Naiˍ htangˍ 5:21 - Pyen

²¹ Ciˍ tangˍ hingˍ na yawng ya kyaˍ yao saw hta ang daˍ beu, ang buinˉ paˉ kyaˉ cawngˉ vanˉ ang huiˍ hkaoˍ veu awngˉ lae yao maˍ biˍ jiˍ. Yit pa rawˉ hek ang kaeˍ nae yang beu ang changˍ htiˍ baˍ uiˍ lui yao, aˉ muˍ tatˆ naeˉ uiˉ ang muˉ nae Iˉsaˍreˍlaˆ changˉ uiˉ hkaoˉ veu yaˍ mangˍ yaw hka htiˍ baˍ uiˍ na haoˉ chawnˉ lang jiˉ. Haeˉ mae beu, naiˍ htangˍ uiˍ na suiˍ laˉ voˍ nae hawˍ yao ca jiˉ luk suikˆ htiˍ baˍ uiˍ na htawngˉ hkaoˉ veu piˉ aeˉ jiˉ.

Naiˍ htangˍ 5:21 ပူးပေါင်းရင်းမြစ်များ

Naiˍ htangˍ 22:15

Aˉ mae yao nae baoˉ vaˍ, nang ya myangˉ ya kyaˍ jiˍ uiˉ na, changˉ uiˉ tawngˍ naˍ veu yang saˍ laiˍ saˉ hkiˉ hkamˉ naeˉ mangˉ ya hpeuˍ naeˍ yaˇ nae ha biˍ jiˍ.

Naiˍ htangˍ 22:5

Yit pa rawˉ hek ang kaeˍ nae Yuˉdaˆ awn hoˉ uiˉ muiˉ ga saˍ laiˍ saˉ hkiˉ hkamˉ yao ang kaˍ yaˇ. Yawng kawngˉ Daˍmaˍsaetˆ vengˍ veu ca naeˉ Yuˉdaˆ changˉ uiˉ na hpui naeˉ uiˉ saˍ laiˍ ga ang laiˍ hap yuˉ byaˇ. Ang laiˍ hingˍ uiˉ aˍ, Yeˍruˆsaˍlaemˍ vengˍ veu ca naeˉ yumˉ naeˉ uiˉ changˉ na hpui yao ciˍ yangˍ biˍ yao ang kaˍ yaˇ.

Naiˍ htangˍ 5:17

Haeˉ mae beu, yit pa rawˉ hek ang kaeˍ nae yawng beu Saˍduˆkaeˉ changˉ ang muˉ hkaoˉ veu ca naeˉ uiˉ changˉ hkoiˉ naeˉ uiˉ nuing ba nae,

Naiˍ htangˍ 5:27

Yawng na suiˍ langˉ yao, aˉ muˍ tatˆ naeˉ uiˉ tawngˍ naˍ veu piˉ cung jiˉ. Haeˉ mae beu, yit pa rawˉ hek ang kaeˍ yawng na naˉ jiˉ yangˍ,

Naiˍ htangˍ 5:34

Changˉ hkaˉ hko laˉ hko saˍ nyamˉ naeˉ Gaˍmaˍleˍlaˆ nae maengˉ jiˉ Hpaˍriˆsaeˉ htiˍ hu ca jiˉ. Yaˇ ang liˍ ang kawngˍ na maˍ naeˍ uiˉ changˉ htiˍ hu yaˇ. Kanˉ sing lang naeˉ hkaoˉ veu yang hta laˉ yao naiˍ htangˍ uiˍ na tiˍ hkaoˍ suiˍ taw aengˉ voˍ nae yang ang tangˍ piˍ jiˍ.

Naiˍ htangˍ 5:41

Naiˍ htangˍ uiˍ a Ang suingˉ Yeˍsuˆ beu ang maengˉ pa nae baˍ saˍ baˍ nyamˍ nae ha laˍ yao muiˉ ang kuingˉ yaˇ nae Hpaˍcaoˍ maˍ yao chiˉ saˍ jiˉ lawˉ, kanˉ sing naeˉ ang muˉ tawngˍ naˍ veu mawnˍ mawnˍ pyawˉ pyawˉ awkˍ taw aengˉ jiˉ.