Naiˍ htangˍ 4:13 - Pyen

¹³ Yawng ngaˍ Peˍtruˆ nae Yoˉhanˍ yaˉ yetˍ nuing ba hatˆ jiˉ hingˉ na myangˉ yao, pingˍ nyaˍ baˍ hkiˍ ang laiˍ baˍ henˍ myang nae uiˉ changˉ nae bae yao manˍ hko jiˉ. Yaˉ yetˍ Yeˍsuˆ kawngˉ ca saˍ myang jiˉ na yawng ya bae jiˉ.

Naiˍ htangˍ 4:13 ပူးပေါင်းရင်းမြစ်များ

Naiˍ htangˍ 4:14

Hta yao muiˉ, hpa yat pyo laˉ laeˍ jiˍ mangˉ ngaˍ naiˍ htangˍ uiˍ kawngˉ htuˍ yaˍ laˉ mae cung yao ca naeˉ na myangˉ yao, yawng ngaˍ aˉ mae yao muiˉ baˍ hteng laeˍ hkiˍ.

Naiˍ htangˍ 4:19

Hta yao muiˉ, Peˍtruˆ nae Yoˉhanˍ yaˉ yetˍ aˍ, Gu aˍ Ang suingˉ Hpaˍcaoˍ beu ciˍ tangˍ hingˍ na naˉ ceuˉ laˍ. Baˍ baoˇ, nawng beu ciˍ tangˍ hingˍ na naˉ ceuˉ laˍ. Ang suingˉ Hpaˍcaoˍ tawngˍ naˍ veu aˍ sangˍ beu ciˍ tangˍ hingˍ na naˉ ceuˉ nae, nawng muiˉ ciˍ chae laˍ hu.

Naiˍ htangˍ 4:29

Ang suingˉ Hpaˍcaoˍ veuˉ, ya muiˉ yawng hkanˍ yaˍ laˍ naeˍ hingˉ na hu myangˉ luiˍ lao, nang beu yaˍ cenˍ uiˍ na ang buinˉ tangˍ hingˍ nuing ba hatˆ naeˉ hkaoˉ veu maˍ taw naeˉ uiˉ aˉ hkvangˍ piˍ lao.

Naiˍ htangˍ 4:31

Haeˉ mae ang buinˉ paˉ peunˉ yao, yawng cu lang kyaˉ hingˉ uin an laˉ jiˉ. Yawng ngaˍ Ang hkawˍ laˉ ang seungˍ sangˉ nae puing kawˉ yao Hpaˍcaoˍ beu ang buinˉ tangˍ na nuing ba hatˆ hatˆ nae maˍ jiˍ.

Naiˍ htangˍ 9:27

Caˇ, Baˍnaˍbaˆ yang na suiˍ yao, naiˍ htangˍ uiˍ kawngˉ lae jiˉ. Kaˉ ba veu Sawˉluˆ Ang suingˉ Yeˍsuˆ na ya myangˉ jiˉ. Ang suingˉ Yeˍsuˆ yang na ciˍ sangˍ jiˍ na Baˍnaˍbaˆ yawng na hkai biˍ jiˍ. Peunˉ na yao, Daˍmaˍsaetˆ vengˍ hkaoˍ veu Yeˍsuˆ beu ang maengˉ na cuˉ yao nuing ba hatˆ naeˉ hkaoˉ veu yang ang buinˉ tangˍ maˍ biˍ jiˍ na ta ta, Baˍnaˍbaˆ yawng na hkai yao piˉ kyaˍ jiˍ.

Naiˍ htangˍ 9:28

Haeˉ mae yao, Sawˉluˆ nawˍ Yeˍruˆsaˍlaemˍ vengˍ htang veu yawng kawngˉ awkˍ awkˍ taw taw ca jiˉ. Ang suingˉ Yeˍsuˆ beu ang maengˉ na cuˉ yao, nuing ba hatˆ naeˉ hkaoˉ veu yang ang buinˉ tangˍ maˍ jiˍ.