Naiˍ htangˍ 5:24 - Pyen

²⁴ Ang buinˉ paˉ kyaˉ cawngˉ ang huiˍ veu luk suikˆ yinˍ cangˉ mangˉ nae yit pa rawˉ hek ang huiˍ yawng muiˉ ningˉ na ya kyaˍ yao, aˉ mae hpeuˍ laˉ jeuˇ nae yawng baˍ kuitˍ awkˍ laeˍ taw.

Naiˍ htangˍ 5:24 ပူးပေါင်းရင်းမြစ်များ

Naiˍ htangˍ 2:12

Yawng hkaˉ hko laˉ hko kuitˆ manˍ hko laeˍ yao htiˍ hu nae htiˍ hu, Ba ciˉ jeuˇ hpeuˍ laˉ jiˉ nae naˉ lang jiˉ.

Naiˍ htangˍ 4:1

Peˍtruˆ nae Yoˉhanˍ yaˉ yetˍ changˉ ang byaˍ uiˍ na ang buinˉ tangˍ maˍ biˍ yao ca beu, yit pa rawˉ hek uiˉ nae ang buinˉ paˉ kyaˉ cawngˉ ang huiˍ na hawˍ naeˍ uiˉ luk suikˆ yinˍ cangˉ nae Saˍduˆkaeˉ uiˉ yaˉ yetˍ kawngˉ laˉ jiˉ.

Naiˍ htangˍ 4:21

Haeˉ mae yao, yawng ngaˍ Peˍtruˆ nae Yoˉhanˍ yaˉ yetˍ na htiˍ cangˍ haengˍ nae saˍ tiˍ piˍ laeˍ yao awkˍ taw aengˉ jiˉ. Changˉ ang byaˍ uiˍ hpeuˍ laˉ jiˉ kanˉ hingˉ veu tanˉ hkoˉ hingˉ na chiˍ mawng yao hpawm lang kyaˉ veu, changˉ ang huiˍ kaeˍ uiˍ naiˍ htangˍ uiˍ na htiˍ ceuˍ nae muiˉ baˍ hkanˍ baˍ chuiˍ yaˍ.

Naiˍ htangˍ 5:23

Htawngˉ langˉ kaw ningˉ maeˍ nae hpiˍ yao, htawngˉ veu hawˍ hu uiˉ muiˉ langˉ kaw ang nyiˉ kaˉ seu haw yao ca naeˉ na gu ya myangˉ yaeˉ yaˇ. Hta yao muiˉ, gu langˉ kaw hingˉ na hpawng nga beu ang hkaoˉ veu changˉ htiˍ hu na muiˉ baˍ myangˍ nae ha biˍ jiˍ.

Naiˍ htangˍ 5:25

Haeˉ mae beu, changˉ htiˍ hu awngˉ nga langˉ yao ciˍ jiˍ yang, Htawngˉ hkaoˉ veu nawng lawngˉ nga jiˉ changˉ uiˉ aˍ cawngˉ ang huiˍ veu cung yao, changˉ ang byaˍ uiˍ na seungˍ maˍ yao ca ngaeˉ nae yawng na ha laˉ biˍ jiˍ.

Naiˍ htangˍ 5:26

Haeˉ mae beu, Cawngˉ ang huiˍ veu luk suikˆ yinˍ cangˉ nae luk suikˆ htiˍ baˍ uiˍ aeˉ yao, naiˍ htangˍ uiˍ na haoˉ lui naeˉ nae lui jiˉ. Caˇ, changˉ ang byaˍ uiˍ yawng na law ba paek laˍ vaˍ na hkae yao, naiˍ htangˍ uiˍ na hkaˉ puiˍ hkaˍ ha nae baˍ ha.