Naiˍ htangˍ 6:5 - Pyen

⁵ Yawng ciˍ nae na changˉ ang muˉ uiˉ hkaˉ hko laˉ hko nuing ba capˆ yao changˉ hingˉ uiˉ na cheˉ yuˉ jiˉ. Yumˉ naeˉ uiˉ nae Ang hkawˍ laˉ ang seungˍ sangˉ htiˍ puing nae ca naeˉ Saˍteˍhpanˍ htiˍ hu nae, Hpiˆliˆpuˆ, Pawˉhkawˍ, Niˆkaˍnawˍ, Tiˉmonˍ, Paˍmeˍnaˆ nae Yuˉdaˆ ang liˍ yuˉ naeˉ Anˍtiˉokˆ vengˍ changˍ Niˆkawˆlaˆ yawng na cheˉ yuˉ jiˉ.

Naiˍ htangˍ 6:5 ပူးပေါင်းရင်းမြစ်များ

Naiˍ htangˍ 11:19

Haeˉ mae beu, Saˍteˍhpanˍ na tangˍ yao hkanˍ yaˍ chuiˍ yaˍ jiˍ na ya hkamˉ jiˉ pa, Yeˍruˆsaˍlaemˍ vengˍ hkaoˍ veu ca naeˉ yumˉ naeˉ saˉ naeˉ uiˉ changˉ ang byaˍ hpakˍ lang yao, Hpiˆniˆ ang meungˉ, Kuˇpaˉruˆ cunˉ nae Anˍtiˉokˆ vengˍ veu tiˍ hkeu aeˉ yao, Yuˉdaˆ changˉ uiˉ na yawng ang buinˉ tangˍ maˍ biˍ jiˍ.

Naiˍ htangˍ 11:20

Caˇ, yawng htiˍ baˍ baˍ nawˍ, Anˍtiˉokˆ vengˍ veu hkeu lui beu, Heˍlaˍsaˆ tangˍ ciˍ naeˍ Yuˉdaˆ changˉ uiˉ na muiˉ, Ang suingˉ Yeˍsuˆ awˍ lawng mawnˍ pyawˉ naeˉ uiˉ ang buinˉ tangˍ maˍ biˍ jiˍ. Haeˉ mae maˍ biˍ jiˍ uiˉ changˉ uiˍ aˍ, Kuˇpaˉruˆ cunˉ changˉ nae Kuˆreˍneˍ ang meungˉ changˉ uiˉ yaˇ.

Naiˍ htangˍ 11:22

Ningˉ awˍ lawng ningˉ na Yeˍruˆsaˍlaemˍ vengˍ hkaoˍ veu ca naeˉ Hkritˆ yanˍ ang muˉ uiˉ ya kyaˍ beu, Baˍnaˍbaˆ na Anˍtiˉokˆ vengˍ veu piˉ aeˉ jiˉ.

Naiˍ htangˍ 11:24

Aˉ mae yao nae baoˉ vaˍ, Baˍnaˍbaˆ nawˍ changˉ ang maenˍ hpeuˍ yao Ang hkawˍ laˉ ang seungˍ sangˉ na baˍ upˍ, yumˉ naeˉ uiˉ na baˍ upˍ htiˍ puing ca naeˉ changˉ uiˉ yaˇ. Haeˉ mae beu, changˉ ang byaˍ Yeˍsuˆ na yumˉ saˉ laˉ laeˍ jiˍ.

Naiˍ htangˍ 11:26

Yang na ya myangˉ beu, Anˍtiˉokˆ vengˍ veu suiˍ langˉ jiˉ. Yaˇ yetˍ aˍ htiˍ nuing pi lumˉ lumˉ Hkritˆ yanˍ ang muˉ kawngˉ hpawm lang yao, changˉ ang muˉ uiˉ na maˍ biˍ jiˍ. Taˍ peˍ htiˍ baˍ uiˍ na Hkritˆ yanˍ nae haoˉ naeˉ uiˉ ang maengˉ na, Anˍtiˉokˆ vengˍ veu maengˉ taw laˉ jiˉ.

Naiˍ htangˍ 11:27

Ang nyamˍ hingˍ uiˉ hkaoˉ veu, Hpaˍcaoˍ beu pa rawˉ hpaet htiˍ baˍ uiˍ Yeˍruˆsaˍlaemˍ vengˍ nae Anˍtiˉokˆ vengˍ veu laˉ jiˉ.

Naiˍ htangˍ 13:1

Anˍtiˉokˆ Hkritˆ yanˍ ang muˉ hkaoˉ veu, pa rawˉ hpaet nae maˍ naeˍ uiˉ changˉ uiˉ ca jiˉ. Changˉ hingˉ uiˉ aˍ Baˍnaˍbaˆ, Niˇgaˍ nae maengˉ jiˉ Siˉmunˍ, Kuˆreˍneˍ ang meungˉ changˉ Luˆkiˆ, ang suingˉ Heˍrot Anˍtiˆpaˆ beu ang changˍ Maˍneˍ nae Sawˉluˆ yawng yaˇ.

Naiˍ htangˍ 15:22

Haeˉ mae beu, naiˍ htangˍ uiˍ muiˉ, awn hoˉ yaˍ mangˍ htiˍ baˍ uiˍ, Hkritˆ yanˍ ang muˉ hkaoˉ veu ca naeˉ changˉ uiˉ, yawng hkaoˉ veu changˉ na cheˉ yuˉ yao, Pawˉluˆ nae Baˍnaˍbaˆ yaˉ yetˍ kawngˉ Anˍtiˉokˆ vengˍ veu piˉ lae naeˉ nae, naiˍ htangˍ htiˍ baˍ uiˍ nae awn hoˉ yaˍ mangˍ uiˍ, Hkritˆ yanˍ ang muˉ kawngˉ htuˍ yaˍ laˉ mae nuing ba capˆ jiˉ. Yaˍ changˍ mawngˉ namˉ uiˉ hkaoˉ veu awnˍ hoˉ hpeuˍ naeˍ Baˍsaˍbaˆ nae maengˉ jiˉ Yuˉdaˆ nae Siˍlaˆ na piˉ aeˉ jiˉ.

Naiˍ htangˍ 2:4

Changˉ hkaˉ hko laˉ hko uiˉ hkaoˉ veu Ang hkawˍ laˉ ang seungˍ sangˉ puing laˉ yao, Ang hkawˍ laˉ maˇ yawng na piˉ ciˍ piˉ htamˉ jiˉ laˉ mae hao changˉ ceuˉ uiˉ beu ciˍ tangˍ uiˍ ciˍ jiˍ.

Naiˍ htangˍ 21:8

Nawngˍ cangˍ nuing hingˉ ngang beu gu awkˍ taw aengˉ laeˍ yao, Kaeˉsaˍriˆ vengˍ veu hkeu aeˉ yaeˉ. Cetˍ hu hingˉ hkaoˉ veu Hpiˆliˆpuˆ nae maengˉ jiˉ mawnˍ pyawˉ naeˉ uiˉ ang buinˉ tangˍ maˍ biˍ naeˍ mangˉ htiˍ hu mangˉ yumˉ veu gu awngˉ lae yao, yang kawngˉ ca yaeˉ.

Naiˍ htangˍ 22:20

Nang beu saˉ hkiˉ hkamˉ naeˉ mangˉ Saˍteˍhpanˍ beu siˍ hingˍ na ha hkaˉ beu, gaˇ ang htang veu cung nga yao yawng vaˍ naeˍ na ga nuing ba capˆ yaeˉ yaˇ. Yang na saeˍ naeˍ uiˉ beu ang kaˍ ang tum na muiˉ ga hawˍ yao ca yaeˉ yaˇ nae ciˍ laeˍ sangˍ jiˍ.

Naiˍ htangˍ 6:10

Hta yao muiˉ Saˍteˍhpanˍ nawˍ Ang hkawˍ laˉ piˍ jiˍ bae naeˉ uiˉ pingˍ nyaˍ nae ciˍ yao, yawng ngaˍ yang na baˍ hteng kaˍ yaˍ taw.

Naiˍ htangˍ 6:3

Hingˉ pa nae, yaˍ changˍ mawngˉ namˉ yawng veuˉ, nawng hkaoˉ veu ang maengˉ maenˍ naeˍ Ang hkawˍ laˉ kanˉ muiˉ, pingˍ nyaˍ muiˍ htiˍ puing nae ca naeˉ changˉ cetˍ hu na nawng cheˉ yuˉ voˍ. Yawng na kanˉ ningˉ htiˍ ceuˍ gu piˉ vaˍ naeˍ nae ha biˍ jiˍ.

Naiˍ htangˍ 6:8

Saˍteˍhpanˍ nawˍ, ang buinˉ htiˍ puing nae tanˉ hkoˉ htiˍ puing ca yao, changˉ yaˍ uiˍ mae nuing suiˍ huˍ veu naˍ mek laek hkaˍ naˍ uiˍ nae manˍ kyaˍ uiˍ na ha jiˉ.

Naiˍ htangˍ 7:1

Haeˉ mae beu, yit pa lawˉ hek ang kaeˍ ciˍ jiˍ, Ningˉ mae laˍ nae Saˍteˍhpanˍ na naˉ jiˉ.