Naiˍ htangˍ 4:29 - Pyen

²⁹ Ang suingˉ Hpaˍcaoˍ veuˉ, ya muiˉ yawng hkanˍ yaˍ laˍ naeˍ hingˉ na hu myangˉ luiˍ lao, nang beu yaˍ cenˍ uiˍ na ang buinˉ tangˍ hingˍ nuing ba hatˆ naeˉ hkaoˉ veu maˍ taw naeˉ uiˉ aˉ hkvangˍ piˍ lao.

Naiˍ htangˍ 4:29 ပူးပေါင်းရင်းမြစ်များ

Naiˍ htangˍ 13:46

Pawˉluˆ nae Baˍnaˍbaˆ yaˉ yetˍ nuing ba hatˆ naeˉ hkaoˉ veu ciˍ jiˍ yang, Hpaˍcaoˍ beu ang tangˍ ningˍ nawng na kaˉ huˍ veu ya upˍ kyaˍ laˍ naeˍ yaˇ. Caˇ, nawng ngaˍ Hpaˍcaoˍ beu ang tangˍ na paek taw saˍ yao, tuingˍ co tuingˍ cat a sak na ya yao baˍ kuingˍ lang nae nawng tawˉ nawng kuitˆ laeˍ yao, gaˉ yetˍ Changˉ ceuˉ htiˍ baˍ uiˍ kawngˉ lae naˇ.

Naiˍ htangˍ 14:3

Yaˉ yetˍ hiˉ keung veu ang mangˍ ca yao, Yeˍsuˆ hkaoˉ veu nuing ba hatˆ nae taeng nga laeˍ yao maˍ biˍ jiˍ. Ang suingˉ Yeˍsuˆ muiˉ, yaˉ yetˍ na cuˉ yao na mek laek hkaˍ naˍ ha taw naeˉ uiˉ laˍ htiˍ tanˇ hkoˇ uiˉ piˍ naeˍ hkaoˉ veu yang beu ang buinˉ tangˍ maˍ naeˍ uiˉ ang tangˍ saˍ laiˍ saˉ hkiˉ hkamˉ jiˉ.

Naiˍ htangˍ 19:8

Hingˉ nawngˍ veu, Pawˉluˆ nawˍ Yuˉdaˆ changˉ ceuˉ hpawm lang kyaˉ veu awngˉ nga laengˉ yao, nuing ba hatˆ naeˉ hkaoˉ veu sumˍ ha veu tiˍ hkeu maˍ biˍ jiˍ. Yawng kawngˉ sin cat lang yao Hpaˍcaoˍ beu ang meungˉ hingˉ na yumˉ laˉ naeˉ uiˉ saˍ laiˍ yang coˇ caˇ yao maˍ biˍ jiˍ.

Naiˍ htangˍ 26:26

Ningˉ awˍ lawng ningˉ na ang suingˉ Aˍgiˉpaˆ bae yao, ga yang na maenˍ nae hkai biˍ yao ang kaˍ yaˇ. Ningˉ ngaˍ ang paˉ veu hpeuˍ laˉ jiˉ kanˉ baˍ nae yao, ningˉ awˍ lawng na ang suingˉ baˍ kyaˍ baˍ bae nae baˍ ca laˇ nae ga ang yumˉ yaˇ.

Naiˍ htangˍ 28:31

Yang nuing ba hatˆ naeˉ hkaoˉ veu Hpaˍcaoˍ beu ang meungˉ awˍ lawng ang buinˉ maˍ yao, Ang suingˉ Yeˍsuˆ Hkritˆ beu awˍ lawng maˍ biˍ beu, aˍ sangˍ nae muiˉ yang na baˍ haenˍ bi.

Naiˍ htangˍ 4:13

Yawng ngaˍ Peˍtruˆ nae Yoˉhanˍ yaˉ yetˍ nuing ba hatˆ jiˉ hingˉ na myangˉ yao, pingˍ nyaˍ baˍ hkiˍ ang laiˍ baˍ henˍ myang nae uiˉ changˉ nae bae yao manˍ hko jiˉ. Yaˉ yetˍ Yeˍsuˆ kawngˉ ca saˍ myang jiˉ na yawng ya bae jiˉ.

Naiˍ htangˍ 4:21

Haeˉ mae yao, yawng ngaˍ Peˍtruˆ nae Yoˉhanˍ yaˉ yetˍ na htiˍ cangˍ haengˍ nae saˍ tiˍ piˍ laeˍ yao awkˍ taw aengˉ jiˉ. Changˉ ang byaˍ uiˍ hpeuˍ laˉ jiˉ kanˉ hingˉ veu tanˉ hkoˉ hingˉ na chiˍ mawng yao hpawm lang kyaˉ veu, changˉ ang huiˍ kaeˍ uiˍ naiˍ htangˍ uiˍ na htiˍ ceuˍ nae muiˉ baˍ hkanˍ baˍ chuiˍ yaˍ.

Naiˍ htangˍ 4:31

Haeˉ mae ang buinˉ paˉ peunˉ yao, yawng cu lang kyaˉ hingˉ uin an laˉ jiˉ. Yawng ngaˍ Ang hkawˍ laˉ ang seungˍ sangˉ nae puing kawˉ yao Hpaˍcaoˍ beu ang buinˉ tangˍ na nuing ba hatˆ hatˆ nae maˍ jiˍ.

Naiˍ htangˍ 9:27

Caˇ, Baˍnaˍbaˆ yang na suiˍ yao, naiˍ htangˍ uiˍ kawngˉ lae jiˉ. Kaˉ ba veu Sawˉluˆ Ang suingˉ Yeˍsuˆ na ya myangˉ jiˉ. Ang suingˉ Yeˍsuˆ yang na ciˍ sangˍ jiˍ na Baˍnaˍbaˆ yawng na hkai biˍ jiˍ. Peunˉ na yao, Daˍmaˍsaetˆ vengˍ hkaoˍ veu Yeˍsuˆ beu ang maengˉ na cuˉ yao nuing ba hatˆ naeˉ hkaoˉ veu yang ang buinˉ tangˍ maˍ biˍ jiˍ na ta ta, Baˍnaˍbaˆ yawng na hkai yao piˉ kyaˍ jiˍ.

Naiˍ htangˍ 9:28

Haeˉ mae yao, Sawˉluˆ nawˍ Yeˍruˆsaˍlaemˍ vengˍ htang veu yawng kawngˉ awkˍ awkˍ taw taw ca jiˉ. Ang suingˉ Yeˍsuˆ beu ang maengˉ na cuˉ yao, nuing ba hatˆ naeˉ hkaoˉ veu yang ang buinˉ tangˍ maˍ jiˍ.