Naiˍ htangˍ 8:1 - Pyen

¹ Saˍteˍhpanˍ na saeˍ naeˍ ningˉ na, Sawˉluˆ muiˉ nuing ba ang capˆ yaˇ. Hingˉ nuing veu tangˍ yao Yeˍruˆsaˍlaemˍ vengˍ veu ca naeˉ Hkritˆ yanˍ ang muˉ uiˉ muiˉ hkanˍ yaˍ chuiˍ yaˍ naeˍ na ya hkamˉ yao, naiˍ htangˍ htiˍ baˍ uiˍ caeˉ laˉ laeˍ yao, yawng hkaˉ hko laˉ hko hpakˍ lang yao Yuˉdaˆ ang meungˉ nae Saˍmaˍriˆ ang meungˉ uiˉ beu hpangˉ nga aengˉ jiˉ.

Naiˍ htangˍ 8:1 ပူးပေါင်းရင်းမြစ်များ

Naiˍ htangˍ 1:8

Hta yao muiˉ, Ang hkawˍ laˉ ang seungˍ sangˉ mangˉ nawng htaˍ veu hkeu lui nae ca beu, nawng laˍ htiˍ tanˉ hkoˇ na ya naeˉ yaˇ. Haeˉ mae beu, Yeˍruˆsaˍlaemˍ vengˍ veu tangˍ yao Yuˉdaˆ ang meungˉ, Saˍmaˍriˆ ang meungˉ nae nuingˉ chaˍ htaˍ ningˉ keung cawtˍ ga beu awˍ lawng ningˉ sak seˍ hkamˉ naeˉ uiˉ changˉ ya hpeuˍ naeˍ yaˇ nae Yeˍsuˆ yawng na ha biˍ jiˍ.

Naiˍ htangˍ 13:1

Anˍtiˉokˆ Hkritˆ yanˍ ang muˉ hkaoˉ veu, pa rawˉ hpaet nae maˍ naeˍ uiˉ changˉ uiˉ ca jiˉ. Changˉ hingˉ uiˉ aˍ Baˍnaˍbaˆ, Niˇgaˍ nae maengˉ jiˉ Siˉmunˍ, Kuˆreˍneˍ ang meungˉ changˉ Luˆkiˆ, ang suingˉ Heˍrot Anˍtiˆpaˆ beu ang changˍ Maˍneˍ nae Sawˉluˆ yawng yaˇ.

Naiˍ htangˍ 13:36

Daˍvet nawˍ yang htiˍ coe hkaoˉ veu, Hpaˍcaoˍ a loˍ capˆ naeˉ laˉ mae ha peunˉ saˍ yao siˉ jiˉ. Yang puˉ htiˍ baˍ uiˍ kawngˉ hao yang na chiˉ pawˉ yao, yang puˍ keungˉ nga aengˉ jiˉ.

Naiˍ htangˍ 2:47

Yawng Hpaˍcaoˍ na chiˍ mawng yao changˉ uiˉ hkaˉ hko laˉ hko yawng na nuing ba capˆ jiˉ. Cu nuing Hpaˍcaoˍ maˇ htaiˍ awkˍ jiˍ na ya jiˉ changˉ uiˉ muiˉ yawng ang muˉ hkaoˉ veu piˉ byaˍ laˉ jiˉ.

Naiˍ htangˍ 22:20

Nang beu saˉ hkiˉ hkamˉ naeˉ mangˉ Saˍteˍhpanˍ beu siˍ hingˍ na ha hkaˉ beu, gaˇ ang htang veu cung nga yao yawng vaˍ naeˍ na ga nuing ba capˆ yaeˉ yaˇ. Yang na saeˍ naeˍ uiˉ beu ang kaˍ ang tum na muiˉ ga hawˍ yao ca yaeˉ yaˇ nae ciˍ laeˍ sangˍ jiˍ.

Naiˍ htangˍ 26:10

Yeˍruˆsaˍlaemˍ vengˍ hkaoˍ veu ga haeˉ mae ang ha myang yaˇ. Yit pa rawˉ hek ang huiˍ uiˍ kawngˉ a hkvangˍ ya yao, Hkritˆ yanˍ changˍ ang byaˍ hu na htawngˉ hkaoˉ veu lawngˉ myang ngaeˉ. Hao yawng na saeˍ beu, ga nuing ba buiˍ yao laˍ puˍ ang chiˍ laeˍ myang yaˇ.

Naiˍ htangˍ 5:18

naiˍ htangˍ uiˍ na hpui yao htawngˉ hkaoˉ veu lawngˉ nga jiˉ.

Naiˍ htangˍ 5:20

Nawng aeˉ yao, ang buinˉ paˉ kyaˉ cawngˉ ang huiˍ veu cung yao ang hkawˍ laˉ a sak ang suiˍ teˍ yaˍ naeˍ ningˉ awˍ lawng na chaˍ lang naeˉ uiˉ tangˍ changˉ uiˉ na maˍ bu nae ha biˍ jiˍ.

Naiˍ htangˍ 5:33

Ciˍ tangˍ hingˍ na yawng ya kyaˍ beu nuing ba yinˍ yao, naiˍ htangˍ uiˍ na saeˍ siˍ nae hpeuˍ laˉ biˍ jiˍ.

Naiˍ htangˍ 5:40

Yang ciˍ naeˍ hingˉ na yawng naˉ yao naiˍ htangˍ uiˍ na haoˉ nga aengˉ laeˍ jiˍ. Yawng na tuiˍ peunˍ yao, Yeˍsuˆ beu ang maengˉ na cuˉ yao hao na baˍ ya pawngˉ yaˍ hkiˍ naeˍ uiˉ saˍ laiˍ yawng na ciˍ tangˍ piˍ yao poiˉ nga laeˍ jiˍ.

Naiˍ htangˍ 7:38

Moˉseˍ niˍ maˇ, Siˉnaˆ miˉ kuingˍ veu yang na hkaˍ muˍ hkai biˍ jiˍ buingˍ htaˍ naiˍ htangˍ na baˍ upˍ, gu beu ang puˉ uiˉ kawngˉ na baˍ up, changˍ kawngˍ veu ca naeˉ ang muˉ uiˉ kawngˉ changˉ htiˍ hu hpeuˍ jiˍ yaˇ. Gu na piˍ laˍ naeˍ uiˉ saˍ laiˍ, yaˇ teˍ yaˍ yao ca naeˉ uiˉ ciˍ tangˍ hingˍ na hap yuˉ jiˉ yaˇ.

Naiˍ htangˍ 7:54

Ciˍ tangˍ ningˍ uiˉ changˉ ang byaˍ uiˍ ya kyaˍ beu, yawng yang na nuing ba inˍ chuiˍ chuiˉ yao, chaˍ hpaeˍ chaeˍ yinˍ nae ha laeˍ jiˍ.

Naiˍ htangˍ 7:58

Peunˉ na yao, vengˍ ang ngiˉ veu yang na seu taw aengˉ yao, law ba yatˍ paek lang jiˉ. Sak seˍ hkamˉ naeˉ uiˉ yawng muiˉ, hkaˍ tawng beu hkaˍ lao hingˉ hae laeˍ yao Sawˉluˆ nae maengˉ jiˉ yaˍ hkaˍ mangˍ laˍ hkuiˍ htang veu chiˉ chawnˉ lae jiˉ.

Naiˍ htangˍ 8:14

Saˍmaˍriˆ changˉ uiˉ Hpaˍcaoˍ beu ciˍ tangˍ na hap yuˉ naeˉ awˍ lawng Yeˍruˆsaˍlaemˍ vengˍ hkaoˍ veu ca naeˉ naiˍ htangˍ uiˍ ya kyaˍ yao, yawng Peˍtruˆ nae Yoˉhanˍ na hingˉ keung veu piˉ lae jiˉ.

Naiˍ htangˍ 8:2

Hpaˍcaoˍ na saˍ nyamˉ naeˉ uiˉ changˉ uiˉ aˍ, Saˍteˍhpanˍ na hyang nga lae yao, yang pa nae ungˉ haoˉ jiˉ.

Naiˍ htangˍ 8:4

Haeˉ mae yao, hpakˍ ngangˍ lang jiˉ changˉ uiˉ htiˍ tawngˍ peunˉ yao htiˍ tawngˍ aeˉ yao mawnˍ pyawˉ naeˉ uiˉ ang buinˉ tangˍ maˍ biˍ jiˍ.

Naiˍ htangˍ 8:5

Hpiˆliˆpuˆ muiˉ, Saˍmaˍriˆ vengˍ veu aeˉ yao yawng na Hkrit awˍ lawng maˍ biˍ jiˍ.

Naiˍ htangˍ 9:31

Haeˉ mae beu, Yuˉdaˆ ang meungˉ, Gaˍliˉlaeˉ ang meungˉ nae Saˍmaˍriˆ ang meungˉ ku ti ti veu Hkritˆ yanˍ ang muˉ uiˉ, ca buiˍ duingˉ buiˍ nae ca yao, huiˍ mawng laˉ jiˉ. Ang suingˉ Hpaˍcaoˍ na hkae naeˉ hkaoˉ veu na baˍ upˍ, Ang hkawˍ laˉ ang seungˍ sangˉ yawng na kaˍ piˍ htaengˍ nae aeˉ laˉ yao hpae laˉ geuˉ laˉ jiˉ.