Naiˍ htangˍ 7:55 - Pyen

⁵⁵ Haeˉ mae beu, Saˍteˍhpanˍ nawˍ Ang hkawˍ laˉ ang seungˍ sangˉ htiˍ puing ang ca yaˇ. Buingˍ htaˍ veu hu laeˍ beu, Hpaˍcaoˍ beu mun hpungˉ na muiˉ, Hpaˍcaoˍ beu laˍ maˍ kaˍ seu Yeˍsuˆ cung naeˉ na muiˉ, ya myangˉ yao ciˍ jiˍ,

Naiˍ htangˍ 7:55 ပူးပေါင်းရင်းမြစ်များ

Naiˍ htangˍ 2:4

Changˉ hkaˉ hko laˉ hko uiˉ hkaoˉ veu Ang hkawˍ laˉ ang seungˍ sangˉ puing laˉ yao, Ang hkawˍ laˉ maˇ yawng na piˉ ciˍ piˉ htamˉ jiˉ laˉ mae hao changˉ ceuˉ uiˉ beu ciˍ tangˍ uiˍ ciˍ jiˍ.

Naiˍ htangˍ 4:8

Haeˉ mae beu, Peˍtruˆ nawˍ Ang hkawˍ laˉ ang seungˍ sangˉ yang kawngˉ htiˍ puing nae ca yao ha biˍ jiˍ yang, Iˉsaˍreˍlaˆ beu ang suingˉ nae awn hoˉ yaˍ mangˍ htiˍ baˍ yawng veuˉ,

Naiˍ htangˍ 6:10

Hta yao muiˉ Saˍteˍhpanˍ nawˍ Ang hkawˍ laˉ piˍ jiˍ bae naeˉ uiˉ pingˍ nyaˍ nae ciˍ yao, yawng ngaˍ yang na baˍ hteng kaˍ yaˍ taw.

Naiˍ htangˍ 6:3

Hingˉ pa nae, yaˍ changˍ mawngˉ namˉ yawng veuˉ, nawng hkaoˉ veu ang maengˉ maenˍ naeˍ Ang hkawˍ laˉ kanˉ muiˉ, pingˍ nyaˍ muiˍ htiˍ puing nae ca naeˉ changˉ cetˍ hu na nawng cheˉ yuˉ voˍ. Yawng na kanˉ ningˉ htiˍ ceuˍ gu piˉ vaˍ naeˍ nae ha biˍ jiˍ.

Naiˍ htangˍ 6:5

Yawng ciˍ nae na changˉ ang muˉ uiˉ hkaˉ hko laˉ hko nuing ba capˆ yao changˉ hingˉ uiˉ na cheˉ yuˉ jiˉ. Yumˉ naeˉ uiˉ nae Ang hkawˍ laˉ ang seungˍ sangˉ htiˍ puing nae ca naeˉ Saˍteˍhpanˍ htiˍ hu nae, Hpiˆliˆpuˆ, Pawˉhkawˍ, Niˆkaˍnawˍ, Tiˉmonˍ, Paˍmeˍnaˆ nae Yuˉdaˆ ang liˍ yuˉ naeˉ Anˍtiˉokˆ vengˍ changˍ Niˆkawˆlaˆ yawng na cheˉ yuˉ jiˉ.

Naiˍ htangˍ 6:8

Saˍteˍhpanˍ nawˍ, ang buinˉ htiˍ puing nae tanˉ hkoˉ htiˍ puing ca yao, changˉ yaˍ uiˍ mae nuing suiˍ huˍ veu naˍ mek laek hkaˍ naˍ uiˍ nae manˍ kyaˍ uiˍ na ha jiˉ.