Naiˍ htangˍ 7:35 - Pyen

³⁵ Moˉseˍ hiˍ mangˉ na yawng paek nga saˍ yao ciˍ jiˍ yang, Ang suingˉ nawˍ aˉ muˍ tatˆ naeˉ uiˉ hpeuˍ vo nae aˍ sangˍ nang na pukˆ langˍ ngaeˇ. Caˇ, yaˇ upˆ peungˍ naeˍ mangˉ nae htaiˍ awkˍ naeˍ mangˉ hpeuˍ laˉ naeˉ nae, chiˍ kuˍ ang mup ang hkaoˉ veu yang ya myangˉ jiˉ buingˍ htaˍ naiˍ htangˍ na Hpaˍcaoˍ cuˉ yao, Moˉseˍ na piˉ aeˉ jiˉ.

Naiˍ htangˍ 7:35 ပူးပေါင်းရင်းမြစ်များ

Naiˍ htangˍ 2:36

Hingˉ pa nae Iˉsaˍreˍlaˆ changˉ hkaˉ hko laˉ hko ningˉ na maenˍ nae bae voˍ. Nawng laˍ kang htaˍ veu htaˍ siˍ jiˉ Yeˍsuˆ ningˉ mangˉ na Hpaˍcaoˍ nawˍ Ang suingˉ piˉ hpeuˍ laˉ jiˉ. Yaˇ Hpaˍcaoˍ sa luiˍ naeˍ nae satˉ caˉ chiˉ jiˉ Hkrit mangˍ yaˇ nae Peˍtruˆ ciˍ jiˍ.

Naiˍ htangˍ 3:22

Moˉseˍ ciˍ jiˍ hingˉ ngaˍ, Nawng beu Ang suingˉ Hpaˍcaoˍ nawˍ nawng beu ang ceuˉ ang cat hkaoˉ veu ga na meunˉ lang nae uiˉ pa rawˉ hpaet htiˍ hu nawng saˍ laiˍ piˉ taw laˉ naeˉ. Yang nawng na hkaˉ hkai laˍ naeˍ uiˉ ciˍ tangˍ na nawng ya naˉ yuˉ naeˉ yaˇ.

Naiˍ htangˍ 5:31

Iˉsaˍreˍlaˆ changˉ uiˉ naˍ hokˍ na kuitˆ puiˉ laeˍ yao, naˍ hokˍ poiˉ taw naeˉ uiˉ saˍ laiˍ, Hpaˍcaoˍ nawˍ yawng na up peungˍ naeˍ mangˉ hpeuˍ yao, htaiˍ awkˍ naeˍ mangˉ hpeuˍ biˍ naeˍ, yang beu laˍ maˍ kaˍ seu yang na chiˍ ta laeˍ saˍ biˍ byaˇ.

Naiˍ htangˍ 7:30

Hanˍ cheˍ pi punˍ na langˉ yao, Siˉnaˆ miˉ kuingˍ htang changˍ kawngˍ veu chiˍ kuˍ mup miˍ htawˍ caw yao ca beu, miˍ htawˍ uitˍ naeˍ hingˉ hkaoˉ veu buingˍ htaˍ naiˍ htangˍ htiˍ hu na yang ya myangˉ jiˉ.

Naiˍ htangˍ 7:51

Nawng ngaˍ ang tuˍ ang kaenˍ maˍ manˉ jiˉ. Nawng nuing ba suiˍ hingˍ nga, Ang suingˉ Hpaˍcaoˍ beu ang tangˍ na kyaˍ naeˍ uiˉ saˍ laiˍ, laˍ pangˍ pangˍ ngaˍ jaˇ. Nawng ngaˍ aˉ luˍ beun muiˉ Ang hkawˍ laˉ ang seungˍ sangˉ na haenˉ tap naeˉ. Nawng beu ang puˉ uiˉ ha saˍ jiˍ laˍ mae, nawng ngaˍ ha yao ca ngaeˉ jaˇ.