Naiˍ htangˍ 5:12 - Pyen

¹² Naiˍ htangˍ uiˍ muiˉ changˉ uiˉ tawngˍ naˍ veu naˍ mek laek hkaˍ naˍ nae manˍ kyaˍ uiˍ ang byaˍ ha yao piˉ hu jiˉ. Yawng nuing ba htiˍ suiˍ laˍ mae taengˍ laeˍ yao, Sawˉlaˆmunˍ beu cawngˉ ang hkumˍ kaˍ seu cu lang ga jiˉ.

Naiˍ htangˍ 5:12 ပူးပေါင်းရင်းမြစ်များ

Naiˍ htangˍ 1:14

Yawng hkaˉ hko laˉ hko uiˉ nae hkaˍ ba yaˍ htiˍ baˍ uiˍ ta ta, Yeˍsuˆ beu ang muing Maˍriˆ nae yang beu ang hpaeˉ htiˍ baˍ uiˍ ta ta, nuing ba htuˍ yaˍ laˉ mae yawng aˉ lawˍ beun muiˉ ang buinˉ paˉ jiˉ.

Naiˍ htangˍ 14:3

Yaˉ yetˍ hiˉ keung veu ang mangˍ ca yao, Yeˍsuˆ hkaoˉ veu nuing ba hatˆ nae taeng nga laeˍ yao maˍ biˍ jiˍ. Ang suingˉ Yeˍsuˆ muiˉ, yaˉ yetˍ na cuˉ yao na mek laek hkaˍ naˍ ha taw naeˉ uiˉ laˍ htiˍ tanˇ hkoˇ uiˉ piˍ naeˍ hkaoˉ veu yang beu ang buinˉ tangˍ maˍ naeˍ uiˉ ang tangˍ saˍ laiˍ saˉ hkiˉ hkamˉ jiˉ.

Naiˍ htangˍ 16:18

Ang nuing ang nyamˍ ang mangˍ yang ningˉ mae ha naeˉ pa nae, Pawˉluˆ baˍ otˍ taw nae hpeuˍ jiˍ. Yang hpap yao deˍ yaˍ uiˍ na ha biˍ jiˍ yang, Yeˍsuˆ Hkritˆ beu ang maengˉ hkaoˉ veu ga nang na kaˍ taw laˍ naeˍ yaˇ, yang hkaoˉ veu awkˍ taw aengˉ bao nae ha biˍ jiˍ. Haeˉ mae beu, tiˍ chitˍ nae deˍ yaˍ mangˍ awkˍ taw aengˉ jiˉ.

Naiˍ htangˍ 19:11

Hpaˍcaoˍ nawˍ Pawˉluˆ na caiˍ yaˍ yao huiˍ sutˆ nae manˍ kyaˍ htiˍ baˍ uiˍ na ha taw laˉ biˍ jiˍ.

Naiˍ htangˍ 2:46

Cu nuing yawng ang buinˉ paˉ kyaˉ cawngˉ ang huiˍ veu lae naeˉ htaˍ veu muiˉ yawng yumˉ hkaoˉ veu hkaoˍ munˉ hpaetˍ yao mawnˍ pyawˉ naeˉ hkaoˉ veu nuing ba htiˍ suiˍ laˍ mae chiˉ yao yawng htuˍ yaˍ laˉ mae ang caˍ caˍ jiˍ.

Naiˍ htangˍ 28:9

Haeˉ mae hpeuˍ laˍ jiˉ pa nae, cunˉ hingˉ veu ca naeˉ changˉ daˉ changˉ kyangˉ uiˉ muiˉ laˉ yao, Pawˉluˆ yawng na muiˉ taeng pyo biˍ jiˍ.

Naiˍ htangˍ 3:11

Changˉ hiˉ maˇ, Peˍtruˆ nae Yoˉhanˍ yaˉ yetˍ na chu kap yao ca beu, changˉ ang byaˍ uiˍ manˍ hko yao, Sawˉlaˆmunˍ beu cawngˉ ang hkumˍ nae haoˉ naeˉ hiˉ keung veu, huinˍ yao laˉ jiˉ.

Naiˍ htangˍ 4:30

Changˉ uiˉ beu hpa yat uiˉ pyo hkiˍ naeˍ uiˉ saˍ laiˍ Ang suingˉ nang beu laˍ puˍ hingˍ kang nga lao, Ang suingˉ mangˉ beu yaˍ cenˍ ang seungˍ sangˉ Yeˍsuˆ ang maengˉ hkaoˉ veu naˍ mek laek hkaˍ naˍ manˍ kyaˍ uiˍ piˉ myangˉ lao nae yawng ang buinˉ paˉ jiˉ.

Naiˍ htangˍ 9:33

Hiˉ keung veu laˍ puˍ laˍ hkuiˍ siˉ yao, paetˆ pi tiˍ hkeu yuˍ yao ca jiˉ Aeˉneˍ nae maengˉ jiˉ kaˍ hpaˍ yaˍ htiˍ hu mangˉ na yang ya myangˉ jiˉ.

Naiˍ htangˍ 9:40

Peˍtruˆ nawˍ, Yawng hkaˉ hko laˉ hko na piˉ awkˍ taw aengˉ laeˍ yao, yang hpaˍ tuˍ laˍ hku nae ang buinˉ paˉ jiˉ. Peunˉ na yao changˉ siˉ na chiˉ jiˉ kaˉ seu hpap yao, Taˍbiˉtaˆ veuˉ, hta laˉ bao nae ciˍ jiˍ. Hkaˍ ba yaˍ hiˍ mangˉ mae nuing hpawng yao Peˍtruˆ na myangˉ nga beu, duingˉ laˉ jiˉ.