Naiˍ htangˍ 4:30 - Pyen

³⁰ Changˉ uiˉ beu hpa yat uiˉ pyo hkiˍ naeˍ uiˉ saˍ laiˍ Ang suingˉ nang beu laˍ puˍ hingˍ kang nga lao, Ang suingˉ mangˉ beu yaˍ cenˍ ang seungˍ sangˉ Yeˍsuˆ ang maengˉ hkaoˉ veu naˍ mek laek hkaˍ naˍ manˍ kyaˍ uiˍ piˉ myangˉ lao nae yawng ang buinˉ paˉ jiˉ.

Naiˍ htangˍ 4:30 ပူးပေါင်းရင်းမြစ်များ

Naiˍ htangˍ 2:22

Iˉsaˍreˍlaˆ changˉ yawng veuˉ, ciˍ tangˍ ningˍ na naˉ bao. Nawng bae jiˉ hingˉ lawˉ Hpaˍcaoˍ maˇ Naˍzaˍraet changˉ Yeˍsuˆ na cuˉ yao kanˉ ang huiˍ uiˍ nae manˍ kyaˍ uiˍ naˍ mek laek hkaˍ naˍ uiˍ na yang awˍ lawng nawng maenˍ nae ang bae yaˇ.

Naiˍ htangˍ 2:43

Naiˍ htangˍ yawng na manˍ kyaˍ ang byaˍ nae na mek laek hkaˍ naˍ ang byaˍ uiˍ na ha yao, changˉ ang byaˍ uiˍ manˍ yao ca jiˉ.

Naiˍ htangˍ 3:13

Aˍbraˍhamˍ, Iˉcak, Yaˍkok yawng beu Hpaˍcaoˍ gu ang hpiˍ puˉ uiˉ beu Hpaˍcaoˍ nawˍ yang beu yaˍ cenˍ Yeˍsuˆ mangˉ na laˍ htiˍ tanˉ hkoˉ piˉ taw laˉ byaˇ. Ang suingˉ hiˉ mangˉ na nawng ngaˍ ang suingˉ Piˉlatˆ laˍ puˍ hkaoˍ veu ap yao ang suingˉ hiˉ maˇ poiˉ awkˍ laeˍ naeˍ nae kuitˆ yao muiˉ nawng ngaˍ Piˉlatˆ mae kaˍ huˍ veu yang na paek taw saˍ byaˇ.

Naiˍ htangˍ 3:16

Nawng ya bae ya myangˉ jiˉ laˍ hkuiˍ baˍ maenˍ nae uiˉ changˉ ningˉ mangˉ kaˍ ca laˉ laeˍ jiˍ ningˉ ngaˍ, Yeˍsuˆ beu ang maengˉ na yumˉ naeˉ saˉ naeˉ pa yaˇ. Ang maengˉ hingˉ ngaˍ yang na kaˍ piˉ ca laˉ laeˍ jiˍ. Yumˉ naeˉ saˉ naeˉ hingˉ ngaˍ Yeˍsuˆ paˉ nae ya yao, yumˉ naeˉ saˉ naeˉ hingˉ ngaˍ nawng mae nuing suiˍ tawngˍ naˍ veu changˉ ningˉ mangˉ na maenˍ nae ca buiˍ duingˉ buiˍ laˉ laeˍ biˍ byaˇ.

Naiˍ htangˍ 3:6

Peˍtruˆ ciˍ jiˍ yang, Ga beu hpuˉ suiˉ htiˍ ceuˍ piˍ laˍ seuˍ baˍ ca. Hta yao muiˉ, ga beu ca naeˉ ningˉ nang na piˍ laˍ vaˍ. Naˍzaˍraet changˉ Yeˍsuˆ Hkritˆ beu ang maengˉ hkaoˉ veu hta laˉ yao kaˉ ba yawˍ aengˉ baoˇ nae ha biˍ jiˍ.

Naiˍ htangˍ 4:10

nawng hkaˉ hko laˉ hko nae Iˉsaˍreˍlaˆ changˉ uiˉ hkaˉ hko laˉ hko ningˉ na bae bu. Nawng laˍ kang htaˍ veu htaˍ siˍ yao siˉ kyaˉ veu piˉ teˍ laˉ laeˍ jiˍ Hpaˍcaoˍ mangˉ Naˍzaˍraet changˉ Yeˍsuˆ Hkritˆ beu ang maengˉ pa nae, changˉ ningˉ uiˉ hpa yat pyo laˉ yao, nawng tawngˍ naˍ veu cung yao ca ngaeˉ yaˇ.

Naiˍ htangˍ 4:27

Nang cheˉ yuˉ jiˉ nang beu yaˍ cenˍ ang seungˍ sangˉ Yeˍsuˆ na haenˉ lang naeˉ uiˉ saˍ laiˍ, ang suingˉ Heˍrot nae ang suingˉ Poˍtiˆ Piˉlatˆ, Changˉ ceuˉ htiˍ baˍ uiˍ nae, Iˉsaˍreˍlaˆ changˉ ceuˉ uiˉ ta ta, vengˍ ningˍ hkaoˉ veu maˉ manˉ hpawm lang yao ca jiˉ.

Naiˍ htangˍ 5:12

Naiˍ htangˍ uiˍ muiˉ changˉ uiˉ tawngˍ naˍ veu naˍ mek laek hkaˍ naˍ nae manˍ kyaˍ uiˍ ang byaˍ ha yao piˉ hu jiˉ. Yawng nuing ba htiˍ suiˍ laˍ mae taengˍ laeˍ yao, Sawˉlaˆmunˍ beu cawngˉ ang hkumˍ kaˍ seu cu lang ga jiˉ.

Naiˍ htangˍ 6:8

Saˍteˍhpanˍ nawˍ, ang buinˉ htiˍ puing nae tanˉ hkoˉ htiˍ puing ca yao, changˉ yaˍ uiˍ mae nuing suiˍ huˍ veu naˍ mek laek hkaˍ naˍ uiˍ nae manˍ kyaˍ uiˍ na ha jiˉ.