Naiˍ htangˍ 6:9 - Pyen

⁹ Haeˉ mae beu, changˉ htiˍ baˍ uiˍ hta laˉ yao Saˍteˍhpanˍ na hteng lang ga jiˉ. Yawng ngaˍ caeˉ naeˉ uiˉ changˉ nae ha naeˉ Yuˉdaˆ changˉ ceuˉ hpawm lang kyaˉ na chaˍ lang naeˉ changˉ uiˉ aˍ, Kuˆreˍneˍ changˍ, Aˍleˍsaˍdraˉ changˉ, Kiˉliˉkiˆ changˉ nae Aˍsiˆ meungˉ changˉ uiˉ yaˇ.

Naiˍ htangˍ 6:9 ပူးပေါင်းရင်းမြစ်များ

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 13:1

Anˍtiˉokˆ Hkritˆ yanˍ ang muˉ hkaoˉ veu, pa rawˉ hpaet nae maˍ naeˍ uiˉ changˉ uiˉ ca jiˉ. Changˉ hingˉ uiˉ aˍ Baˍnaˍbaˆ, Niˇgaˍ nae maengˉ jiˉ Siˉmunˍ, Kuˆreˍneˍ ang meungˉ changˉ Luˆkiˆ, ang suingˉ Heˍrot Anˍtiˆpaˆ beu ang changˍ Maˍneˍ nae Sawˉluˆ yawng yaˇ.

Naiˍ htangˍ 13:45

Caˇ, Yuˉdaˆ changˉ uiˉ aˍ, changˉ ang muˉ uiˉ na myangˉ nga beu, hkoiˉ naeˉ uiˉ nuing ba htiˍ puing ca jiˉ. Pawˉluˆ ciˍ jiˍ hingˉ na yawng buingˉ haoˉ yao, yang na baˍ saˍ baˍ nyamˍ maˍ manˉ nae ciˍ jiˍ.

Naiˍ htangˍ 15:23

Yaˉ yetˍ hanˉ nangˉ laeˍ jiˍ ang laiˍ hingˍ hkaoˉ veu ningˉ mae taemˉ jiˉ. Naiˍ htangˍ uiˍ hkaoˉ veu awn hoˉ ang kaeˍ htiˍ baˍ uiˍ nae, Anˍtiˉokˆ vengˍ, Suˉriˆ ang meungˉ nae Kiˉliˉkiˆ ang meungˉ veu duingˉ naeˉ Changˉ ceuˉ htiˍ baˍ uiˍ hkaoˉ veu yumˉ naeˉ saˉ naeˉ uiˉ changˉ htiˍ baˍ uiˍ na hak naeˉ uiˉ ang tangˍ sangˍ yao fakˍ laˍ laiˍ.

Naiˍ htangˍ 15:41

Pawˉluˆ nawˍ Suˉriˆ ang meungˉ nae Kiˉliˉkiˆ ang meungˉ hingˉ na hpaiˍ nga laengˉ yao, Hkritˆ yanˍ ang muˉ htiˍ baˍ uiˍ yiˍ naenˉ hkiˍ naeˍ uiˉ saˍ laiˍ kaˍ piˍ htaengˍ jiˍ.

Naiˍ htangˍ 16:6

Aˍsiˆ ang meungˉ hkaoˉ veu, ang buinˉ tangˍ baˍ ya maˍ naeˍ uiˉ saˍ laiˍ, ang hkawˍ laˉ ang seungˍ sangˉ yang na haenˉ tap yao, yawng Hpuˍgiˆ ang meungˉ nae Gaˍlaˍtiˆ ang meungˉ veu hpaiˍ yao lae jiˉ.

Naiˍ htangˍ 18:24

Haeˉ mae beu, Aˍleˍsaˍduˆ vengˍ changˍ Aˍpawˉluˆ nae maengˉ jiˉ Yuˉdaˆ changˉ htiˍ huˍ Eˉfeˉsuˆ vengˍ veu hkeu lui jiˉ. Yaˇ hkaˍ muˍ muiˍ ang hkai hkiˍ nae, Camˉ lik na ang bae maˍ maˉ uiˉ changˉ htiˍ hu yaˇ.

Naiˍ htangˍ 19:10

Yang nyiˍ nuing pi veu hkeu ningˉ mae ha yao, Aˍsiˆ ang meungˉ hkaoˉ veu hkaˉ ca naeˉ uiˉ changˉ hkaˉ hko laˉ hko, Yuˉdaˆ changˉ na baˍ upˍ, Changˉ ceuˉ htiˍ baˍ uiˍ na baˍ upˍ, Ang suingˉ Yeˍsuˆ beu ang tangˍ hingˍ na ya kyaˍ jiˍ.

Naiˍ htangˍ 19:26

Pawˉluˆ niˇ maˇ, changˉ yaˍ uiˍ laˍ puˍ nae hkaˉ taeng jiˉ uiˉ hpaˍcaoˍ htiˍ baˍ uiˍ na hpaˍcaoˍ baˍ aˍ nae ciˍ naeˍ. Caˇ, ningˉ mae ciˍ naeˍ ningˉ ngaˍ Eˉfeˉsuˆ vengˍ hkaoˍ veu naeˍ baˍ aˍ, Aˍsiˆ ang meungˉ naiˍ hkaoˍ veu changˉ ang byaˍ uiˍ na yang tiˍ kaeˍ kaeˍ biˍ yao, nuing ba hpak laˉ naeˉ uiˉ yang ha naeˉ na nawng ya kyaˍ ya myangˉ nga byaˇ.

Naiˍ htangˍ 21:27

Cetˍ nuing hingˉ saˉ puing laˉ beu, Aˍsiˆ ang meungˉ veu laˉ jiˉ Yuˉdaˆ changˉ htiˍ baˍ uiˉ aˍ, Pawˉluˆ na ang buinˉ paˉ kyaˉ cawngˉ ang huiˍ hkaoˍ veu ya myangˉ yao, changˉ ang muˉ uiˉ na htuing lae biˍ jiˍ. Haeˉ mae beu, yawng Pawˉluˆ na hpui peunˉ yao haoˉ yao ciˍ jiˍ yang,

Naiˍ htangˍ 21:39

Pawˉluˆ ha laeˍ biˍ jiˍ, Gaˇ Kiˉliˉkiˆ ang meungˉ hkaoˉ veu ca naeˉ Taˍsuˆ vengˍ changˍ, Yuˉdaˆ changˉ htiˍ hu yaˇ. Vengˍ hingˉ ngaˍ, ang maengˉ baˍ huiˍ nae uiˉ vengˍ baˍ aˍ. Changˉ niˉ mawk ningˉ na hkaˍ muˍ hkai biˍ naeˍ uiˉ aˉ hkvangˍ iˉ yaˍ piˍ lao nae yang na paˉ jiˉ.

Naiˍ htangˍ 22:19

Haeˉ mae beu, ga ha laeˍ biˍ yaeˍ, Ang suingˉ veuˉ, nang na yumˉ naeˉ uiˉ changˉ uiˉ na ga htawngˉ hkaoˉ veu kan na yao, Yuˉdaˆ changˉ ceuˉ hpawm lang kyaˉ cu kyaˉ uiˉ beu, ga yawng na tuiˍ jiˍ awˍ lawng yawng ang bae yaˇ.

Naiˍ htangˍ 22:3

Gaˇ, Kiˉliˉkiˆ ang meungˉ Taˍsuˆ vengˍ hkaoˍ veu kuitˆ yaˍ lui jiˉ Yuˉdaˆ changˉ htiˍ hu yaˇ. Caˇ, Yeˍruˆsaˍlaemˍ vengˍ ningˍ hkaoˉ veu Gaˍmaˍleˍlaˆ beu laˍ hkuiˍ htang veu ga huiˍ laˉ yao, ang hpiˍ ang puˉ uiˉ beu ang liˍ ang kawngˍ na ga maenˍ nae ya henˍ yaiˍ. Miˉ nuing nawng hkaˉ hko laˉ hko Hpaˍcaoˍ saˍ laiˍ nuing ba chawˍ naeˍ lawˉ, ga muiˉ nuing ba ang chawˍ yaˇ.

Naiˍ htangˍ 23:34

Ang meungˉ veu up naeˉ maˇ, ang laiˍ hingˍ na hpatˆ peunˉ yao, Pawˉluˆ nawˍ aˉ lawˍ meungˍ hingˍ ngeu jeuˇ cha lang naeˉ nae naˉ jiˉ. Yaˇ Kiˉliˉkiˆ ang meungˉ hingˉ na chaˍ lang naeˉ na ya bae beu,

Naiˍ htangˍ 24:18

Ga ningˉ mae ha yao ca beu, ga ang maenˍ ang mang ang liˍ na vaˍ peunˍ yao, ang buinˉ paˍ kyaˉ cawngˉ ang huiˍ hkaoˍ veu yawng ga na ya myangˉ laˍ naeˍ yaˇ. Changˉ ang muˉ byaˍ ga kawngˉ ca naeˉ uiˉ muiˉ baˍ aˍ. Ga ciˍ ciˍ caeoˍ caeoˍ nae ca naeˉ uiˉ muiˉ baˍ aˍ. Caˇ, Aˍsiˆ ang meungˉ veu ca naeˉ changˉ uiˉ laˉ jiˉ.

Naiˍ htangˍ 26:11

Yuˉdaˆ changˉ ceuˉ hpawm lang kyaˉ uiˉ hkaoˉ veu ga yawng na ang byaˍ cangˍ ciˍ yangˍ yao, yawng beu Hpaˍcaoˍ na baˍ saˍ baˍ nyamˍ nae ciˍ taw luiˍ naeˍ uiˉ saˍ laiˍ ga ya caeˉ vaˍ saiˍ. Nuing ba inˍ naeˍ hkaoˉ veu, hao meungˉ hao manˉ uiˉ beu vengˍ veu tiˍ hkeu ga yawng na hkanˍ yaˍ chuiˍ yaˍ yaeˍ.

Naiˍ htangˍ 6:10

Hta yao muiˉ Saˍteˍhpanˍ nawˍ Ang hkawˍ laˉ piˍ jiˍ bae naeˉ uiˉ pingˍ nyaˍ nae ciˍ yao, yawng ngaˍ yang na baˍ hteng kaˍ yaˍ taw.