Naiˍ htangˍ 5:17 - Pyen

¹⁷ Haeˉ mae beu, yit pa rawˉ hek ang kaeˍ nae yawng beu Saˍduˆkaeˉ changˉ ang muˉ hkaoˉ veu ca naeˉ uiˉ changˉ hkoiˉ naeˉ uiˉ nuing ba nae,

Naiˍ htangˍ 5:17 ပူးပေါင်းရင်းမြစ်များ

Naiˍ htangˍ 13:45

Caˇ, Yuˉdaˆ changˉ uiˉ aˍ, changˉ ang muˉ uiˉ na myangˉ nga beu, hkoiˉ naeˉ uiˉ nuing ba htiˍ puing ca jiˉ. Pawˉluˆ ciˍ jiˍ hingˉ na yawng buingˉ haoˉ yao, yang na baˍ saˍ baˍ nyamˍ maˍ manˉ nae ciˍ jiˍ.

Naiˍ htangˍ 15:5

Caˇ, Hpaˍriˆsaeˉ ang muˉ hkaoˉ veu Yeˍsuˆ na yumˉ naeˉ changˉ htiˍ baˍ uiˍ hta laˉ yao ciˍ jiˍ yang, Changˉ ceuˉ htiˍ baˍ uiˍ na ang hkaw haen na biˍ yao, Moˉseˍ beu ang liˍ ang kawngˍ laˍ mae ya ha naeˉ uiˉ saˍ laiˍ ang tangˍ ya piˍ naeˍ nae ha biˍ jiˍ.

Naiˍ htangˍ 17:5

Caˇ, Yuˉdaˆ changˉ htiˍ baˍ uiˍ hkoiˉ naeˉ uiˉ nuing ba ca yao, kanˉ baˍ yaˍ nae changˉ haiˉ htiˍ baˍ uiˍ na haoˉ yuˉ peunˉ yao, changˉ ang muˉ byaˍ uiˍ na piˉ hpawm nga lang biˍ yao, vengˍ hkaoˍ hingˍ keung ciˍ ciˍ caeoˍ caeoˍ nae ha jiˉ. Yawng Yaˍsonˍ nae maengˉ jiˉ yumˉ hingˉ na tangˍ yuˍ yao Pawˉluˆ nae Siˍlaˆ yaˉ yetˍ na changˉ ang byaˍ uiˍ mae kaˍ huˍ veu kuinˍ taw luiˍ naeˍ uiˉ saˍ laiˍ saˉ jiˉ.

Naiˍ htangˍ 4:26

Lawˉ kiˍ beu ang suingˉ uiˉ aˍ Hpaˍcaoˍ na hteng caeˉ naeˉ nae haenˍ hangˉ jiˉ. Ang suingˉ poiˉ luiˍ jiˍ Meˍsiˆyaˆ mangˉ na muiˉ hteng yao paek taw naeˉ nae chawnˉ hko lang byaˇ nae Daˍvet ha biˍ jiˍ.

Naiˍ htangˍ 4:6

Yit pa rawˉ hek ang kaeˍ Aˍnaˆ nae Kaˍyaˍhpaˆ, Yoˉhanˍ nae Aˍleˍsaˍduˆ, nae yit pa rawˉ hek ang kaeˍ beu ang ceuˉ ang cat uiˉ hkaˉ hko laˉ hko uiˉ muiˉ yawng kawngˉ htuˍ yaˍ laˉ mae hpawm lang ga jiˉ.

Naiˍ htangˍ 5:16

Yeˍruˆsaˍlaemˍ vengˍ htang veu ca naeˉ uiˉ vengˍ nae hkawngˍ changˍ htiˍ baˍ uiˍ muiˉ changˉ ang byaˍ laˍ chawnˉ hko jiˉ. Changˉ daˉ htiˍ baˍ uiˍ nae deˍ yaˍ ang haiˉ awngˉ ngangˉ biˍ jiˍ uiˉ na suiˍ langˉ yao yawng na taeng pyo biˍ jiˍ.

Naiˍ htangˍ 7:9

Ang puˉ hingˉ uiˉ yawng ang hpaeˉ Yoˉsaep na hkoiˉ yao, Eˉjiˆtuˆ ang meungˉ veu yang na kawngˍ yaˍ jiˉ. Caˇ, Hpaˍcaoˍ yang kawngˉ ca yao,