Naiˍ htangˍ 5:31 - Pyen

³¹ Iˉsaˍreˍlaˆ changˉ uiˉ naˍ hokˍ na kuitˆ puiˉ laeˍ yao, naˍ hokˍ poiˉ taw naeˉ uiˉ saˍ laiˍ, Hpaˍcaoˍ nawˍ yawng na up peungˍ naeˍ mangˉ hpeuˍ yao, htaiˍ awkˍ naeˍ mangˉ hpeuˍ biˍ naeˍ, yang beu laˍ maˍ kaˍ seu yang na chiˍ ta laeˍ saˍ biˍ byaˇ.

Naiˍ htangˍ 5:31 ပူးပေါင်းရင်းမြစ်များ

Naiˍ htangˍ 11:18

Ningˉ awˍ lawng ningˉ na yawng ya kyaˍ beu, yawng htiˍ ceuˍ nae muiˉ baˍ hkai. Yawng Hpaˍcaoˍ na chiˍ mawng yao ciˍ jiˍ yang, haeˉ mae baoˉ vaˍ, Changˉ ceuˉ htiˍ baˍ uiˍ muiˉ Ang hkawˍ laˉ yaˍ teˍ yaˍ naeˍ uiˉ saˍ laiˍ, Hpaˍcaoˍ yawng beu naˍ hokˍ na kuitˆ puiˉ laeˍ naeˍ uiˉ saˍ laiˍ aˉ hkvangˍ piˍ naeˍ nae ha biˍ jiˍ.

Naiˍ htangˍ 13:23

Hpaˍcaoˍ saˉ caˉ piˍ saˍ jiˍ lawˉ, Daˍvet beu ang ceuˉ ang canˉ hkaoˉ veu Iˉsaˍreˍlaˆ changˉ uiˉ saˍ laiˍ htaiˍ awkˍ naeˍ yumˉ suingˉ mangˉ Yeˍsuˆ na yang taw laˉ biˍ jiˍ.

Naiˍ htangˍ 2:33

Haeˉ mae yao, Hpaˍcaoˍ beu tanˉ hkoˉ laˍ maˍ kaˍ seu yang na yuˉ huiˍ yuˉ mawng yao, A vangˉ ciˍ jiˍ lawˉ, Ang hkawˍ laˉ ang seungˍ sangˉ hingˉ na Yeˍsuˆ ya naeˉ yaˇ. Ya muiˉ nawng ya kyaˍ yaˍ bae jiˉ lawˉ Ang hkawˍ laˉ mangˉ hawt laˍ naeˍ yaˇ.

Naiˍ htangˍ 2:36

Hingˉ pa nae Iˉsaˍreˍlaˆ changˉ hkaˉ hko laˉ hko ningˉ na maenˍ nae bae voˍ. Nawng laˍ kang htaˍ veu htaˍ siˍ jiˉ Yeˍsuˆ ningˉ mangˉ na Hpaˍcaoˍ nawˍ Ang suingˉ piˉ hpeuˍ laˉ jiˉ. Yaˇ Hpaˍcaoˍ sa luiˍ naeˍ nae satˉ caˉ chiˉ jiˉ Hkrit mangˍ yaˇ nae Peˍtruˆ ciˍ jiˍ.

Naiˍ htangˍ 2:38

Peˍtruˆ yawng na hkai biˍ jiˍ yang, Nawng beu naˍ hokˍ hingˍ na poiˉ taw naeˉ uiˉ saˍ laiˍ, changˉ uiˉ hkaˉ hko laˉ hko kuitˆ puiˉ laeˍ yao Yeˍsuˆ Hkritˆ beu ang maengˉ hkaoˉ veu baˆtiˆsamˍ hkamˉ yuˉ bao. Haeˉ mae ha baoˉ vaˍ, Ang hkawˍ laˉ ang seungˍ sangˉ beu lapˍ sawngˍ na ya naeˉ yaˇ.

Naiˍ htangˍ 3:15

A sak teˍ yaˍ naeˍ uiˉ saˍ laiˍ Ang suingˉ mangˉ na nawng ngaˍ saeˍ byaˇ. Hta yao muiˉ, Hpaˍcaoˍ nawˍ yang na siˉ yao piˉ teˍ laˍ laeˍ byaˇ nae gu aˍ sak seˍ hkamˉ naeˉ uiˉ changˉ yaˇ.

Naiˍ htangˍ 3:19

Haeˉ mae yao, Hpaˍcaoˍ nawng beu naˍ hokˍ hingˍ na poiˉ lawtˍ laˍ taw naeˉ uiˉ saˍ laiˍ, naˍ hokˍ na kuitˆ puiˉ laeˍ yao nuing ba penˉ laeˍ bao.

Naiˍ htangˍ 3:26

Nawng hkaˉ hko laˉ hko naˍ hokˍ na paek taw yao Hpaˍcaoˍ nawng na ang buinˉ piˍ laˍ seuˍ, Hpaˍcaoˍ maˇ yang beu yaˍ cenˍ na cheˉ yuˉ yao, nawng kawngˉ kaˉ huˍ veu saˍ luiˍ laˍ jiˍ nae Peˍtruˆ yawng na ha biˍ jiˍ.

Naiˍ htangˍ 4:11

Yeˍsuˆ ningˉ maˇ yumˉ kawˉ naeˉ uiˉ changˉ paek taw jiˉ law ba hpeuˍ yao muiˉ, hao htaˍ che nae a yeˇ huiˍ nae uiˉ law ba hpeuˍ laˉ naeˉ.