˉ nuing veu sumˍ hingˍ hu laˉ mawk changˉ uiˉ byaˍ laˉ jiˉ.

Naiˍ htangˍ 20:21

Hpaˍcaoˍ tawngˍ na veu naˍ hokˍ na kuitˆ puiˉ laeˍ na baˍ upˍ, gu beu Yeˍsuˆ Hkritˆ na yumˉ naeˉ na baˍ upˍ, Yuˉdaˆ changˉ nae Changˉ ceuˉ htiˍ baˍ uiˍ na ga saˉ hkiˉ hkamˉ peunˉ jiˉ awˍ lawng na muiˉ nawng bae byaˇ.

Naiˍ htangˍ 20:25

Hpaˍcaoˍ beu ang meungˉ lawng hingˉ ga aeˉ yao maˍ bae laˍ byaˇ. Nawng ya kyaˍ jiˉ changˉ hkaˉ hko laˉ hko uiˉ aˍ, kaˉ nawngˍ veu htiˍ cangˍ nae muiˉ ga beu mae kaˍ na baˍ ya myangˉ laˇ nae ga ang bae yaˇ.

Naiˍ htangˍ 28:31

Yang nuing ba hatˆ naeˉ hkaoˉ veu Hpaˍcaoˍ beu ang meungˉ awˍ lawng ang buinˉ maˍ yao, Ang suingˉ Yeˍsuˆ Hkritˆ beu awˍ lawng maˍ biˍ beu, aˍ sangˍ nae muiˉ yang na baˍ haenˍ bi.

Naiˍ htangˍ 5:14

Ang suingˉ Hpaˍcaoˍ na Yumˉ naeˉ saˉ naeˉ uiˉ changˉ kaˍ hpaˍ yaˍ hkaˍ ba yaˍ uiˍ muiˉ, changˉ ang muˉ uiˉ kawngˉ awngˉ laˉ jiˉ.

Naiˍ htangˍ 8:4

Haeˉ mae yao, hpakˍ ngangˍ lang jiˉ changˉ uiˉ htiˍ tawngˍ peunˉ yao htiˍ tawngˍ aeˉ yao mawnˍ pyawˉ naeˉ uiˉ ang buinˉ tangˍ maˍ biˍ jiˍ.